სკანდალური ჩანაწერი - დააკავებენ თუ არა კაბუს

კახა აბუაშვილი იგივე კაბუ, რამდენიმე კვირის წინ სკანდალში გაეხვა. მსახიობი ვერაზე, ლურჯ მონასტერთან დაჭრეს. კაბუს თავს ორი უცნობი მამაკაცი დაესხა და ბარძაყის არეში ცეცხლსასროლი იარაღი ესროლეს. მსახიობს ღუდუშაურის კლინიკაში ოპერაცია ჩაუტარდა.

მოგვიანებით მსახიობი ყვებოდა, რომ არანაირი შეკამათება არ მოსვლია. შემდეგ გაჩნდა ეჭვი, რომ ის "ვანოს შოუში'' ქურდებზე ნათქვამი ხუმრობის გამო დაჭრეს. კაბუ ამ ვერსიას კატეგორიულად უარყოფდა.

ამბობდა, კარგად ვიცნობ, ვისზეც ვიხუმრე. კარგი ბიჭები არიან ვიღაც ფარჩაკებმა დამჭრესო. გუშინ კი ინტერნეტში გავრცელდა აუდიოჩანაწერი, სადაც კაბუ უცნობ პიროვნებასთან ერთად ფართომასშტაბიან ძარცვაზე საუბრობს.

იმაზეც საუბრობენ, ჩანაწერი სინამდვილეს არ შეესაბამება და სარეკლამო სააგენტოს ფარგლებშია გადაღებული. თუ ეს ნამდვილად რეკლამა არაა, კაბუს სავარაუდოდ დააკავებენ. მსახიობს რამდენიმე კითხვით მივმართეთ.

- ვიცი, რასთან დაკავშირებით მირეკავთ. ამ ეტაპზე არაფრის თქმა არ შემიძლია.
- ფილმს ხომ არ იღებთ და ეს ვიდეო ფილმის პიარისთვის ხომ არ გაავრცელეს.
- ვერაფერს გეტყვით. შეიძლება ფილმშიც გადამიღონ.
- ამ ყველაფერზე ზუსტი პასუხი როდის გექნებათ?
- საღამოს ყველაფერი მეცოდინება.

სალომე დადიანი
სპეციალურად ''რეიტინგის'' საიტისთვის