• სოფო ბედიას დიეტა - როგორ დაიკლო მომღერალმა 7 კილო?

    მომღერალი სოფო ბედია ბოლო დროს საგრძნობლად გახდა. დავინტერესდით, რომელი დიეტის წყალობით მიაღწია ქართველმა ვარსკვლავმა სასურველ წონას და სოფო ბედიას დავუკავშირდით.

    – სოფო, საგრძნობლად დაიკელით წონაში. რომელი დიეტით დაიკელით?

    – განსაკუთრებულს არაფერს ვაკეთებ, არ მივირთმევ 6 საათის მერე და ცომეულისგან თავს ვიკავებ. ასევე, ვცდილობ, ენერგია მაქსიმალურად დავხარჯო. მარხვაზე ვარ და ამ ბოლო დროს ლობიანის ჭამაც მიწევს, მაგრამ მაინც დავიკელი წონაში. ალბათ ნივთიერებათა ცვლაც წესრიგში მაქვს და ამიტომ ვიკლებ წონაში. როცა სცენაზე დგახარ, უნდა იყო ფორმაში.

    – რამდენი კილოგრამი დაიკელით?

    – ჩემი კონსტრუქციიდან გამომდინარე, ქალური ფორმები მაქვს, ბევრის დაკლება არც მიხდება, სახეზე მეტყობა. ზაფხულის შემდეგ 7 კილოგრამი დავიკელი. ასევე, ამოვიღე შაქარი და მარილი. ძირითადად, მოხარშულ საჭმელს მივირთმევ.

    – შეყვარებულის თხოვნით ხომ არ მიიღეთ ეს გადაწყვეტილება?

    – წლები გვემატება, ახლა თუ არ ვიზრუნეთ საკუთარ გარეგნობაზე, მერე გვიანი იქნება. ადრე ვის გვერდითაც ვცხოვრობდი, მას არ მოვწონდი გამხდარი და ფეხს ვუწყობდი. სულ მინდოდა, მოდელის მსგავსი გამხდარი ვყოფილიყავი, მაგრამ ეს იმას არ ნიშნავს, რომ მოდელობას ვაპირებ. განტვირთვის დღეებს ვაკეთებ და უმარილო წიწიბურას მივირთმევ.

    – მიშას მოსწონხართ გამხდარი?

    – მიშამ როგორიც გამიცნო, ისეთიც მოვწონდი, მას ყველანაირი ვუყვარვარ. მოსწონს, წონაში რომ დავიკელი და მთხოვს, ეს წონა შევინარჩუნო.

    თამარ ბოჭორიშვილი
    2 231 ნახვა
    18-04-2014, 11:15
    GOGATV

    abezara