სექტემბრიდან ქალის მიმართ უხამსი გამონათქვამებისთვის ჯარიმა დაწესდა
სექტემბრიდან ნებისმიერი, რომელიც ქალის მიმართ უხამსად გაიხუმრებს ან შეიგინება, 75-დან 250 ევრომდე დაჯარიმდება.
ბელგიის დედაქალაქ ბრიუსელში მაღალი ჯარიმები დაწესდა ქუჩაში ქალების მიმართ გამოთქმული უხამსი სიტყვებისთვის.
მსგავსი ზომები იმისთვის შემოიღეს, რომ ”დაამარცხონ დაუსჯელობა ქუჩებში შეურაცხყოფის გამო”, - დააზუსტა ბრიუსელის ბურგომისტრმა ფრედი ტილემანსმა.
პარლამენტის ამგვარი გადაწყვეტილება მოჰყვა 25 წლის სტუდენტის, სოფი პიტერსის ვიდეორგოლს. ფარული კამერით გადაღებულ ხანმოკლე ფილმში ”ქალი ქუჩაში” გოგონა დღისით სეირნობს ბელგიის დედაქალაქში.
ფილმში ჩანს, მასთან მუდმივად როგორ მიდიან მამაკაცები, ძირითადად - ახლო აღმოსავლეთიდან ჩასულები და სთავაზობენ ყავის დალევას, სთხოვენ ტელეფონის ნომერს და სასტუმროშიც კი ეპატიჟებიან. როცა პიტერსი უარს ეუბნება, მისი მისამართით მაშინვე ისმის შეურაცხყოფა.
2 172 ნახვა
11-09-2012, 04:06
