ნინი ბადურაშვილს უნდა, კამერაში სოფო ნიჟარაძესთან ერთად ჩასვან

გავრცელებული ინფორმაციით სახელმწიფო დაცვის სპეციალური სამსახურის მიერ გაწეულ ხარჯებთან დაკავშირებით პროკურატურა მალე დაკითხავს ქართული შოუბიზნესის წარმომადგენლებს – ბუბა კიკაბიძეს, სოფო ნიჟარაძეს, ლელა წურწუმიას, მერაბ სეფაშვილს, ნინა წკრიალაშვილს, ეკა კახიანს, ნინი ბადურაშვილს, ნინო ჩხეიძეს, ანა კეკუას, სალომე ბაკურაძეს, ნოდიკო ტატიშვილს, ნიაზ დიასამიძეს, აჩიკო გულედანს, დუეტ "ჯორჯიას" – მაკა ზამბახიძესა და რატი დურგლიშვილს და სხვა მომღერლებს. ასევე, "კომედი შოუს" მსახიობებსა და სხვადასხვა მუსიკალური ანსამბლის წევრებს. მათ, სავარაუდოდ, მოწმის სახით დაჰკითხავენ.

აღნიშნულ ინფორმაციას სოფო ნიჟარაძე გამოეხმაურა და სოციალურ ქსელში დაწერა:
''ძალიან გახვედით თავს, დაკითხვაზე თქვენი ოჯახის წევრები დაიბარეთ! სასაცილოა, სატირალი რომ არ იყოს! ეგღა მაკლია მსგავს ღონისძიებებზე ჰონორარით ვიმღერო?!

დაბადების დღეზე, გამონაკლის შემთხვევაში, მხოლოდ მეგობრების წრეში, მათი დაბადების დღის აღსანიშნავად, საჩუქრად თუ მიმიძღვნია სიმღერა და ისიც ჩემი სურვლისამებრ. რა თქმა უნდა, სხვა შემთხვევაში შეკვეთილი დაბადების დღეები და აღებული ჰონორარები? ნურას უკაცრავად, ჩემს თავს ცოტა უფრო მაღლა ვაყენებ, დიდი ბოდიში სტატიის ავტორებო!!!''

სტატუსს მომღერალი ნინი ბადურაშვილი შემდეგი კომენტარით გამოეხმაურა.

''ერთ კამერაში რომ ჩაგვსვან, ვისთან ჩავაწყო? საერთოდ რა სიტუაციაა ნეტა ქალთა კოლონიაში გავიგოთ ერთი''.
''ცუდად ვარ, ისე ვიცინი'' - დაწერა სოფო ნიჟარაძემ.

სალომე დადიანი