ლალი მოროშკინა უმცროსი შვილის დაბადების დღეზე საავადმყოფოში მოხვდა

ასეთი რამ მხოლოდ მე მემართება! დღეს ჩემი უმცროსი შვილის დაბადების დღეა. შევუკვეთე საოცარი ტორტები, ერთი „სვეცკი“, ერთი „სოფლური“, შევიკრიბეთ ჩვენთან ძეგვში. მე ვდიასახლისობ.... და ბახ!!! ფეხზე მურაბის ქილა დამეცა და თითი გადამიჭრა... მერე „ღუდუშაური“ და ნაკერები... ესე იგი, სისხლი თუ არ გამოვუშვი პერიოდულად, არაფერი გამოდის....“ , - წერს ლალი მოროშკინა ფეისბუქის საკუთარ გვერდზე.
დღეს ლალის უმცროსი შვილი გიორგი ღოთვაძე 15 წლის გახდა.
ჩვენ ლალის დავუკავშირდით და მისი ჯანმრთელობის მდგომარეობა ვიკითხეთ.

- ლალი, ახლა როგორ ხარ?
- რა ვიცი, ნაკერები დამადეს, გამაყუჩებელი გამიკეთეს. ბევრი სისხლი დავკარგე.
- ისევ საავადმყოფოში ხარ?
- არა, დავბრუნდი ძეგვში. ჩემი საფრანგეთიდან ჩამოსული და ხელებაკაპიწებული წმენდდა სისხლსა და მურაბის ქილის ნარჩენებს. ირაკლი (მეუღლეს გულისხმობს.ავტ) საავადმყოფოში მოვარდა. ისეთი ამბავი ატეხა, გეგონება ღაზას სექტორში მოვყევი, სრულიად სვანეთი დამატრიალა თავს.
- კარგი სიურპრიზი კი გამოგსვლია გიორგისთვის, შეშინდებოდა ბავშვი...
- ჩემგან არაფერი უკვირს.
- გამოჯანმრთელებას გისურვებ.
- მადლობა.

ნინო მჭედლიშვილი