მარიტა როხვაძემ ახალი სიყვარული იპოვა? – "დასვენება მინდა, სკანდალი - არა''

მომღერალი მარიტა როხვაძე ბათუმში ისვენებს და ''ფეისბუქის'' საკუთარ გვერდზე შავი ზღვის სანაპიროზე გადაღებულ ფოტოებს აქვეყნებს. ერთ-ერთ ფოტოზე სიმპატიურ ბიჭთან, ვინმე თენგო ცოფურაშვილთან ერთად არის გადაღებული. წყვილი გონიოში შეზლონგზე მზეს ეფიცხება და ისე პოზირებს. ჩვენ მარიტას დავუკავშირდით და ამ ბიჭის ვინაობა ვკითხეთ.

- მარიტა, შენი ახალი ფოტოებით თუ ვიმსჯელებთ, ისვენებ.
- კი, ბათუმში ვისვენებ.
- ვინ არის თენგო ცუფურაშვილი, შენს ფოტოებში ვნახე...
- რას მერჩი ახლა, დასვენება მინდა, სკანდალი - არა (იცინის).
- მე არ გერჩი, თენგომ თვითონ დადო შენი ფოტო წარწერით, - ჩემი ცხოვრების აზრიო. თავისთავად ჩნდება კითხვა.
- მის ცხოვრებას აზრს მართლაც ვაძლევ.
- შეყვარებულები ხართ თუ ფლირტი გაქვთ ჯერ?
- ჩემი წარსული ხომ იცი, ასე ადვილად არ მიყვარდება.
- აბა, გულს აყოლებ დარდებს?
- არამც და არამც!
- მაშ გაგვარკვიე, რა ჰქვია თქვენს ურთიერობას?
- ამას დრო გვიჩვენებს. ამ ეტაპზე მეტს ვერაფერს გეტყვი.
- ის მაინც გვითხარი, როგორ გაიცანით ერთმანეთი, რას საქმიანობს თენგო...
- მას კითხეთ. მე მეტის თქმას აღარ ვაპირებ.

ნინო მჭედლიშვილი