რჩევები ქალებს, რომლებსაც ზარმაცი ქმრები ჰყავთ

გირჩევთ, აქოთ ისინი ყველა წვრილმანი საქმისთვის, რასაც სახლში აკეთებენ. ნაგვის გატანისთვისაც კი უნდა აღნიშნოთ, როგორი ყოჩაღია. მეტი ქათინაურის მისაღებად მამაკაცი ეცდება მეტი გააკეთოს. თითქოს პრიმიტივია, მაგრამ ფსიქოლოგების აზრით ეს ყოველთვის მუშაობს. ეს იმას არ ნიშნავს, რომ ისეთ წვრილმანზე, როგორიცაა ნაგვის გატანა ქმარს უმღეროთ და თავი მიწამდე დაუკრათ. უბრალოდ, ყველა მის საქციელს მოჰყვეს ადეკვატური და სამართლიანი შეფასება.

ტრადიციულად ქალი ფიქრობს, წვრილმანებზე არ არის მადლობების გადახდა საჭირო. ჩაიდინოს გმირობის ტოლფასი საქციელი და მიიღებს მადლობას. სინამდვილეში კი წვრილმანი პოზიტივი აძლიერებს ურთიერთობას, უფრთხილდება და ამრავლებს. თუ არ ჩავყრით ცოტ-ცოტათი ურთიერთობის საფუძველს, ძალიან გაჭირდება ამტკიცოთ, რომ არ ხართ დაუნახავი ადამიანი. უყურადღებობა წვრილმანის მიმართ კლავს მოტივაციას მამაკაცში და გარდაქმნის მათ ტახტზე მოგორავე მუთაქად. მერე კი ქალებს უკვირთ, რატომ არ აკეთებს ქმარი არაფერს. სწორედ იმიტომ, რომ არ უნდა შეეჯახოს უმადურებას ძვირფასი ადამიანისგან. ასეთ ვითარებაში არკეთება არ არის უსინდისობა, უბრალოდ თავდაცვის ხერხია.

თუ ქალის ქვეცნობიერში სულ პატარა , მომხმარებლური დამოკიდებულების ჩრდილიც კი გაჩნდება, იგი მამკაცისგან მიიღებს მტრულ დამოკიდებულებას. უფრო ზუსტად – რაც მეტად უყვარს იგი მამაკაცს,მით უფრო მეტი იქნება მისი გაუცნობიერებული შინაგანი პროტესტი.

eva.ge