ნათია დუმბაძეს პროექტში მოგებული მანქანა ქმარმა წაართვა
მომღერალმა ნათია დუმბაძემ ერთ წელიწადში ორი მანქანა მიიღო საჩუქრად. ერთი წლის წინ ქმარმა დაასაჩუქრა "ბეემვე"–თი, ცოტა ხნის წინ კი მუსიკალურ პროექტში "ერთი ერთში" მეორე ადგილზე გავიდა და პრიზად ერგო 2014 წელს გამოშვებული "ჰონდას" ჯიპის უახლესი მოდელი, რომელიც 33 000 დოლარი ღირს. ნათიას თავისი "ბეემვე" ისე უყვარს, რომ ახალ "ჰონდაზე" გადაჯდომა ძალიან უჭირს. "სარკისთვისაც" ფოტო ძველ მანქანასთან გადაიღო.
– ნათია, პროექტში "ერთი ერთში" ავტომობილი მოიგეთ. ელოდით ასეთ საჩუქარს?
– იმდენად ვიყავი პროექტსა და სიმღერაზე გადართული და ისე ვნერვიულობდი, რომ საჩუქრებზე საერთოდ არ ვფიქრობდი, არც ის ვიცოდი, მანქანა სად იდგა და არც ერთ მონაწილეს გვიკითხავს ბინა, რომელიც პირველი ადგილის მფლობელის გახდებოდა, ტერიტორიულად სად იყო. მეორე ადგილის მფლობელად რომ გამომაცხადეს და "ჰონდას" წარმომადგენელმა ავტომობილის სანახავად მაღლა ამიყვანა, ვერ წარმოვიდგენდი, თუ ასეთი გაპიწკინებული მანქანა დამხვდებოდა. მისკენ რომ გავემართე, ყველა გულშემატკივარი იქ მელოდებოდა, რომ ჩემს მანქანაში ზარ–ზეიმით ჩავმჯდარიყავი. ფოტოების გადაღება ატყდა, ემოციებისგან ვერ ვხვდებოდი, ჩემს თავს რა ხდებოდა.
ამხელა სიხარული, მგონი, არასდროს განმიცდია. არ მეგონა, ასეთი ძვირადღირებული ავტომობილი თუ მერგებოდა, მისი ფასი 33 000 დოლარია.
– დადიხართ უკვე ახალი ავტომობილით?
– ჯერ მაინც ძველი ავტომობილით დავდივარ, რადგან "ჰონდაში" რომ ვჯდები, მენანება. სავარძლები ჯერ კიდევ შეფუთულია. თან, სიმართლე გითხრათ, მოგებული მანქანა ჩემმა ქმარმა წამართვა და ის დადის. როცა ახალ მანქანაზე დავჯექი და ჩემზე სიუჟეტი გაკეთდა, საზოგადოების მხრიდან ათასი ჭორი წამოვიდა, უფრო მაგარი მანქანიდან გადაჯდა "ჰონდაზე" და მოგება რაღად უნდოდაო.
საზოგადოებას მივმართავ, რომ მე და ჩემს ქმარს ერთი მანქანა გვყავდა და ხოცვა–ჟლეტა გვქონდა, არა ჩემია და არა ჩემიო, არა შენ გამომიარე და არა მე გამოგივლიო.
ჩემი "ბეემვე" ძვირადღირებული არ გახლავთ, 9 000 დოლარი ღირს, მაგრამ ძალიან მიყვარს. მას იმდენად მივეჩვიე, ახალ "ჰონდაზე" მიჭირს გადაჯდომა.
– "ბეემვე"–ს დიდი ხანია მართავთ?
– არც ისე, სულ რაღაც ერთი წელია, რაც ჩემმა ქმარმა 2004 წელს გამოშვებული "ბეემვე" მაჩუქა. მისი მონაცემებით ნაკლებად ვინტერესდები, მხოლოდ ის ვიცი, რომ ძლიერი ძრავი აქვს. მოგებული "ჰონდა" ხომ სულ ახალია, მაგრამ "ბეემვე" უფრო შევიყვარე, მარიაჟული ავტომობილია. მისი ყველაზე კარგად მესმის, ხმაზე ვხვდები, რა უჭირს. შავი ფერისაა და კრემისფერი სალონი აქვს, რაც ასევე ძალიან მომწონს. გამუდმებით მასზე ზრუნვაში ვარ.
თქვენი ინტერვიუსთვის ჩემს "ბეემვე"–ს ლამაზი დისკები დავუყენე. გარდა იმისა, რომ ლამაზი მანქანაა, სწრაფად დადის, რაც ავტობანისთვის ხელსაყრელია. მით უმეტეს, როცა შორ გზაზე მივდივარ.
– სისწრაფის მოყვარული მძღოლი ხართ?
– კი, მაგრამ ქალაქში ძალიან ფრთხილი ვარ, განსაკუთრებით, როცა ჩემი შვილი, 6 წლის დუდუ მიზის მანქანაში. არ მიყვარს ნერვული მძღოლები, რომლებიც შუქნიშანზე დგანან და მწვანე სანამ აინთება, სიგნალს ატეხენ ხოლმე, დროზე წადითო. გზაზე მოძრაობის დროს არ ვბრაზდები და არ არსებობს, ისტერიკულად დავასიგნალო. როცა ჩემ წინ მიმავალი მანქანა რაღაც მიზეზის გამო ადგილიდან არ იძვრის, მე ყოველთვის მშვიდად ველოდები. მიუხედავად იმისა, რომ თბილისში საშინელი მოძრაობაა, ვახერხებ, აგრესიული მძღოლი არ ვიყო.
ვერ ვიტან, ახალგაზრდა კაცები მარიაჟულ მანევრებს რომ აკეთებენ. ამ დროს ხომ შეიძლება გზაზე ადამიანმა გადაირბინოს? ამის ძალიან მეშინია და ჩემს ქმარს, ბაჩოსაც სულ ვთხოვ, რომ ფრთხილად იმოძრაოს. საზოგადოებრივი ტრანსპორტი ყველაზე მეტად მაღიზიანებს, მაგრამ მათიც კარგად მესმის.
თამამად შემიძლია ვთქვა, რომ მაგარი მძღოლი ვარ. რამდენიმე დღეა, რაც ბათუმიდან დავბრუნდი. ჩემი დაქალები წამოვიყვანე, რომლებსაც მთელი გზა ეძინათ, რაც იმას ნიშნავს, რომ მენდობიან.
– კანონმორჩილიც ხართ?
– კი, რა თქმა უნდა, მაგრამ ჯარიმების გადახდა მაინც მიწევს. "სითი პარკის" ჯარიმა მაქვს უამრავი. ამ კომპანიამ ორჯერ წაიყვანა ჩემი მანქანა. ერთხელ რუსთაველზე ერთ–ერთ მაღაზიასთან გავჩერდი, ფეხსაცმელი ვიყიდე და, რომ გამოვედი, მანქანა აღარ დამხვდა. იმ ფეხსაცმლის ფასი საჯარიმოზე გადავიხადე.
პატრულზე იმდენად არ მეშლება ნერვები, რამდენადაც "სითი პარკი" მაღიზიანებს. ბედნიერი ვიქნები, თუ ეს კომპანია აღარ იარსებებს. რამდენიმე დღის წინ ღვედის გადაჭერა დამავიწყდა და ამის გამოც დავჯარიმდი. როცა პატრული მაჩერებს და ვიცი, რომ უნდა დამაჯარიმოს, გაშვებას არასოდეს ვთხოვ. მახსოვს, ერთხელ გასაჩერებელი ადგილი ვერ ვნახე, მანქანა გზის საპირისპირო მხარეს დავაყენე და სილამაზის სალონში შევედი. გამოპრანჭული გამოვედი და ჩემს მანქანასთან პატრული მელოდებოდა. სხვა გზა არ გვაქვს, უნდა დაგაჯარიმოთო. "იუთუბზე" ჩემს ვიდეოებს უყურებდნენ და თან 10 ლარიან ჯარიმას მიწერდნენ. ამ ჯარიმის დროულად გადახდა დამავიწყდა და 150 ლარამდე ავიდა.
მიუხედავად იმისა, რომ კატასტროფულად ბევრ ჯარიმას არ ვიხდი, ბაჩო მაინც მებუზღუნება, თვითონ კი არასდროს დაჯარიმებულა.
სხვათა შორის, ძალიან იღბლიანი ვარ და პატრული იშვიათად მაჩერებს. რამდენიმეჯერ ერთი ბოკალი შამპანური მქონია დალეული და საჭესთან ვმჯდარვარ, მაგრამ ამის გამო პრობლემა არასოდეს მქონია.
– ავარიული სიტუაცია შეგიქმნიათ?
– ჩემი მძღოლობის განმავლობაში მხოლოდ ერთი ავარიული შემთხვევა მახსენდება. 31 დეკემბრის საღამოს სილამაზის სალონიდან გამოვედი და ტაქსი კარგად შევალამაზე. მიუხედავად იმისა, რომ მანქანა საკმაოდ დავაზიანე, მძღოლმა არაფერი მითხრა, არც გაკეთება მომთხოვა და გამიშვა. პირველად "ფოლკსვაგენ პასატი" მყავდა, მანქანის მართვა მასზე ვისწავლე, მაგრამ ავარიული სიტუაცია ახალბედა მძღოლსაც არ შემიქმნია.
– ქალ მძღოლებზე ბევრს ბჭობენ მამაკაცი მძღოლები, კრიტიკას არ აკლებენ. ამაზე არ ბრაზდებით?
– კიდეც ბჭობენ და კიდეც გვლანძღავენ. არ მომწონს მათი ასეთი მოსაზრებები ქალებზე, რადგან ბევრი ცუდი მამაკაცი მძღოლიც არსებობს. ასე რომ, ქალებიც ვლანძღავთ ასეთ კაცებს. მათგან აგრესიას არ ვგრძნობ, რადგან საჭესთან არასდროს ვიპრანჭები. თუ მაკიაჟის გასწორება მომინდება, მანქანას აუცილებლად ვაჩერებ.
– მეუღლე როგორ გაფასებთ, როგორც მძღოლს?
– სულ მეუბნება, რომ ნორმალური მძღოლი ვარ, მაგრამ არ უყვარს, როცა გვერდით მიზის. გამუდმებით მითითებებს მაძლევს და მირჩევნია, ბაჩო დაჯდეს საჭესთან. მისი კარგად მესმის, რადგან მგზავრის ამპლუაში ყოფნა არც მე მიყვარს. თუმცა ბაჩო იდეალური მძღოლია და მასთან შენიშვნები არ მაქვს.
– ყველაზე ცუდ სიტუაციაში სად გაგფუჭებიათ მანქანა?
– ბათუმიდან ირინა ონაშვილთან ერთად ვბრუნდებოდი. ურეკში ისეთმა წვიმამ დასცხო, მანქანა გაგვიფუჭდა. გადმოვედით, გალუმპულებმა თავი ხეებს შევაფარეთ და პატრულის გამოჩენას დაველოდეთ. პატრული მალე გამოჩნდა და მანქანა ბათუმამდე ჩაგვაყვანინა. მეორე დღეს კონცერტი გვქონდა და აუცილებლად უნდა ჩამოვსულიყავით თბილისში. მანქანის გაკეთებას თითქმის მთელი დღე მოუნდნენ პროფილაქტიკაში. საბედნიეროდ, კონცერტი საღამოს მქონდა და ჩამოვუსწარი. მანქანის გაკეთება არ შემიძლია, მაგრამ გარეცხვა ძალიან მიყვარს.
– ქალის მანქანა ხშირ შემთხვევაში აქსესუარების სიმრავლით გამოირჩევა. თქვენს სალონში რა ხდება?
– მე არ მხიბლავს ასეთი რაღაცეები, მაგრამ სალონის საბარგულში სრული უწესრიგობაა, ყველა არასაჭირო ნივთს იქ ვყრი, ბავშვის ტანსაცმელს, სათამაშოებს და ხშირ შემთხვევაში ჩემს ფეხსაცმელებსაც. მანქანით სამოსი იმ შემთხვევაში დამაქვს, როცა სახლში მისვლას ვერ ვახერხებ.
სოფიო ბოჭორიძე, ჟურნალი სარკე
– ნათია, პროექტში "ერთი ერთში" ავტომობილი მოიგეთ. ელოდით ასეთ საჩუქარს?
– იმდენად ვიყავი პროექტსა და სიმღერაზე გადართული და ისე ვნერვიულობდი, რომ საჩუქრებზე საერთოდ არ ვფიქრობდი, არც ის ვიცოდი, მანქანა სად იდგა და არც ერთ მონაწილეს გვიკითხავს ბინა, რომელიც პირველი ადგილის მფლობელის გახდებოდა, ტერიტორიულად სად იყო. მეორე ადგილის მფლობელად რომ გამომაცხადეს და "ჰონდას" წარმომადგენელმა ავტომობილის სანახავად მაღლა ამიყვანა, ვერ წარმოვიდგენდი, თუ ასეთი გაპიწკინებული მანქანა დამხვდებოდა. მისკენ რომ გავემართე, ყველა გულშემატკივარი იქ მელოდებოდა, რომ ჩემს მანქანაში ზარ–ზეიმით ჩავმჯდარიყავი. ფოტოების გადაღება ატყდა, ემოციებისგან ვერ ვხვდებოდი, ჩემს თავს რა ხდებოდა.
ამხელა სიხარული, მგონი, არასდროს განმიცდია. არ მეგონა, ასეთი ძვირადღირებული ავტომობილი თუ მერგებოდა, მისი ფასი 33 000 დოლარია.
– დადიხართ უკვე ახალი ავტომობილით?
– ჯერ მაინც ძველი ავტომობილით დავდივარ, რადგან "ჰონდაში" რომ ვჯდები, მენანება. სავარძლები ჯერ კიდევ შეფუთულია. თან, სიმართლე გითხრათ, მოგებული მანქანა ჩემმა ქმარმა წამართვა და ის დადის. როცა ახალ მანქანაზე დავჯექი და ჩემზე სიუჟეტი გაკეთდა, საზოგადოების მხრიდან ათასი ჭორი წამოვიდა, უფრო მაგარი მანქანიდან გადაჯდა "ჰონდაზე" და მოგება რაღად უნდოდაო.
საზოგადოებას მივმართავ, რომ მე და ჩემს ქმარს ერთი მანქანა გვყავდა და ხოცვა–ჟლეტა გვქონდა, არა ჩემია და არა ჩემიო, არა შენ გამომიარე და არა მე გამოგივლიო.
ჩემი "ბეემვე" ძვირადღირებული არ გახლავთ, 9 000 დოლარი ღირს, მაგრამ ძალიან მიყვარს. მას იმდენად მივეჩვიე, ახალ "ჰონდაზე" მიჭირს გადაჯდომა.
– "ბეემვე"–ს დიდი ხანია მართავთ?
– არც ისე, სულ რაღაც ერთი წელია, რაც ჩემმა ქმარმა 2004 წელს გამოშვებული "ბეემვე" მაჩუქა. მისი მონაცემებით ნაკლებად ვინტერესდები, მხოლოდ ის ვიცი, რომ ძლიერი ძრავი აქვს. მოგებული "ჰონდა" ხომ სულ ახალია, მაგრამ "ბეემვე" უფრო შევიყვარე, მარიაჟული ავტომობილია. მისი ყველაზე კარგად მესმის, ხმაზე ვხვდები, რა უჭირს. შავი ფერისაა და კრემისფერი სალონი აქვს, რაც ასევე ძალიან მომწონს. გამუდმებით მასზე ზრუნვაში ვარ.
თქვენი ინტერვიუსთვის ჩემს "ბეემვე"–ს ლამაზი დისკები დავუყენე. გარდა იმისა, რომ ლამაზი მანქანაა, სწრაფად დადის, რაც ავტობანისთვის ხელსაყრელია. მით უმეტეს, როცა შორ გზაზე მივდივარ.
– სისწრაფის მოყვარული მძღოლი ხართ?
– კი, მაგრამ ქალაქში ძალიან ფრთხილი ვარ, განსაკუთრებით, როცა ჩემი შვილი, 6 წლის დუდუ მიზის მანქანაში. არ მიყვარს ნერვული მძღოლები, რომლებიც შუქნიშანზე დგანან და მწვანე სანამ აინთება, სიგნალს ატეხენ ხოლმე, დროზე წადითო. გზაზე მოძრაობის დროს არ ვბრაზდები და არ არსებობს, ისტერიკულად დავასიგნალო. როცა ჩემ წინ მიმავალი მანქანა რაღაც მიზეზის გამო ადგილიდან არ იძვრის, მე ყოველთვის მშვიდად ველოდები. მიუხედავად იმისა, რომ თბილისში საშინელი მოძრაობაა, ვახერხებ, აგრესიული მძღოლი არ ვიყო.
ვერ ვიტან, ახალგაზრდა კაცები მარიაჟულ მანევრებს რომ აკეთებენ. ამ დროს ხომ შეიძლება გზაზე ადამიანმა გადაირბინოს? ამის ძალიან მეშინია და ჩემს ქმარს, ბაჩოსაც სულ ვთხოვ, რომ ფრთხილად იმოძრაოს. საზოგადოებრივი ტრანსპორტი ყველაზე მეტად მაღიზიანებს, მაგრამ მათიც კარგად მესმის.
თამამად შემიძლია ვთქვა, რომ მაგარი მძღოლი ვარ. რამდენიმე დღეა, რაც ბათუმიდან დავბრუნდი. ჩემი დაქალები წამოვიყვანე, რომლებსაც მთელი გზა ეძინათ, რაც იმას ნიშნავს, რომ მენდობიან.
– კანონმორჩილიც ხართ?
– კი, რა თქმა უნდა, მაგრამ ჯარიმების გადახდა მაინც მიწევს. "სითი პარკის" ჯარიმა მაქვს უამრავი. ამ კომპანიამ ორჯერ წაიყვანა ჩემი მანქანა. ერთხელ რუსთაველზე ერთ–ერთ მაღაზიასთან გავჩერდი, ფეხსაცმელი ვიყიდე და, რომ გამოვედი, მანქანა აღარ დამხვდა. იმ ფეხსაცმლის ფასი საჯარიმოზე გადავიხადე.
პატრულზე იმდენად არ მეშლება ნერვები, რამდენადაც "სითი პარკი" მაღიზიანებს. ბედნიერი ვიქნები, თუ ეს კომპანია აღარ იარსებებს. რამდენიმე დღის წინ ღვედის გადაჭერა დამავიწყდა და ამის გამოც დავჯარიმდი. როცა პატრული მაჩერებს და ვიცი, რომ უნდა დამაჯარიმოს, გაშვებას არასოდეს ვთხოვ. მახსოვს, ერთხელ გასაჩერებელი ადგილი ვერ ვნახე, მანქანა გზის საპირისპირო მხარეს დავაყენე და სილამაზის სალონში შევედი. გამოპრანჭული გამოვედი და ჩემს მანქანასთან პატრული მელოდებოდა. სხვა გზა არ გვაქვს, უნდა დაგაჯარიმოთო. "იუთუბზე" ჩემს ვიდეოებს უყურებდნენ და თან 10 ლარიან ჯარიმას მიწერდნენ. ამ ჯარიმის დროულად გადახდა დამავიწყდა და 150 ლარამდე ავიდა.
მიუხედავად იმისა, რომ კატასტროფულად ბევრ ჯარიმას არ ვიხდი, ბაჩო მაინც მებუზღუნება, თვითონ კი არასდროს დაჯარიმებულა.
სხვათა შორის, ძალიან იღბლიანი ვარ და პატრული იშვიათად მაჩერებს. რამდენიმეჯერ ერთი ბოკალი შამპანური მქონია დალეული და საჭესთან ვმჯდარვარ, მაგრამ ამის გამო პრობლემა არასოდეს მქონია.
– ავარიული სიტუაცია შეგიქმნიათ?
– ჩემი მძღოლობის განმავლობაში მხოლოდ ერთი ავარიული შემთხვევა მახსენდება. 31 დეკემბრის საღამოს სილამაზის სალონიდან გამოვედი და ტაქსი კარგად შევალამაზე. მიუხედავად იმისა, რომ მანქანა საკმაოდ დავაზიანე, მძღოლმა არაფერი მითხრა, არც გაკეთება მომთხოვა და გამიშვა. პირველად "ფოლკსვაგენ პასატი" მყავდა, მანქანის მართვა მასზე ვისწავლე, მაგრამ ავარიული სიტუაცია ახალბედა მძღოლსაც არ შემიქმნია.
– ქალ მძღოლებზე ბევრს ბჭობენ მამაკაცი მძღოლები, კრიტიკას არ აკლებენ. ამაზე არ ბრაზდებით?
– კიდეც ბჭობენ და კიდეც გვლანძღავენ. არ მომწონს მათი ასეთი მოსაზრებები ქალებზე, რადგან ბევრი ცუდი მამაკაცი მძღოლიც არსებობს. ასე რომ, ქალებიც ვლანძღავთ ასეთ კაცებს. მათგან აგრესიას არ ვგრძნობ, რადგან საჭესთან არასდროს ვიპრანჭები. თუ მაკიაჟის გასწორება მომინდება, მანქანას აუცილებლად ვაჩერებ.
– მეუღლე როგორ გაფასებთ, როგორც მძღოლს?
– სულ მეუბნება, რომ ნორმალური მძღოლი ვარ, მაგრამ არ უყვარს, როცა გვერდით მიზის. გამუდმებით მითითებებს მაძლევს და მირჩევნია, ბაჩო დაჯდეს საჭესთან. მისი კარგად მესმის, რადგან მგზავრის ამპლუაში ყოფნა არც მე მიყვარს. თუმცა ბაჩო იდეალური მძღოლია და მასთან შენიშვნები არ მაქვს.
– ყველაზე ცუდ სიტუაციაში სად გაგფუჭებიათ მანქანა?
– ბათუმიდან ირინა ონაშვილთან ერთად ვბრუნდებოდი. ურეკში ისეთმა წვიმამ დასცხო, მანქანა გაგვიფუჭდა. გადმოვედით, გალუმპულებმა თავი ხეებს შევაფარეთ და პატრულის გამოჩენას დაველოდეთ. პატრული მალე გამოჩნდა და მანქანა ბათუმამდე ჩაგვაყვანინა. მეორე დღეს კონცერტი გვქონდა და აუცილებლად უნდა ჩამოვსულიყავით თბილისში. მანქანის გაკეთებას თითქმის მთელი დღე მოუნდნენ პროფილაქტიკაში. საბედნიეროდ, კონცერტი საღამოს მქონდა და ჩამოვუსწარი. მანქანის გაკეთება არ შემიძლია, მაგრამ გარეცხვა ძალიან მიყვარს.
– ქალის მანქანა ხშირ შემთხვევაში აქსესუარების სიმრავლით გამოირჩევა. თქვენს სალონში რა ხდება?
– მე არ მხიბლავს ასეთი რაღაცეები, მაგრამ სალონის საბარგულში სრული უწესრიგობაა, ყველა არასაჭირო ნივთს იქ ვყრი, ბავშვის ტანსაცმელს, სათამაშოებს და ხშირ შემთხვევაში ჩემს ფეხსაცმელებსაც. მანქანით სამოსი იმ შემთხვევაში დამაქვს, როცა სახლში მისვლას ვერ ვახერხებ.
სოფიო ბოჭორიძე, ჟურნალი სარკე
2 954 ნახვა
12-08-2014, 06:31
