ქრისტინე იმედაძემ მიხეილ სააკაშვილი გამოიწვია

პოპულარული ადამიანები რამდენიმე დღეა ერთმანეთს ცივი წყლის გადასხმაში ეჯიბრებიან. ის, ვინც თავზე ცივ წყალს გადაისხამს, თავის სამ მეგობარს მსგავსი ქმედების გასაკეთებლად იწვევს. თუ წყალს არ გადაისხავ, მაშინ 100 დოლარი უნდა გადარიცხონ საქველმოქმედო ფონდში, რომლებიც სხვადასხვა დაავადებულებით დასნეულებებს დაეხმარებიან.

აქციაში ჩაერთო მარკ ცუკერბერგიც, რომელმაც კოლეგა შერილ სანდბერგი, ნეტფლიქსის მთავარი აღმასრულებელი დირექტორი რიდ ჰეისტინგსი და ბილ გეითსი გამოიწვია.

ფლეშმობს შეუერთდა პალიტრა მედიის თანამშრომელი თამთა ასლანიშვილი და აქციაში საქართველოს პრემიერ-მინისტრი ირაკლი ღარიბაშვილი გამოიწვია.

მომღერალმა ანრი ჯოხაძემ კი ინგა გრიგოლია გამოიწვია. ინგამ სოციალურ ქსელში დაწერა, რომ გამოწვევა სიამოვნებით მიიღო.

''ანრი, მივიღე შენი გამოწვევა და დავფიქრდი, თუ აქცია საქველმოქმედოა, მგონი, სჯობს, თანხა გადავრიცხო. ოღონდ მითხარი, სად უნდა გადავრიცხო და ვისთან. ეგ არ ვიცი... ვიქნები გამონაკლისი და ვედროთი თავზე გადავლებულებულ წყალს, თანხის გადარიცხვას ვამჯობინებ'' - წერს ინგა.

აქციაში მომღერალი ქრისტინე იმედაძეც ჩაერთო. თავზე წყლის გადასხმის შემდეგ ვიქტორ სანიკიძე, მაია ასათიანი და მიხეილ სააკაშვილი გამოიწვია.

საინტერესოა, ქართველ პოლიტიკოსებს შორის ვინ იქნება პირველი, ვინც ფლეშმობს შეუერთდება.

სალომე დადიანი