• ვაშლის ძმრის გამწმენდი ნიღაბი ნებისმიერი ტიპის კანისთვის

    ძმარი კანის მოვლის შესანიშნავი საშუალებაა. ის ააქტიურებს კანის სისხლით მომარაგებას და აღადგენს მის მჟავე გარემოს. ერთ-ერთი მთავარი ღირსება ის არის, რომ ძმრის კოსმეტიკა აბსოლუტურად ნატურალურია.

    გამწმენდი საშუალება ცხიმიანი და შერეული კანისთვის

    გაზგასული მინერალური წყალი და ვაშლის ძმარი თანაბარი რაოდენობით აურიეთ და სახის კანი დილა-საღამოს ამ ნაზავით გაიწმინდეთ, შემდეგ მკვებავი კრემი წაისვით.

    ნიღაბი ნებისმიერი ტიპის სახის კანისთვის

    ოდნავ შემთბარ 4 სუფრის კოვზ ვაშლის ძმარს 3 ჩაის კოვზი თაფლი და 2 სუფრის კოვზი ხორბლის ქატო დაუმატეთ. მიღებული მასა კარგად დაბანილ სახეზე ნახევარი საათით დაიდეთ და შემდეგ თბილი წყლით ჩამოიბანეთ.

    ძმრის დეზოდორანტი

    იღლიები საპნით დაიბანეთ. შემდეგ ვაშლის ძმარში დასველებული ხელსახოცით შეიმშრალეთ. ამგვარი პროცედურა ოფლიანობისგან დაცვის საუკეთესო საშუალებაა. რაც მთავარია, დეზოდორანტებისგან განსხვავებით, ის ბუნებრივ მჟავე გარემოს არ არღვევს.

    კესო ლაღიძე
    2 731 ნახვა
    23-08-2014, 10:57
    GOGATV

    abezara