დაპირისპირება სოფო ბედიას თაყვანისმცემელსა და მიშა მესხს შორის

დაახლოებით ერთი წელი გავიდა მას შემდეგ, რაც საზოგადოებისთვის პოლიტპატიმარ მიშა მესხის და მომღერალ სოფო ბედიას სიყვარულის შესახებ გახდა ცნობილი, მაგრამ მათი სიყვარულზე უკვე ლეგენდები დადის.

ამბობენ, მიშას ძალიან უყვარს სოფო და თავის გრძნობას ყოველ დღე უმტკიცებსო. დიდი სიყვარულის ნიშნად ცოტა ხნის წინ მიშამ სოფოს მანქანა აჩუქა. ამჯერად კი გავრცელდა ინფორმაცია, რომ მიშა რესტორანში სადაც სოფო მღერის, ხშირად არის ხოლმე და თაყვანისმცემლებს მასთან ფოტოს გადაღების უფლებას არ აძლევს.

ერთ-ერთი თაყვანისმცემლის სურვილმა, რომ სოფოსთნ ფოტო გადაეღო, თურმე მიშა ისე გააღიზიანა, რომ საქმე ფიზიკურ დაპირისპირებამდე მივიდა. ამბის გადასამოწმებლად მიშა მესხს დავურკეთ.

მიშა:
- ამ ამბავში მხოლოდ ერთი რამა არის მართალი. ერთხელ რესტორანში სადაც სოფო მღეროდა, უზრდელურად მოიქცა ერთ-ერთი მსმენელი და საკადრისი პასუხიც მიიღო. მაგრამ ქაჯი არ ვარ, სოფოს თაყვანისმცემელს, ვისაც მასთან ფოტოს გადაღება უნდა, არ ავუკრძალავ.

სოფო ცნობილი ადამიანია. არავინ რომ არ იცნობდეს, მე მისი შეყვარებული ვიყო და მასთან სურათის გადაღება ითხოვოს ვინმემ, მაშინ ადეკვატური რეაქცია მექნებოდა, მაგრამ ცნობილი გოგოა, სანამ მე გავიცნობდი, მანამდეც ასე იყო.

სოფოსთან ადამიანები სურათებს იღებდნენ და მომავალშიც გადაიღებენ. ამაში ცუდი არაფერია. იმ ადამიანმა, კი ვინც ჩემგან საკადრისი პასუხი მიიღო, სურათის გადაღება კი არ უნდოდა, არაკორექტულად მოიქცა.

სალომე დადიანი