გია ცინაძე იგივე მყუდრო, შეყვარებულის კაბა ჩაიცვა

გია ცინაძე იგივე მყუდრო ყოველთვის გამოირჩევა ორიგინალური სტატუსებით ''ფეისბუქზე''. ამჯერად ''კაზანტიპის'' თემასაც ორიგინალურად გამოეხმაურა.

ქალის სამოსში გამოწყობილი სურათი გამოაქვეყნა და დაწერა, ''კაზანტიკი არ უნდა ტარდებოდეს საქართველოშიო''. ფესტივალს ''კაზანტიპი'' რომ ქვია და არა ''კაზანტიკი'', სავარაუდოდ მყუდრომ კარგად იცის და ალბათ ასე მხოლოდ იმიტომ დაწერა, რომ ზოგიერთი, ვინც ფესტივალის ანაკლიაში ჩატარებას ეწინააღმდეგება, სწორედ ასე გამოთქვამს ''კაზანტიპის'' სახელს.

ფოტომ მყუდროს მეგობრები გაახალისა. ბევრი წერდა, კაბა თუ ასე გიხდებოდა, არ ვიცოდიო. ზოგიც მყუდროს ფეხებმა აღაფრთოვანა. კომენტარებშივე გაირკვა, რომ კაბა მყუდროს შეყვარებულს ეკუთვნის.

ნინიმ (ფეისბუქზე მყუდროს შეყვარებულს ნინი მარინიჩ კვანტრე ქვია), იმავე კაბაში გადაღებული ფოტო გამოაქვეყნა და დაწერა, ''ბიჭი გოგოს ასე ეჯიბრებოდეს, თან შეყვარებულს… არ ვიცი, არ ვიცი''.

სალომე დადიანი