ვის ეძახის ''ნუცუბიძის გმირებს''ქართლოს ნატროშვილი

გემომეტრის სტუმრები ნატალია ბერეჟიანი და ქართლოს ნატროშვილი ფავორიტი სამოსის მაღაზიებისა და სილამაზის სალონის შესახებ ისაუბრებენ.

ქართლოს ნატროშვილი:

- ტანსაცმლის რომელ მაღაზიებს ანიჭებ უპირატესობას?
- (მიხეილ სააკაშვილის ხმით - ავტ.) მე გადმოგეცით პალტო და ყველა ის პიჯაკი, რაც მეცვა, რომ არ იფიქროთ, სახელმწიფოს ქონება ჯიბეში ჩავიდე. ქართლოსს კი ამოჩემებული ადგილი არ მაქვს, სადაც ვყიდულობ სამოსს. მიუხედავად იმისა, რომ არ მსიამოვნებს ''თბილისი მოლში''სიარული, მაინც დავდივარ.
- რატომ არ გსიამოვნებს?
- (ისევ სააკაშვილის ხმით - ავტ.) პირველი იმიტომ, რომ მგონია, გორში მივდივარ, ძალიან შორსაა, მე უფრო ბევრი კარგი პროექტი მქონდა, მაგრამ... გარდა ამისა, ''ჯინსის გალერეა''გატანილი მაქვს სრულად (იცინის). ჯონ ბაიდენმა მომწერა, ჩემი ზომა ჯინსი ვერ ვნახეო და მე ''ჯინსის გალერეა''მივასწავლე (იცინის). ფეხსაცმელს კი ვყიდულობ ''ფეხსაცმლის გალერეაში'', თუმცა დღეს ისეა ყველაფერი, რომ შეიძლება, ''ჯინსის გალერეაში''ცხვირსახოცი იყიდო და ''ფეხსაცმლის გალერეაში''- წინდა (იცინის).
- რაც შეეხება სილამაზის სალონებს...
- სამი-ოთხი სალონი მაქვს ამოჩემებული. ჩემი უსაყვარლესი სალონი ნუცუბიძეზე, ასათიანიდან რომ აუხვევ იქაა, სახელი არ მახსოვს, მაგრამ მათ ვეძახი ''ნუცუბიძის გმირებს'', რადგან პრო-ფესიონალებითაა დაკომპლექტებული. მიუხედავად იმისა, რომ ჩემი წინამორბედი, აწ უკვე განსვენებული ედუარდ შევარდნაძე კაბინეტიდან არ გადიოდა, მე ასე არ ვარ, დავდივარ ყველგან, მიყვარს სალონი ვარკეთილში, სენაკში მდებარე ''ვიპ''სალონი და ა.შ.
- მკითხველს რომელ სალონს ურჩევდი?
- სალონში რომ შევდივარ, სახელებს არ ვუკვირდები, მაგრამ ''ნატალი''და ''როკსი''შემიძლია დაგისახელოთ.

ნატალია ბერეჟიანი:
- ამოჩემებული მაღაზიები არ მაქვს, მაგრამ თბილისის ბაზარი ასე თუ ისე მაკმაყოფილებს. ''ზარასა''და ''რივერ აილენდში''შეიძლება ლამაზად ჩაცმა და ფასებიც ადეკვატურია. არის უკეთესი მაღაზიებიც, რომლებიც ძალიან ძვირია და იქ ყიდვას ვერ ვახერხებ. ''მასიმო დუტიში''ყველაზე ლამაზი რაღაცები იყიდება, იქ წარმოდგენილი სამოსიდან თითქმის ყველაფერს ჩავიცვამდი, მაგრამ ძვირია.
- ბუტიკებში, არასახელობით მაღაზიებში თუ დადიხარ?
- ნაკლებად, ძირითადად, სადაც რა მომეწონება, იქ შევდივარ და ვყიდულობ.
- ბაზრობაზე თუ გიყიდია ბოლო დროს სამოსი, როგორი არჩევანია?
- არა, ბოლო დროს არ მიყიდია, თუმცა ადრე ვიძენდი, ახლა კი გაიხსნა ისეთი მაღაზიები, სადაც ნორმალურ ფასებში შეიძლება ჩაცმა, ანუ საშუალება გაქვს, უფრო მშვიდ გარემოში და მისაღებ ფასებში შეიძინო სამოსი.
- ამოჩემებული სილამაზის სალონი თუ გაქვს?
- თმის შესაჭრელად ორ თვეში ერთხელ დავდივარ, მოკლე თმა მაქვს და დავარცხნა არ მჭირდება, როცა წამომეზრდება და ფორმას კარგავს, ვერაზე მდებარე სალონში ვიჭრი, რომლის სახელიც არ მახსოვს, თურქი სტილისტია, მუსტაფა ჰქვია. წარბებს ვიწესრიგებ ''ნატალიში''ვაკის პარკთან, ფრჩხილებს კი ''ბიანკოში''ვიკეთებ.

თეკლა ჟვანია
ჟურნალი ''რეიტინგი''