ვახო ბიჭიკაშვილი: "მე და ჩემს ცოლს სახლში სიყვარულის მინისტრი გველოდება"
"კომედი ჯგუფის" მსახიობი, ვახო ბიჭიკაშვილი, ყოველ საღამოს სახლისკენ მიიჩქარის, რადგან იქ ყველაზე საყვარელი ადამიანი, 2 წლის ანდრია ელოდება. ოჯახის შექმნამ მისი უცოლობის პერიოდის ღირებულებები ამოატრიალა. ვახო და მისი ცოლი ახლა უკვე მთელ ცხოვრებას ბავშვის ინტერესებით საზღვრავენ – მუშაობას, დასვენებას, მომავალს. ყველაფერი კი 3 წლის წინ დაიწყო, როცა ვახომ სოფო რევია პირველად დაინახა და იგრძნო, რომ მის გულში რაღაც მოხდა...
– ვახო, როგორ შეაფასებდით ქორწინების სამ წელს, რა გამოსცადეთ ამ ხნის განმავლობაში თქვენ და სოფომ ერთად?
– სოფო აღმოჩნდა ის ადამიანი, რომელსაც ვეძებდი. როცა შეყვარებულები ვიყავით, სხვანაირი ურთიერთობა გვქონდა, მაგრამ როცა ერთ ჭერქვეშ დავიწყეთ ცხოვრება, ერთმანეთი თითქოს თავიდან გავიცანით. საწყის ეტაპზე გადამეტებული სიყვარულით კამათიც მოგვდიოდა, ახლა კი ყველაფერი შეიცვალა.
3 კვირაა ცოლ–შვილი არ მინახავს, მარტვილში არიან და ვხვდები, რომ მათ გარეშე არ შემიძლია. ადრე მეგონა, ისე დავბერდებოდი, ცოლს არ შევირთავდი, მაგრამ სოფოს ნახვის შემდეგ გულმა მითხრა, რომ მიყვარდა და გაცნობიდან მალევე ვიქორწინეთ.
– როცა მამა გახდით, როგორი იყო თქვენი შეგრძნებები პირველ წუთებში და როგორია ახლა?
– 24 წლის ვიყავი, როცა მამა გავხდი და მას მერე ჩემს ცხოვრებაში ძალიან ბევრი რამ შეიცვალა. ჩემი და სოფოს ჰარმონიულ ურთიერთობას დაემატა "ნავაროტკა", რომელსაც ანდრია ჰქვია. შვილის გაჩენა არ დაგვიგეგმავს, აქტიური ცხოვრება გვქონდა, ამიტომ ანდრიას დაბადება ისე ვერ გავითავისეთ, როგორც საჭირო იყო. 2 თვის იყო, როცა ევროპაში გავემგზავრეთ 18 დღით. ჯერ კიდევ არ გვქონდა გაცნობიერებული, რომ მშობლები ვიყავით და დიდი პასუხისმგებლობის წინაშე ვიდექით. ახლა კი შვილის გარეშე ამდენი ხნით სადმე წასვლა ვერ წარმოგვიდგენია.
– ანდრია ალბათ ყოველდღე სწავლობს ახალ–ახალ რაღაცეებს და გაოცებთ.
– ანდრია საინტერესო ადამიანია, წლისა და 6 თვის იყო, როცა ინგლისური და ქართული ანბანი და 10–მდე დათვლა ისწავლა. ამბის გადმოცემის კარგი უნარი აქვს. ასე გამოიყურება ანდრიას "სივი" და ვეძებთ სამსახურს მისთვის.
– ანდრია გარეგნობით და ხასიათით თქვენ გგავთ თუ დედას?
– გარეგნობით დედას ჰგავს, მაგრამ სოფო მეუბნება, შენნაირი სიარულის მანერა აქვს, შენნაირი ძილი იცისო. ჯიუტია, თუ რამეს ვერ აკეთებს, ბოლომდე ცდილობს, დასახულ მიზნამდე მივიდეს. ამ თვისებით კი მე და სოფოს თანაბრად გვგავს.
მას ანდროიდს ვეძახი. რომ დაიბადა და ვნახე, ისეთი თვალებით შემომხედა, ვთქვი, ანდროიდი გამიჩნდა–მეთქი. 2 წლისამ იცის კომპიუტერული თამაშები, ვაიბერით მიგზავნის ფოტოებს, კომპიუტერის ყველა ფუნქცია ათვისებული აქვს. მე ბავშვობაში ხის კუბიკებით ვთამაშობდი.
– კომპიუტერთან ჯდომას არ უშლით?
– რა თქმა უნდა, ვუშლით. ჭირვეული მჭამელია და კომპიურეტთან მაშინ ვსვამთ, როცა ჭამის დრო აქვს და ასე გართობა–გართობაში ვაჭმევთ. დღის საათები განაწილებული აქვს – თამაშისთვის და მეცადინეობისთვის. მე და სოფოს გვინდა, შვილში დიდი ინვესტიცია ჩავდოთ, ისე გაიზარდოს, რომ ქიციც იცოდეს და ქიცმაცურიც.
– თავად როგორ იზრდებოდით, როგორი ბავშვობა გქონდათ?
– მიუხედავად იმისა, რომ ძალიან ტრადიციულ და მოქეიფე ოჯახში გავიზარდე, მამაჩემს არასდროს უთქვამს, აბა, ლექსი წაიკითხე, ღვინო გასინჯეო. ქართველი მამაკაცების ასეთ საქციელს ვებრძვი. რაც გასული საუკუნის 90–იან წლებში ხდებოდა ქვეყანაში, ჩვენც იმის შესაფერისად ვცხოვრობდით, ხან გვქონდა, ხან არ გვქონდა. ჩემი ოჯახისგან მაგალითად სიყვარული მაქვს და მინდა, ჩემი შვილიც ისეთ დიდ სიყვარულსა და სიკეთეში იზრდებოდეს, როგორშიც მე გავიზარდე. ვფიქრობ, რომ სიყვარულით მდიდარი ადამიანი ვარ.
– ოჯახის შექმნამ პიროვნულად შეგცვალათ?
– ბევრად. ადრე თუ შეიძლებოდა ერთი ხელის მოსმით რაღაცაზე უარი მეთქვა, ახლა ყველაფერზე ვფიქრობ და ანალიზს ვუკეთებ.
რამდენიმე ხნის წინ მე და სოფომ მიწის ნაკვეთი ვიყიდეთ ორბეთში. ამ შენაძენმა ძალიან გაგვახარა, მაშინვე დავიწყეთ ფიქრი, ჩვენი შვილი რომ წამოიზრდება, როგორ მოეწონება მეგობრებთან ერთად იქ ასვლა და დასვენება. ერთი სიტყვით, მეტი პასუხისმგებლობა მაქვს. ჩემს ცხოვრებაში დასრულდა ღვინის სმის, გართობის ეტაპი. თუ აქამდე ბავშვს ბებიასთან ვტოვებდით და მე და სოფო გასართობად მივდიოდით, ახლა სახლისკენ მიგვიწევს გული, რადგან იქ სიყვარულის მინისტრი გველოდება.
ერთი პერიოდი მე და სოფო საზღვარგარეთ ვფიქრობდით გადაბარგებას, სხვა, ახალი ეტაპის დაწყება გვინდოდა, მაგრამ შვილის დაბადებამ შეგვაჩერა.
– რატომ გინდოდათ საზღვარგარეთ საცხოვრებლად წასვლა, საქართველო არ გაკმაყოფილებდათ?
– სოფო მაშინ მუშაობდა, მეც მაქვს ჩემი საქმე, მაგრამ გვინდოდა, ყველაფერი ნულიდან დაგვეწყო. შეიძლება ეს ახალგაზრდული ხუშტური იყო, მაგრამ ამაზე სერიოზულად ვფიქრობდით.
– სოფო ახლა არ მუშაობს?
– შსს–ში მუშაობდა, მაგრამ 2 წელია სახლში ზის და შვილის აღზრდითაა დაკავებული. პროფესიით ჟურნალისტია და სექტემბრიდან აპირებს მუშაობის დაწყებას.
– თქვენს გუნდს ახალი სატელევიზიო სეზონიდან რა გეგმები აქვს?
– სექტემბრიდან "კომედი არხზე" ვიწყებთ ახალ გადაცემას "ფანოღი", რომლის წამყვანებიც ვიქნებით მე, ნიკა არაბიძე და ნინო ჩხეიძე. გაგრძელდება გადაცემები "კომედი შოუ", "ვანოს შოუ", "გააცინე და მოიგე". ახალი სეზონიდან ბევრი სიახლეც გვექნება, მანამდე კი იწყება ნანატრი შვებულება, რომელსაც ჩემს ცოლ–შვილთან ერთად გავატარებ და, სხვათა შორის, სამივე ერთად პირველად დავისვენებთ.
ლანა კიკნაძე, ჟურნალი სარკე
– ვახო, როგორ შეაფასებდით ქორწინების სამ წელს, რა გამოსცადეთ ამ ხნის განმავლობაში თქვენ და სოფომ ერთად?
– სოფო აღმოჩნდა ის ადამიანი, რომელსაც ვეძებდი. როცა შეყვარებულები ვიყავით, სხვანაირი ურთიერთობა გვქონდა, მაგრამ როცა ერთ ჭერქვეშ დავიწყეთ ცხოვრება, ერთმანეთი თითქოს თავიდან გავიცანით. საწყის ეტაპზე გადამეტებული სიყვარულით კამათიც მოგვდიოდა, ახლა კი ყველაფერი შეიცვალა.
3 კვირაა ცოლ–შვილი არ მინახავს, მარტვილში არიან და ვხვდები, რომ მათ გარეშე არ შემიძლია. ადრე მეგონა, ისე დავბერდებოდი, ცოლს არ შევირთავდი, მაგრამ სოფოს ნახვის შემდეგ გულმა მითხრა, რომ მიყვარდა და გაცნობიდან მალევე ვიქორწინეთ.
– როცა მამა გახდით, როგორი იყო თქვენი შეგრძნებები პირველ წუთებში და როგორია ახლა?
– 24 წლის ვიყავი, როცა მამა გავხდი და მას მერე ჩემს ცხოვრებაში ძალიან ბევრი რამ შეიცვალა. ჩემი და სოფოს ჰარმონიულ ურთიერთობას დაემატა "ნავაროტკა", რომელსაც ანდრია ჰქვია. შვილის გაჩენა არ დაგვიგეგმავს, აქტიური ცხოვრება გვქონდა, ამიტომ ანდრიას დაბადება ისე ვერ გავითავისეთ, როგორც საჭირო იყო. 2 თვის იყო, როცა ევროპაში გავემგზავრეთ 18 დღით. ჯერ კიდევ არ გვქონდა გაცნობიერებული, რომ მშობლები ვიყავით და დიდი პასუხისმგებლობის წინაშე ვიდექით. ახლა კი შვილის გარეშე ამდენი ხნით სადმე წასვლა ვერ წარმოგვიდგენია.
– ანდრია ალბათ ყოველდღე სწავლობს ახალ–ახალ რაღაცეებს და გაოცებთ.
– ანდრია საინტერესო ადამიანია, წლისა და 6 თვის იყო, როცა ინგლისური და ქართული ანბანი და 10–მდე დათვლა ისწავლა. ამბის გადმოცემის კარგი უნარი აქვს. ასე გამოიყურება ანდრიას "სივი" და ვეძებთ სამსახურს მისთვის.
– ანდრია გარეგნობით და ხასიათით თქვენ გგავთ თუ დედას?
– გარეგნობით დედას ჰგავს, მაგრამ სოფო მეუბნება, შენნაირი სიარულის მანერა აქვს, შენნაირი ძილი იცისო. ჯიუტია, თუ რამეს ვერ აკეთებს, ბოლომდე ცდილობს, დასახულ მიზნამდე მივიდეს. ამ თვისებით კი მე და სოფოს თანაბრად გვგავს.
მას ანდროიდს ვეძახი. რომ დაიბადა და ვნახე, ისეთი თვალებით შემომხედა, ვთქვი, ანდროიდი გამიჩნდა–მეთქი. 2 წლისამ იცის კომპიუტერული თამაშები, ვაიბერით მიგზავნის ფოტოებს, კომპიუტერის ყველა ფუნქცია ათვისებული აქვს. მე ბავშვობაში ხის კუბიკებით ვთამაშობდი.
– კომპიუტერთან ჯდომას არ უშლით?
– რა თქმა უნდა, ვუშლით. ჭირვეული მჭამელია და კომპიურეტთან მაშინ ვსვამთ, როცა ჭამის დრო აქვს და ასე გართობა–გართობაში ვაჭმევთ. დღის საათები განაწილებული აქვს – თამაშისთვის და მეცადინეობისთვის. მე და სოფოს გვინდა, შვილში დიდი ინვესტიცია ჩავდოთ, ისე გაიზარდოს, რომ ქიციც იცოდეს და ქიცმაცურიც.
– თავად როგორ იზრდებოდით, როგორი ბავშვობა გქონდათ?
– მიუხედავად იმისა, რომ ძალიან ტრადიციულ და მოქეიფე ოჯახში გავიზარდე, მამაჩემს არასდროს უთქვამს, აბა, ლექსი წაიკითხე, ღვინო გასინჯეო. ქართველი მამაკაცების ასეთ საქციელს ვებრძვი. რაც გასული საუკუნის 90–იან წლებში ხდებოდა ქვეყანაში, ჩვენც იმის შესაფერისად ვცხოვრობდით, ხან გვქონდა, ხან არ გვქონდა. ჩემი ოჯახისგან მაგალითად სიყვარული მაქვს და მინდა, ჩემი შვილიც ისეთ დიდ სიყვარულსა და სიკეთეში იზრდებოდეს, როგორშიც მე გავიზარდე. ვფიქრობ, რომ სიყვარულით მდიდარი ადამიანი ვარ.
– ოჯახის შექმნამ პიროვნულად შეგცვალათ?
– ბევრად. ადრე თუ შეიძლებოდა ერთი ხელის მოსმით რაღაცაზე უარი მეთქვა, ახლა ყველაფერზე ვფიქრობ და ანალიზს ვუკეთებ.
რამდენიმე ხნის წინ მე და სოფომ მიწის ნაკვეთი ვიყიდეთ ორბეთში. ამ შენაძენმა ძალიან გაგვახარა, მაშინვე დავიწყეთ ფიქრი, ჩვენი შვილი რომ წამოიზრდება, როგორ მოეწონება მეგობრებთან ერთად იქ ასვლა და დასვენება. ერთი სიტყვით, მეტი პასუხისმგებლობა მაქვს. ჩემს ცხოვრებაში დასრულდა ღვინის სმის, გართობის ეტაპი. თუ აქამდე ბავშვს ბებიასთან ვტოვებდით და მე და სოფო გასართობად მივდიოდით, ახლა სახლისკენ მიგვიწევს გული, რადგან იქ სიყვარულის მინისტრი გველოდება.
ერთი პერიოდი მე და სოფო საზღვარგარეთ ვფიქრობდით გადაბარგებას, სხვა, ახალი ეტაპის დაწყება გვინდოდა, მაგრამ შვილის დაბადებამ შეგვაჩერა.
– რატომ გინდოდათ საზღვარგარეთ საცხოვრებლად წასვლა, საქართველო არ გაკმაყოფილებდათ?
– სოფო მაშინ მუშაობდა, მეც მაქვს ჩემი საქმე, მაგრამ გვინდოდა, ყველაფერი ნულიდან დაგვეწყო. შეიძლება ეს ახალგაზრდული ხუშტური იყო, მაგრამ ამაზე სერიოზულად ვფიქრობდით.
– სოფო ახლა არ მუშაობს?
– შსს–ში მუშაობდა, მაგრამ 2 წელია სახლში ზის და შვილის აღზრდითაა დაკავებული. პროფესიით ჟურნალისტია და სექტემბრიდან აპირებს მუშაობის დაწყებას.
– თქვენს გუნდს ახალი სატელევიზიო სეზონიდან რა გეგმები აქვს?
– სექტემბრიდან "კომედი არხზე" ვიწყებთ ახალ გადაცემას "ფანოღი", რომლის წამყვანებიც ვიქნებით მე, ნიკა არაბიძე და ნინო ჩხეიძე. გაგრძელდება გადაცემები "კომედი შოუ", "ვანოს შოუ", "გააცინე და მოიგე". ახალი სეზონიდან ბევრი სიახლეც გვექნება, მანამდე კი იწყება ნანატრი შვებულება, რომელსაც ჩემს ცოლ–შვილთან ერთად გავატარებ და, სხვათა შორის, სამივე ერთად პირველად დავისვენებთ.
ლანა კიკნაძე, ჟურნალი სარკე
1 584 ნახვა
28-08-2014, 14:18
