"დედა ჩემი კლასელის დაბადების დღეზე შეუღებავი თმით და ფრჩხილებზე გადაცლილი ლაქით მოვიდა"
ამ წერილის წაკითხვის შემდეგ არ ჩათვალოთ, რომ ცუდი გოგო ვარ ან დედა არ მიყვარს. უბრალოდ, გული ძალიან მტკივა და მინდა, ამ ყველაფერზე თქვენთან ვისაუბრო.
დედას თავის მოვლა არ უყვარს. ამბობს, რომ სახლში იმდენი საქმე აქვს, საკუთარი თავისთვის ვეღარ იცლის. მამამ და ბებიამ ბევრჯერ მისცეს შენიშვნა, თავი მოეწესრიგებინა, მაგრამ ის ჯიუტად იქცევა. ერთხელ ბებომ სამი თვის პენსია მისცა და სთხოვა, ჩემს სახელზე წადი სალონში და თავიდან ბოლომდე მოიწესრიგე თავიო. დედაჩემმა კი, იცით, რა გააკეთა? ბალი იყიდა და ბლის მურაბა და კომპოტები მოხარშა. ოჯახისთვის კიდევ რაღაც ნივთები შეიძინა, რომელიც ისედაც არ გვაკლდა. ჩანთებაკიდებული და გაოფლილი რომ დაბრუნდა სახლში, ბებია გადაირია. უთხრა, ველოდებოდი, რომ სალონიდან გალამაზებული მოხვიდოდი, ეს რა მოათრიეო.
დედამ ყველაფერი ძირს დაყარა და ყვირილი მორთო, ამას ოჯახისთვის ვაკეთებ, თქვენ კი არაფერს მიფასებთო. ბებიამ აუხსნა, როგორც დიასახლისს და ოჯახის ქალს ძალიანაც გაფასებ, ამიტომაც მინდოდა, საკუთარი თავისთვისაც მიგეხედაო. ამ ჩხუბის დროს მამაჩემიც მოვიდა და ცოლის საქციელი არც მას მოეწონა. უსაყვედურა, დედაჩემის პენსიით ბალი რომ არ გეყიდა, მე ვერ ვიყიდდიო. მამას მეც დავეთანხმე, დედამ კი სულ უმადურები გვიძახა.
ჩემი კლასელის მშობლები ერთმანეთთან ძალიან ახლოს არიან. შვილებს დაბადების დღეებს რომ უხდიან, უფროსებსაც ეპატიჟებიან. ჩვენ, ბავშვები, ცალკე დავსხდებით ხოლმე, ისინი – ცალკე. ჩემი მეგობრების დედები ყოველთვის გამოპრანჭულები და მოვლილები არიან. იმ დღესაც ყველა ლამაზად გამოიყურებოდა. მე ცოტა ადრე მივედი, დედა მერე უნდა მოსულიყო. ვნატრობდი, ნეტა, მოუწესრიგებელი არ მოვიდეს–მეთქი, მაგრამ სურვილი არ ამიხდა.
დედა შეუღებავი თმით და ფრჩხილზე გადაცლილი ლაქით მოვიდა. თან ქოთქოთებდა, სახლში რამდენი საქმე ჰქონდა და საკუთარი თავისთვის დრო როგორ არ დარჩა. თვითონ არ შერცხვა, რომ გამოპრანჭული ქალების გვერდით იჯდა, მე კი ძალიან შემრცხვა. საერთოდ არ ავმდგარვარ მაგიდიდან, არც მიცეკვია და არც მიმხიარულია. დედაჩემმა კი შესანიშნავი დრო ატარა. მისთვის საყვედური არ მითქვამს, რადგან ამას აზრიც არ აქვს. ვიცი, ისევ დაყვედრებას დაიწყებს, რომ ყველაფერს ჩვენთვის აკეთებს, ამაგს კი არავინ უფასებს.
"სარკის" ერთგული მკითხველი, 15 წლის
დედას თავის მოვლა არ უყვარს. ამბობს, რომ სახლში იმდენი საქმე აქვს, საკუთარი თავისთვის ვეღარ იცლის. მამამ და ბებიამ ბევრჯერ მისცეს შენიშვნა, თავი მოეწესრიგებინა, მაგრამ ის ჯიუტად იქცევა. ერთხელ ბებომ სამი თვის პენსია მისცა და სთხოვა, ჩემს სახელზე წადი სალონში და თავიდან ბოლომდე მოიწესრიგე თავიო. დედაჩემმა კი, იცით, რა გააკეთა? ბალი იყიდა და ბლის მურაბა და კომპოტები მოხარშა. ოჯახისთვის კიდევ რაღაც ნივთები შეიძინა, რომელიც ისედაც არ გვაკლდა. ჩანთებაკიდებული და გაოფლილი რომ დაბრუნდა სახლში, ბებია გადაირია. უთხრა, ველოდებოდი, რომ სალონიდან გალამაზებული მოხვიდოდი, ეს რა მოათრიეო.
დედამ ყველაფერი ძირს დაყარა და ყვირილი მორთო, ამას ოჯახისთვის ვაკეთებ, თქვენ კი არაფერს მიფასებთო. ბებიამ აუხსნა, როგორც დიასახლისს და ოჯახის ქალს ძალიანაც გაფასებ, ამიტომაც მინდოდა, საკუთარი თავისთვისაც მიგეხედაო. ამ ჩხუბის დროს მამაჩემიც მოვიდა და ცოლის საქციელი არც მას მოეწონა. უსაყვედურა, დედაჩემის პენსიით ბალი რომ არ გეყიდა, მე ვერ ვიყიდდიო. მამას მეც დავეთანხმე, დედამ კი სულ უმადურები გვიძახა.
ჩემი კლასელის მშობლები ერთმანეთთან ძალიან ახლოს არიან. შვილებს დაბადების დღეებს რომ უხდიან, უფროსებსაც ეპატიჟებიან. ჩვენ, ბავშვები, ცალკე დავსხდებით ხოლმე, ისინი – ცალკე. ჩემი მეგობრების დედები ყოველთვის გამოპრანჭულები და მოვლილები არიან. იმ დღესაც ყველა ლამაზად გამოიყურებოდა. მე ცოტა ადრე მივედი, დედა მერე უნდა მოსულიყო. ვნატრობდი, ნეტა, მოუწესრიგებელი არ მოვიდეს–მეთქი, მაგრამ სურვილი არ ამიხდა.
დედა შეუღებავი თმით და ფრჩხილზე გადაცლილი ლაქით მოვიდა. თან ქოთქოთებდა, სახლში რამდენი საქმე ჰქონდა და საკუთარი თავისთვის დრო როგორ არ დარჩა. თვითონ არ შერცხვა, რომ გამოპრანჭული ქალების გვერდით იჯდა, მე კი ძალიან შემრცხვა. საერთოდ არ ავმდგარვარ მაგიდიდან, არც მიცეკვია და არც მიმხიარულია. დედაჩემმა კი შესანიშნავი დრო ატარა. მისთვის საყვედური არ მითქვამს, რადგან ამას აზრიც არ აქვს. ვიცი, ისევ დაყვედრებას დაიწყებს, რომ ყველაფერს ჩვენთვის აკეთებს, ამაგს კი არავინ უფასებს.
"სარკის" ერთგული მკითხველი, 15 წლის
4 452 ნახვა
2-09-2014, 08:27
