მაკა ზამბახიძე: "მე მხოლოდ იურმალისდროინდელი მაკა მომწონს"
მომღერალი მაკა ზამბახიძე მეგობრის აგარაკიდან წონაში მომატებული დაბრუნდა თბილისში. ახლა მისი ნომერი პირველი საზრუნავი ზედმეტ კილოგრამებთან დამშვიდობებაა. საკუთარი თავისთვის მკაცრი მენიუ უკვე შეადგინა, სექტემბრიდან კი ცურვაზე სიარულს აპირებს. უნდა, ის ფორმა დაიბრუნოს, როგორიც 2008 წელს იურმალის კონკურსზე ჰქონდა. 31 წლის მომღერალი სახეზე ნაოჭებს უკვე ამჩნევს, მაგრამ არ განიცდის და არც განსაკუთრებული მეთოდებით ებრძვის მათ, რადგან თვლის, რომ ქალი თუ მოვლილია, მას ნაოჭიც უხდება.
– მაკა, როგორ ზრუნავთ გარეგნული ფორმისთვის?
– ცოტა ხნის წინ ჩემი მეგობრის აგარაკზე ვიყავი დასასვენებლად სულ რაღაც ერთი კვირით და იქიდან 2 კილოთი მეტი დავბრუნდი. ახლა ძალიან მობილიზებული ვარ, რომ ფორმაში ჩავდგე. კვების რეჟიმი შევამცირე, მაგრამ შიმშილი არ შემიძლია. 6 საათის შემდეგ აღარაფერს ვჭამ, ცომეული ამოვიღე მენიუდან. ისე კი ძალიან გურმანი ვარ და როცა სტაბილურად ერთ წონაზე ვარ, თამამად გეახლებით. ამ ეტაპზე კი მკაცრი მენიუ მაქვს.
– ვარჯიშობთ?
– არა, მაგრამ მინდა, ცურვა დავიწყო. იურმალაში რა ფორმაშიც ვიყავი, ჩემთვის იდეალური იყო. მაშინ ვვარჯიშობდი და ნაკლები წონაც მქონდა. აღნაგობით ძალიან პატარა და აწყობილი ვარ, ამიტომ თითო კილოსაც მნიშვნელობა აქვს. ჩემთვის სასურველი წონაა 47 კილო. ახლა 3 კილოთი მეტი ვარ.
ზოგადად, ყველა ეტაპს თავისი ხიბლი აქვს. ჩემი დაქალი ნერვებს მიშლის, ამბობს, რომ დავბერდებით, რა გვეშველებაო. რა თქმა უნდა, სინანული არსებობს, როცა ფოტოებს ნახავ და იტყვი, რა გოგო ვიყავი ამ ასაკშიო, მაგრამ ასეთია ცხოვრება. მთავარია, ტკბილად დავბერდეთ.
– რა განსხვავებას ამჩნევთ, როცა თქვენს ძველ ფოტოებს უყურებთ?
– ასაკის მატებასთან ერთად ნაოჭებიც გაჩნდა, მით უმეტეს, რომ ბევრ მიმიკას ვაკეთებ, სულ ვიღიმები. არ არსებობს ფოტო, სადაც სერიოზული სახე მაქვს. მიმიკა კი თვალებთან ნაოჭებს შესამჩნევს ხდის.
– კანს როგორ უვლით?
– ნიღბებს და საცხებს ვიყენებ. ვცდილობ, საჭირო რაოდენობის წყალი მივიღო, რაც სახის კანისთვის ძალიან კარგია. რას ვიზამთ, ასაკი თავისას შვრება, მაგრამ მე ის მამშვიდებს, როცა ვამბობ, 31 წლის ვარ–მეთქი და მპასუხობენ, არ გეტყობა, სკოლის მოსწავლესავით გამოიყურებიო. ზოგჯერ ნაოჭიც უხდება ქალს. წონა კი მთავარია კარგი გარეგნობისთვის. თუ თმა მოვლილი გაქვს, გემოვნებით იცვამ, ნაოჭებს ყურადღება არ ექცევა.
– ბოტოქსი გამოგიყენებიათ?
– არა, ამ ასაკში ბოტოქსის გამოყენების კატეგორიული წინააღმდეგი ვარ. ბევრი მეუბნებოდა, ტუჩის ფორმა შეიცვალე, ის გაიკეთე, ეს სცადეო, მაგრამ ვფიქრობ, რომ თუ საშინელება არ გჭირს სახეზე, რაც გაქვს, უნდა შეიფერო, საკუთარი იმიჯი უნდა შეიქმნა.
– თქვენი იმიჯი როგორია?
– კლასიკური. მე აკადემიურ მომღერლად მომიხსენიებენ. სცენაზე ჯინსს ვერასდროს ჩავიცვამ. შეიძლება ვარცხნილობა შევიცვალო, წონაში დავიკლო და უფრო კარგ ფორმაში ჩავდგე, მაგრამ აკადემიურ იმიჯს არ შევიცვლი. ყველაფერი არ მიხდება, მაგალითად, გაურკვეველი სიგრძის კაბებს არ ვიცვამ. მცირე დეტალებსაც ვაკვირდები. სამოსი როგორც უნდა მომწონდეს, თუ არ მოვიხდინე, არ ვიცვამ.
თმის ფერს არასოდეს გავიღიავებ, რადგან არ მომეწონება. სანამ ჭაღარა არ მაქვს, იყოს ეს ფერი.
– თქვენი გარდერობი ჭრელია და აკადემიურობა ფერებშიც ვლინდება?
– ყველა ფერი არ მიხდება. წითელი მიყვარს, ყვითელი კი ჩემს გარდერობში არ მოიპოვება. ყველანაირ მწვანეს არ ვიცვამ. რაც უფრო მემატება ასაკი, ფერების მიმართ დამოკიდებულება მეცვლება, ყველა ფერს ვეღარ ვიცვამ. ამ ბოლო დროს შავი და თეთრი ძალიან მომწონს, ამაღლებულ განწყობაზე მაყენებს.
– მაკიაჟს ყოველდღიურად იკეთებთ თუ ხშირად უფრო ბუნებრიობას ანიჭებთ უპირატესობას?
– უმაკიაჟოდ არ დავდივარ, მაგრამ თვალებს ყოველდღიურად არ ვიხატავ. ხშირად მეუბნებიან, რომ ბუნებრივი როცა ვარ, უფრო კარგად გამოვიყურები, მაგრამ მაკიაჟი ძალიან მიყვარს და თვითონ კარგად ვიკეთებ. კოსმეტიკის ყიდვა ჩემი ქალური სისუსტეა. უფრო ხშირად მაკიაჟით თვალებზე ვაკეთებ აქცენტს.
– რის გარეშე არ გადიხართ სახლიდან არასდროს?
– სამკაულის გარეშე. ადრე მცირე ზომის სამკაულები მიყვარდა, ახლა უფრო მკვეთრი, გამოსაჩენი მომწონს. ამ ბოლო დროს ოქრო შემიყვარდა. თუ მეკითხებიან, დაბადების დღეზე რა გაჩუქოთო, ვპასუხობ, ოქრო–მეთქი. ქმარმა დაბადების დღეზე ლამაზი ოქროს ბეჭედი მაჩუქა.
– თქვენი ქმარი, ვახო ჭუმბურიძე, გარეგნობასთან დაკავშირებით რჩევებს გაძლევთ?
– ვახოს ძალიან კარგი გემოვნება აქვს და არ არსებობს, ცუდი რამ მირჩიოს ან ჩემს იმიჯთან დაკავშირებით უარყოფითი დამოკიდებულება გამოამჟღავნოს.
– სარკის წინ რა დროს ატარებთ და როგორ აფასებთ თქვენს ორეულს?
– მიყვარს პრანჭიკელობა, მაგრამ სარკის წინ ავადმყოფურად დიდ დროს არ ვატარებ. ჩემი ორეული კი ხან მომწონს და ხან – არა. საერთოდ, თვითკრიტიკული ვარ, ეს ჩემს გარეგნობასაც ეხება და საქმესაც. ხანდახან კი თვითკრიტიკა ისე მიმძაფრდება, შეიძლება ვინმემ იფიქროს, ამ გოგოს საკუთარი თავის რწმენა არ გააჩნიაო. ასე არ არის, მაგრამ იშვიათად, რომ რამე მომეწონოს. მე მხოლოდ იურმალისდროინდელი მაკა მომწონს. თუმცა, რაც ვარ, ეს ვარ – ძალიან პოზიტიური და ლაღი. ალბათ ეს მეხმარება ბევრ რამეში.
მანანა ნოდია, ჟურნალი სარკე
– მაკა, როგორ ზრუნავთ გარეგნული ფორმისთვის?
– ცოტა ხნის წინ ჩემი მეგობრის აგარაკზე ვიყავი დასასვენებლად სულ რაღაც ერთი კვირით და იქიდან 2 კილოთი მეტი დავბრუნდი. ახლა ძალიან მობილიზებული ვარ, რომ ფორმაში ჩავდგე. კვების რეჟიმი შევამცირე, მაგრამ შიმშილი არ შემიძლია. 6 საათის შემდეგ აღარაფერს ვჭამ, ცომეული ამოვიღე მენიუდან. ისე კი ძალიან გურმანი ვარ და როცა სტაბილურად ერთ წონაზე ვარ, თამამად გეახლებით. ამ ეტაპზე კი მკაცრი მენიუ მაქვს.
– ვარჯიშობთ?
– არა, მაგრამ მინდა, ცურვა დავიწყო. იურმალაში რა ფორმაშიც ვიყავი, ჩემთვის იდეალური იყო. მაშინ ვვარჯიშობდი და ნაკლები წონაც მქონდა. აღნაგობით ძალიან პატარა და აწყობილი ვარ, ამიტომ თითო კილოსაც მნიშვნელობა აქვს. ჩემთვის სასურველი წონაა 47 კილო. ახლა 3 კილოთი მეტი ვარ.
ზოგადად, ყველა ეტაპს თავისი ხიბლი აქვს. ჩემი დაქალი ნერვებს მიშლის, ამბობს, რომ დავბერდებით, რა გვეშველებაო. რა თქმა უნდა, სინანული არსებობს, როცა ფოტოებს ნახავ და იტყვი, რა გოგო ვიყავი ამ ასაკშიო, მაგრამ ასეთია ცხოვრება. მთავარია, ტკბილად დავბერდეთ.
– რა განსხვავებას ამჩნევთ, როცა თქვენს ძველ ფოტოებს უყურებთ?
– ასაკის მატებასთან ერთად ნაოჭებიც გაჩნდა, მით უმეტეს, რომ ბევრ მიმიკას ვაკეთებ, სულ ვიღიმები. არ არსებობს ფოტო, სადაც სერიოზული სახე მაქვს. მიმიკა კი თვალებთან ნაოჭებს შესამჩნევს ხდის.
– კანს როგორ უვლით?
– ნიღბებს და საცხებს ვიყენებ. ვცდილობ, საჭირო რაოდენობის წყალი მივიღო, რაც სახის კანისთვის ძალიან კარგია. რას ვიზამთ, ასაკი თავისას შვრება, მაგრამ მე ის მამშვიდებს, როცა ვამბობ, 31 წლის ვარ–მეთქი და მპასუხობენ, არ გეტყობა, სკოლის მოსწავლესავით გამოიყურებიო. ზოგჯერ ნაოჭიც უხდება ქალს. წონა კი მთავარია კარგი გარეგნობისთვის. თუ თმა მოვლილი გაქვს, გემოვნებით იცვამ, ნაოჭებს ყურადღება არ ექცევა.
– ბოტოქსი გამოგიყენებიათ?
– არა, ამ ასაკში ბოტოქსის გამოყენების კატეგორიული წინააღმდეგი ვარ. ბევრი მეუბნებოდა, ტუჩის ფორმა შეიცვალე, ის გაიკეთე, ეს სცადეო, მაგრამ ვფიქრობ, რომ თუ საშინელება არ გჭირს სახეზე, რაც გაქვს, უნდა შეიფერო, საკუთარი იმიჯი უნდა შეიქმნა.
– თქვენი იმიჯი როგორია?
– კლასიკური. მე აკადემიურ მომღერლად მომიხსენიებენ. სცენაზე ჯინსს ვერასდროს ჩავიცვამ. შეიძლება ვარცხნილობა შევიცვალო, წონაში დავიკლო და უფრო კარგ ფორმაში ჩავდგე, მაგრამ აკადემიურ იმიჯს არ შევიცვლი. ყველაფერი არ მიხდება, მაგალითად, გაურკვეველი სიგრძის კაბებს არ ვიცვამ. მცირე დეტალებსაც ვაკვირდები. სამოსი როგორც უნდა მომწონდეს, თუ არ მოვიხდინე, არ ვიცვამ.
თმის ფერს არასოდეს გავიღიავებ, რადგან არ მომეწონება. სანამ ჭაღარა არ მაქვს, იყოს ეს ფერი.
– თქვენი გარდერობი ჭრელია და აკადემიურობა ფერებშიც ვლინდება?
– ყველა ფერი არ მიხდება. წითელი მიყვარს, ყვითელი კი ჩემს გარდერობში არ მოიპოვება. ყველანაირ მწვანეს არ ვიცვამ. რაც უფრო მემატება ასაკი, ფერების მიმართ დამოკიდებულება მეცვლება, ყველა ფერს ვეღარ ვიცვამ. ამ ბოლო დროს შავი და თეთრი ძალიან მომწონს, ამაღლებულ განწყობაზე მაყენებს.
– მაკიაჟს ყოველდღიურად იკეთებთ თუ ხშირად უფრო ბუნებრიობას ანიჭებთ უპირატესობას?
– უმაკიაჟოდ არ დავდივარ, მაგრამ თვალებს ყოველდღიურად არ ვიხატავ. ხშირად მეუბნებიან, რომ ბუნებრივი როცა ვარ, უფრო კარგად გამოვიყურები, მაგრამ მაკიაჟი ძალიან მიყვარს და თვითონ კარგად ვიკეთებ. კოსმეტიკის ყიდვა ჩემი ქალური სისუსტეა. უფრო ხშირად მაკიაჟით თვალებზე ვაკეთებ აქცენტს.
– რის გარეშე არ გადიხართ სახლიდან არასდროს?
– სამკაულის გარეშე. ადრე მცირე ზომის სამკაულები მიყვარდა, ახლა უფრო მკვეთრი, გამოსაჩენი მომწონს. ამ ბოლო დროს ოქრო შემიყვარდა. თუ მეკითხებიან, დაბადების დღეზე რა გაჩუქოთო, ვპასუხობ, ოქრო–მეთქი. ქმარმა დაბადების დღეზე ლამაზი ოქროს ბეჭედი მაჩუქა.
– თქვენი ქმარი, ვახო ჭუმბურიძე, გარეგნობასთან დაკავშირებით რჩევებს გაძლევთ?
– ვახოს ძალიან კარგი გემოვნება აქვს და არ არსებობს, ცუდი რამ მირჩიოს ან ჩემს იმიჯთან დაკავშირებით უარყოფითი დამოკიდებულება გამოამჟღავნოს.
– სარკის წინ რა დროს ატარებთ და როგორ აფასებთ თქვენს ორეულს?
– მიყვარს პრანჭიკელობა, მაგრამ სარკის წინ ავადმყოფურად დიდ დროს არ ვატარებ. ჩემი ორეული კი ხან მომწონს და ხან – არა. საერთოდ, თვითკრიტიკული ვარ, ეს ჩემს გარეგნობასაც ეხება და საქმესაც. ხანდახან კი თვითკრიტიკა ისე მიმძაფრდება, შეიძლება ვინმემ იფიქროს, ამ გოგოს საკუთარი თავის რწმენა არ გააჩნიაო. ასე არ არის, მაგრამ იშვიათად, რომ რამე მომეწონოს. მე მხოლოდ იურმალისდროინდელი მაკა მომწონს. თუმცა, რაც ვარ, ეს ვარ – ძალიან პოზიტიური და ლაღი. ალბათ ეს მეხმარება ბევრ რამეში.
მანანა ნოდია, ჟურნალი სარკე
1 731 ნახვა
17-09-2014, 10:55
