რამაზ ნოზაძე - გაიტანეთ კურტანიძე, სანამ ფიზიკური დაპირისპირება და ვიღაცის მსხვერპლი არ მომხდარა
ჭიდაობაში მსოფლიო ჩემპიონ რამაზ ნოზაძის განცხადებით, სპორტსმენებმა პრეზიდიუმს ჭიდაობის ფედერაციის პრეზიდენტის, ლუკა კურტანიძის გადადგომის მოთხოვნა ფაქტებითა და არგუმენტებით დაუსაბუთეს. როგორც რამაზ ნოზაძემ სპორტისა და ახალგაზრდობის საქმეთა სამინისტროსთან ჟურნალისტებს განუცხადა, მათ პრეზიდიუმს განუცხადეს, რომ ლუკა კურტანიძე უნდა გადადგეს პრეზიდენტობიდან და უნდა მოვიდეს ისეთი პირი, რომელსაც ჭიდაობა ეყვარება.
"თუ ეს მოთხოვნა არ დაკმაყოფილდა, უკვე მეშინია, რა მოხდება. ფილმ "ცისფერ მთებში" რომ არის, გაიტანეთ, გაიტანონ რა, ეს კაცი, სანამ ფიზიკური დაპირისპირება და ვიღაცის მსხვერპლი არ მომხდარა. ეგ უნდათ, თუ რა უნდათ, ვერ გამიგია", -
აღნიშნა რამაზ ნოზაძემ.
მოჭიდავეები ჭიდაობის ფედერაციის სავარაუდო კანდიდატებზე ამ დროისთვის არ საუბრობენ. საქართველოს სპორტისა და ახალგაზრდობის საქმეთა სამინისტროში ჭიდაობის ფედერაციის პრეზიდიუმის სხდომა მიმდინარეობს, რომელსაც ჭიდაობის ფედერაციის პრეზიდენტი ლუკა კურტანიძე ესწრება. ლუკა კურტანიძეს შენობაში შესვლამდე სპორტსმენებმა კვერცხები დაუშინეს, შენობის გარე პერიმეტრზე რჩებიან მოჭიდავეები, რომლებიც კურტანიძის გადადგომას მოითხოვენ. ადგილზე იმყოფებიან სამართალდამცავებიც.
"ინტერპრესნიუსი"
"თუ ეს მოთხოვნა არ დაკმაყოფილდა, უკვე მეშინია, რა მოხდება. ფილმ "ცისფერ მთებში" რომ არის, გაიტანეთ, გაიტანონ რა, ეს კაცი, სანამ ფიზიკური დაპირისპირება და ვიღაცის მსხვერპლი არ მომხდარა. ეგ უნდათ, თუ რა უნდათ, ვერ გამიგია", -
აღნიშნა რამაზ ნოზაძემ.
მოჭიდავეები ჭიდაობის ფედერაციის სავარაუდო კანდიდატებზე ამ დროისთვის არ საუბრობენ. საქართველოს სპორტისა და ახალგაზრდობის საქმეთა სამინისტროში ჭიდაობის ფედერაციის პრეზიდიუმის სხდომა მიმდინარეობს, რომელსაც ჭიდაობის ფედერაციის პრეზიდენტი ლუკა კურტანიძე ესწრება. ლუკა კურტანიძეს შენობაში შესვლამდე სპორტსმენებმა კვერცხები დაუშინეს, შენობის გარე პერიმეტრზე რჩებიან მოჭიდავეები, რომლებიც კურტანიძის გადადგომას მოითხოვენ. ადგილზე იმყოფებიან სამართალდამცავებიც.
"ინტერპრესნიუსი"
1 557 ნახვა
22-09-2014, 05:03
