როგორ ეწყობა თბილისის Fashion Week-ები და რა ხდება ქართული მოდის ინდუსტრიაში

ჟურნალი People "Tbilisi Fashion Week"-ის დამფუძნებლებთან (თაკო ჩხეიძე და მაკა ქუბუსიძე) ინტერვიუს აქვეყნებს, სადაც ისინი ქართული მოდის ინდუსტრიის შესახებ საუბრობენ.

თაკო ჩხეიძე:

6 წლიდან ქართულ ცეკვებზე დავდიოდი, შემდეგ გადავედი ანსამბლში. 14 წლის ასაკში სამოდელო ბიზნესით დავკავდი. რამდენიმე წლის განმავლობაში შვეიცარიაში ვიცხოვრე, რადგან ჩემი მეუღლე დიპლომატია. იქ ძალიან კარგი გამოცდილება მივიღე სამოდელო ბიზნესის კუთხით.

ერთხელაც, მოდის კვირეულის მოწყობა შემომთავაზეს, სადაც მაკა გავიცანი, რომელიც კომპანია Georgian Events-ს წარმოადგენდა და საქართველოში ყველაზე კარგი ივენთ-მენეჯერია. სწორედ ასე დავიწყეთ, ხუთი წლის წინ.

მაკა ქუბუსიძე:

მე უცხო ენათა ინსტიტუტი დავამთავრე. შემდეგ, თარჯიმნად და ჟურნალისტად ვმუშაობდი და საკუთარი თავი ბევრ ამპლუაში გამოვცადე. ამის შემდე, Georgian Events-ის დამფუძნებლები გავიცანი, რომლებმაც მათთან თანამშრომლობა შემომთავაზეს, დავთანხმდი მოდის კვირეულის ჩატარებას - გადამწყვეტ ფაქტორს თაკო წარმოადგენდა.

მოდის კვირეული წელიწადში ორჯერ იმართება, ახლა უკვე მეათე სეზონისთვის ვემზადებით. პირველი 2009 წელს გაიმართა. ჩვენთან ყოველწლიურად აღინიშნება თბილისობა, რომლის დროსაც ფეშენ ივენთს ვატარებთ.

თაკო ჩხეიძე

პირველი მოდის კვირეულის ჩატარებაში შვეიცარული კომპანია დაგვეხმარა, რადგან ჩვენ საკმარისი გამოცდილება არ გაგვაჩნდა.

მე, მაკა და სოფო მამარდაშვილი პარტნიორები ვართ. გუნდში გვყავს პიარი და კრეატიული დირექტორი. ღონისძიების ჩატარების დროს, ვიწვევთ მოხალისეებს, სულ გუნდში მაქსიმუმ 20 ადამიანი ვართ. ძირითადად ყველაფერს ერთად ვაკეთებთ. მიუხედავად იმისა, რომ მე მოდელები და დიზაინერები მეხება, ხოლო მაკას ორგანიზაციული მხარე, ჩვენ ხშირად ვეხმარებით ერთამნეთს.

ჩემი ოცნება ამ სფეროს განვითარებაა. ჩვენ გვქონდა, გვაქვს და გვექნება პოტენციალი. მე მინდოდა, რომ ჩვენი დიზაინერების პროდუქია არა მარტო ქართულ ბაზარზე ყოფილიყო გაყიდვადი, არამედ ევროპასა და ამერიკაშიც. ჩვენ მოვიფიქრებთ კონკურსი New Comers Day, სადაც ახალგაზრდა დიზაინერებს 5 კოსტუმის წარმოდგენა შეუძლიათ. ამის წყალობით, მოდის ბიზნესში ახალი სახეები გაჩნდნენ.

წელს პირველად გავმართეთ Resort Collections-ის ჩვენება ბათუმში და გვსურს

რომ ეს ტრადიციად იქცეს. ყოველწლიურად აჭარაში ჯაზის ფესტივალი იმართება, მათთან ერთად ჩვენ Jazz Meets Fashion გავაკეთეთ. ჩანაფიქრში გვაქვს თბილისის მოდის კვირეულისთვის ინტერნეტ-მაღაზიის შქმნა - ეს სიურპრიზი იქნება. ჩვენი გეგმა - ახალი ქართული ბრენდის შექმნაა.

მაკა კუბუსიძე:

შემოდგომაზე მეათე სეზონი გაიმართება, გვინდა რომ ჩვენს იუბილეზე ყველაფერი უმაღლეს დონეზე გაკეთდეს. საქართველოში ბევრი ადამიანია, რომლებიც პატარა ფაბრიკებში კერავენ, თუმცა, არავინ იცის მათი არსებობის შესახებ. ჩვენ ვმუშაობთ იმაზე, რომ დიზაინერებს უფრო მჭიდრო კავშირი ჰქონდეთ მწარმოებლებთან. ასევე ვთანამშრომლობთ ეკონომიკის სამინისტროსთან და გვსურს პირველი ფორუმის გამართვა, სადაც დიზაინერები შეძლებენ საჭირო ხალხთან შეხვედრას. ჩვენ გვაქვს პოტენციალი, თუმცა, არ გაგვაჩნია მოდელი, სწორედ ამაზე ვმუშაობთ ამჟამად. გვსურს, რომ ეს მხოლოდ შოუ არ იყოს, არამედ ყველაფერი, რასაც ეს სფერო მოიცავს - ინდუსტრია, რომელიც გარკვეული კუთხით საქართველოს განვითარებაში ეხმარება.