სიყვარულის ხათრით კაცმა 305 კილოგრამი დაიკლო

52 წლის ბრიტანელმა მამაკაცმა 305 კილოგრამი მას შემდეგ დაიკლო, რაც ინტერნეტით ოცნების ქალი გაიცნო. გაცნობა "ფეისბუქში" შედგა - ყოფილმა ფოსტალიონმა პოლ მეისონმა სულ რამდენიმე ფრაზის გაცვლის შემდეგ აღმოაჩინა, რომ 40 წლის რებეკა მაუნტინი მისთვის იყო დაბადებული.

მამაკაცს ვერც წარმოედგინა, რომ რებეკასთან რომანტიკული ურთიერთობის შანსი ჰქონდა. ქალი ხომ პოლს მას შემდეგ გამოეხმაურა, რაც დოკუმენტური ფილმი ნახა მსოფლიოს ყველაზე მსუქანი ადამიანის შესახებ. თავიდან რებეკას ამ ადამიანის დახმარება სურდა და სახლში დიასახლისის მოვალეობის შესრულება ითხოვა.
მათი პირველი დიალოგი Skype-ით შედგა და 4,5 საათს გასტანა. ამის

შემდეგ უბრალო ნაცნობობა სიყვარულში გადაიზარდა.

მეისონი რებეკას გაცნობამდე 445 კილოგრამს იწონიდა და ყოველდღიურად 20 000 კილოკალორიას მიირთმევდა. სიყვარულის ხათრით კი წონაში დაკლება გადაწყვიტა და 305 კილოგრამი ჩამოიცილა.
წყვილს რეალურად ერთმანეთი არ უნახავს. თუმცა რებეკა საყვარელ მამაკაცთან შესახვედრად ბრიტანეთში გასამგზავრებლად ემზადება.


მომზადებულია americaru.com-ის მიხედვით.