სპირსი მიდლტონს, საკუთარი კოლექციიდან, ქალის თეთრეულის კომპლექტს გაუგზავნის

ამერიკელი მომღერალი ბრიტნი სპირსი გეგმავს კემბრიჯის ჰერცოგინიას ქეით მიდლტონს ქალის თეთრეულის კომპლექტი აჩუქოს.

სპირსი, რომელმაც ცოტა ხნის წინ ქალის თეთრეულის საკუთარი კოლექცია წარმოადგინა, დარწმუნებულია, რომ პრინც უილიამის მეუღლეს მისი პროდუქტი მოეწონება.

იმის შესახებ, რომ ის გეგმავს მიდლტონს აჩუქოს კომპლექტი Intimate Britney Spears-ის კოლექციიდან, მომღერალმა ლონდონში ვიზიტის დროს განაცხადა.

"მე ძალიან მინდა ქეითმა ჩემი ბრენდის თეთრეული მოირგოს, მე ვაპირებ მას გავუგზავნო ყველა მოდელი, რომ მას არჩევანის საშუალება ჰქონდეს",- განაცხადა სპირსმა.

ბრიტნიმ აქვე აღნიშნა, რომ მისი შექმნილი თეთრეული ყველა ქალის გემოვნებაში ჯდება.

შეგახსენებთ, ქეითი მეორე ბავშვზეა ორსულად და როგორც პირველ ბავშვზე, ჰერცოგინიას ამჯერადაც ტოქსიკოზი აქვს.

news.ge