მწყერის კვერცხის უნიკალური ნიღბები დაბერებისგან დაგიცავთ

მწყერის კვერცხის ცილას გააჩნია შემკვრელი თვისება და აქედან გამომდინარე შესანიშნავად კრავს ფორებს. ის აშორებს კანს ცხიმისგან გამოწვეულ სიპრიალეს და ასწორებს წვრილ ნაოჭებს. შესაბამისად, ცილა იდეალურია ცხიმიანი კანის მოსავლელად.

ნიღაბი ფორებიანი კანისთვის

ეს ნიღაბი კარგად ასუფთავებს და ჭიმავს ფორებიან კანს, ეხმარება შავი წერტილების მოშორებაში. 1 კვერცხის ცილა ათქვიფეთ 1 ჩ.კ. ლიმონის წვენთან და წაისვით სახეზე. როცა შეშრება ისევ გაიმეორეთ 2-ჯერ. სულ უნდა გქონდეთ წასმული ცილის 3 ფენა. ბოლო ფენის წასმიდან 15 წუთში ჩამოიბანეთ ნიღაბი თბილი წყლით.

ნიღაბი ცხიმიანი კანისთვის

კარგად აურიეთ ერთმანეთში 1 კვერცხის ცილა და 2 ჩ.კ. თეთრი თიხა ერთგვაროვანი მასის მიღებამდე (კანზე ანთებითი კერების არსებობისას გამოიყენეთ ცისფერი თიხა) და წაისვით სახეზე 10-12 წუთით. შემდეგ ჩამოიბანეთ გრილი წყლით.

მწყერის კვერცხის გული შეიცავს უამრავ სასარგებლო ნივთიერებებს

მასში შემავალი მელატონინი ხელს უწყობს კანის უჯრედების გაახალგაზრდავებას, ლეციტინი ეხმარება მკვებავ ნივთიერებებს კანში ღრმად შეღწევაში, ატონიზირებს, არბილებს მას და აღადგენს კანის დამცავ ფუნქციებს, ცხიმოვანი მჟავები კი ღრმად კვებავს, აახალგაზრდავებს და ატენიანებენ კანს.

კვერცხის გულის ნიღბები გამოიყენება მშრალი და ნორმალური კანისთვის, ამის გარდა ასევე გამოიყენება ნებისმიერი ტიპის კანის კვებისთვის და დასატენიანებლად.
ნიღაბი მშრალი და ნორმალური კანისთვის

კარგად აურიეთ ერთმანეთში 1 კვერცხის გული და 1 ს.კ. ცხიმიანი ხაჭო. დაიდეთ სახეზე 15 წუთით და ჩამოიბანეთ თბილი წყლით.

მკვებავი ნიღაბი ნებისმიერი ტიპის კანისთვის

1 კვერცხის გულს დაამატეთ 1 ჩ.კ. თაფლი, კარგად აურიეთ და წაისვით სახეზე 10-15 წუთით. ჩამოიბანეთ თბილი წყლით.


კესო ლაღიძე