ვანო ჯავახიშვილი ძმას სამსახურში არ ელაპარაკება
ვანო ჯავახიშვილს ერთი ძმა ჰყავს, კახა ჯავახიშვილი. რომელიც ასევე ''რუსთავი 2''- ში მუშაობს. კახა დეკორატორია, რამდენჯერმე ძალიან სთხოვეს და მონაწილეობა მიიღო სკეტჩებში, მაგრამ როგორც თავად ამბობს, ეს მისი საქმე არაა და დიდი მონდომებით აკეთებს იმას, რაც ძალიან უყვარს.
- ვანოზე ხუთი წლით უფროსი ვარ. მისი აკვანი დამირწევია და შემიძლია, ვთქვა, რომ ვანოს გაზრდაში პატარა წვლილი მიმიძღვის.
- დაზე ოცნებობდით?
- მინდოდა, ვანოს მაგივრად და დაბადებულიყო, მაგრამ ბიჭი დაიბადა. ბიჭიანობის ჯიში გვაქვს. ბებიაჩემის შვილიშვილებში მხოლოდ ორია გოგო, დანარჩენი ბიჭები ვართ.
- ვანო დამჯერი ბავშვი იყო?
- არა, საშინლად ცელქი. თავიდანვე პირველობა უყვარდა. ხუთი წელი დიდი სხვაობა არაა. ყოველთვის, როდესაც ერთად ვთამაშობდით და აგებდა, ჩხუბს იწყებდა. ეგონა, ვატყუებდი. არადა, ალალად ვეთამაშებოდი. რაში მჭირდებოდა მოტყუება. მერე მშობლები მე მსაყვედურობდნენ და გამარჯვებული საბოლოოდ მაინც ვანო რჩებოდა.
- სახელები როგორ შეგირჩიეს?
- ჩვენ წარმოშობით მცხეთიდან ვართ, მაგრამ კახეთში დავიბადე. დედა თავის ოჯახში იყო ჩასული თელავში და რადგან კახეთში დავიბადე, კახა დამარქვეს. ჩემს ძმას პაპის სახელი ჰქვია.
- ვანო ჯავახიშვილმა რამდენჯერმე იხუმრა, რომ უნივერსიტეტის ერთ-ერთი დამაარსებლის ივანე ჯავახიშვილის ნათესავები ხართ. მართლა არის თქვენ შორის ნათესაური კავშირი?
- ყველა ქართლელი ჯავახიშვილი წარმოშობით კასპის რაიონის თეძმის ხეობიდან ვართ და სავარაუდოდ, ძირი ერთი გვაქვს. ძალიან შორეული ნათესავები აუცილებლად ვიქნებით.
- სკოლაში რომელი უფრო კარგად სწავლობდით?
- ვანო კარგად სწავლობდა. მე ნიჭიერი, მაგრამ ზარმაცი ვიყავი. ვანო დაფაზეც კი იყო გამოკრული, მეექვსე კლასამდე ფრიადოსანი გახლდათ. მათემატიკურ საგნებში ძლიერი იყო. მე უფრო ჰუმანიტარულ საგნებს ვსწავლობდი კარგად. ფრიადოსანი არ ვყოფილვარ, ტექნიკური საგნები არ მიყვარდა, ყველას გასაკვირად, პროფესიად ავტოინჟინრობა ავირჩიე, მაგრამ ჩემი პროფესიით არ მიმუშავია. ''რუსთავი 2''-ში დეკორატორი ვარ.
- რომელი უფრო ადრე გახდით ''რუსთავი 2''-ის თანამშრომელი?
- ჯერ ჩემი ძმა მივიდა ''კომედი შოუში'' და რამდენიმე წლის მერე მე დავიწყე მუშაობა. დაახლოებით ექვსი-შვიდი წელია, არხის თანამშრომელი ვარ.
- ძმის მსგავსად იუმორისტულ გადაცემაში მონაწილეობა რომ გეცადათ, არ გიფიქრიათ?
- არა, ეს ჩემი საქმე არაა.
- თუმცა, როგორც მახსოვს, რამდენიმე სკეტჩში ითამაშეთ.
- ეპიზოდურ როლში ვიყავი ''სიცილის ზონაშიც'' და ''კომედი შოუშიც''. ძალიან დიდხანს მეხვეწნენ და პატარა როლის შესრულებაზე დავთანხმდი.
- რთული იყო?
- არ გამჩენია სურვილი, რომ ამ სფეროში საქმიანობა გამეგრძელებინა. ჩემი ძმა ბავშვობიდან თამაშობდა ''მანსანკანში''. ჩემი კლასიც თამაშობდა, მაგრამ მე არასდროს მითამაშია. ამ ყველაფერს თავისებური ნიჭი უნდა. თან, მე კომპლექსები მაქვს და სცენის ცოტა მეშინია.
- ჩემი აზრით, გარეგნულად ჰგავხართ ძმას.
- როგორც წესი, თავიდან არავინ გვამსგავსებს ერთმანეთს. როცა ვამბობთ, რომ ძმები ვართ, მერე მეუბნებიან, როგორ ჰგავხართ ერთმანეთსო. ხომ შეიძლება, ვინმემ შემთხვევით მკითხოს, შენ ვანოს ძმა ხომ არ ხარო, ასე არასდროს მომხდარა.
- ''ვანოს შოუს'' როგორ შეაფასებთ?
- ყველანაირად მომწონს. კრიტიკულად განწყობილი ნამდვილად არ ვარ. ვანო ბევრ სიმართლეს ამბობს.
- თუმცა ხანდახან ამბობენ, მიკერძოებულიაო.
- ვანო ''ნაციონალებზეც'' ხშირად ხუმრობს, მაგრამ ბევრს ყურში დღევანდელ ხელისუფლებაზე ხუმრობა უფრო ხვდება. ალბათ, ეს არცაა გასაკვირი.
- ვანო ჯავახიშვილი სად უფრო მოგწონდათ, როგორც ''კომედი შოუს'' მსახიობი, თუ როგორც შოუს წამყვანი?
- ვანო ''კომედი შოუს'' სკეტჩებში ძალიან მომწონდა, მაგრამ გადაცემის წამყვანი რადგან იყო, ბიჭებმა თქვეს, რომ ორივეგან მონაწილეობა არ შეიძლებოდა. ბოლოს გადავიღეთ ერთ სკეტჩში და ძალიან სახალისო გამოვიდა. ჩაწერაზე მოსული ხალხი დიდი ოვაციებით შეხვდა ვანოს შემოსვლას.
- ვანო მკაცრი უფროსია?
- მკაცრია. სამსახურში არანაირი ძმობა არ არსებობს. შეიძლება, თუ საქმე არ აქვს, მთელი დღე სამსახურში არც დამელაპარაკოს. არ უნდა, რომ რადგან ჩემი ძმაა, ვინმემ თქვას, კახას ''კრიშა'' არისო. ჩემ მიმართ ისეთივე კრიტიკულია, როგორც სხვების მიმართ. პირადად მე მის გადაცემაში რაღაც რეკვიზიტი დამავიწყდა და კრიტიკა დავიმსახურე.
- კრიტიკა მხოლოდ სიტყვიერი იყო, თუ ფინანსურადაც აისახა?
- მხოლოდ სიტყვიერი იყო. რაღაც ფოტო დავაბეჭდინეთ, რომელიც კადრში უნდა ეჩვენებინა და მე კაბინეტიდან ჩამოტანა დამავიწყდა.
- ყველაფერი როგორ დამთავრდა?
- ვანომ ისე თქვა ხუმრობა, რომ ფოტო არ უჩვენებია. მაშინ ძალიან შემრცხვა. ეს დაახლოებით ორი წლის წინ მოხდა. მას შემდეგ არაფერი შემშლია. სამსახურში თითქმის არ ვლაპარაკობთ, მაგრამ სამსახურის გარეთ როდესაც ვიკრიბებით, იქ ჩემი ჩვეულებრივი ძმაა.
- თამადობა რომელს უფრო გეხერხებათ?
- მე, რა თქმა უნდა. ვანო ბევრს არ სვამს. ახალგაზრდობაში უფრო უყვარდა დალევა. ახლაც ახალგაზრდაა, უბრალოდ, 20-22 წლის რომ იყო, სვამდა ხოლმე. უყვარდა ქეიფი. ახლა დალევა აღარ უყვარს.
- თქვენს პირად ცხოვრებაზე რისი თქმა შეგიძლიათ?
- მყავს მეუღლე, ია ბურჭულაძე, მუსიკოსი. გვყავს ერთი შვილი, ივანე.
- ძმის სახელი რატომ დაარქვით?
- ეს დიდი ისტორიაა... ჩემს მეუღლეს რთული ფეხმძიმობა და მშობიარობა ჰქონდა. ჩემი შვილი რომ დაიბადა, თბილისში არ ვიყავი. ჩემმა ძმამ ყველაფერი გაააკეთა იმისთვის, რომ ბავშვიც და რძალიც გადაერჩინა. ვანო ჯავახიშვილი რომ დაინახეს, როგორც ხდება საქართველოში, ექიმები დაეხვივნენ, ვანო რომ არ ყოფილიყო, შეიძლება, ყურადღება არც მიექციათ...
ბავშვისთვის სახელი არ გვქონდა მოფიქრებული, ვანოს დარქმევას საერთოდ არ ვაპირებდით. მერე ჩემმა მეუღლემ თქვა, რადგან ვანომ გადაგვარჩინა, ივანე დავარქვათო, მაგრამ ბავშვს ყველა ვაჩის ვეძახით. ვანო რომ დაუძახო, შეიძლება, არც მოიხედოს. ვაჩი უკვე რვა წლისაა. მუსიკალურ სკოლაში ვიოლინოს განხრით სწავლობს, მეორე კურსზეა.
- ალბათ, ბიძა ძალიან უყვარს.
- ერთმანეთი მართლა ძალიან უყვართ. ბიძისგან უამრავ საჩუქარს იღებს. სხვა ბავშვს ამდენი საჩუქარი შეიძლება, არც დაესიზმროს.
- ბიძაშვილები ჰგვანან ერთმანეთს?
- ვანოს ბავშვი, ნიკოლოზი, ძალიან მოძრავია. სულ ენერგიას ხარჯავს და არ იღლება. ჩვენგან, ჯავახიშვილებისგან, განსხვავებულია.
- მახსოვს, რამდენიმე წლის წინ მიხეილ სააკაშვილმა რომ აიყვანა ხელში, არ მოეწონა და ეს ამბავი გააპროტესტა.
- ვაჩი რომ აეყვანა, შეიძლება, ტირილი დაეწყო. თავიდანვე კომპლექსები და სცენის შიში ჰქონდა. მუსიკალურში პირველ კურსზე რომ იყო, კონცერტებზე გამოსვლა უჭირდა. მერე ჩემმა მეუღლემ ფსიქოლოგიური ტრენინგები ჩაუტარა და ცოტათი შეიცვალა, თორემ დარჩებოდა ჩემნაირი კომპლექსიანი.
- თქვენს საქმეებზეც გვითხარით ორი სიტყვა...
- ყოველ კვირა ახალ დეკორაციას ვაკეთებთ ''კომედი შოუში'' და ეს ძალიან საინტერესოა. ''კომედი შოუს'' ჩაწერის წინა ღამეს ვათენებთ. გადაცემა რომ ჩაიწერება, მერე ყველაფერს ვშლით და თავის ადგილას ვაწყობთ. ეს ყველაფერი რთულია, მაგრამ კვირაში ერთხელ ღამის გათენება არაფერია, როცა სხვა გზა არაა.
მერი კობიაშვილი
ჟურნალი ''რეიტინგი''
- ვანოზე ხუთი წლით უფროსი ვარ. მისი აკვანი დამირწევია და შემიძლია, ვთქვა, რომ ვანოს გაზრდაში პატარა წვლილი მიმიძღვის.
- დაზე ოცნებობდით?
- მინდოდა, ვანოს მაგივრად და დაბადებულიყო, მაგრამ ბიჭი დაიბადა. ბიჭიანობის ჯიში გვაქვს. ბებიაჩემის შვილიშვილებში მხოლოდ ორია გოგო, დანარჩენი ბიჭები ვართ.
- ვანო დამჯერი ბავშვი იყო?
- არა, საშინლად ცელქი. თავიდანვე პირველობა უყვარდა. ხუთი წელი დიდი სხვაობა არაა. ყოველთვის, როდესაც ერთად ვთამაშობდით და აგებდა, ჩხუბს იწყებდა. ეგონა, ვატყუებდი. არადა, ალალად ვეთამაშებოდი. რაში მჭირდებოდა მოტყუება. მერე მშობლები მე მსაყვედურობდნენ და გამარჯვებული საბოლოოდ მაინც ვანო რჩებოდა.
- სახელები როგორ შეგირჩიეს?
- ჩვენ წარმოშობით მცხეთიდან ვართ, მაგრამ კახეთში დავიბადე. დედა თავის ოჯახში იყო ჩასული თელავში და რადგან კახეთში დავიბადე, კახა დამარქვეს. ჩემს ძმას პაპის სახელი ჰქვია.
- ვანო ჯავახიშვილმა რამდენჯერმე იხუმრა, რომ უნივერსიტეტის ერთ-ერთი დამაარსებლის ივანე ჯავახიშვილის ნათესავები ხართ. მართლა არის თქვენ შორის ნათესაური კავშირი?
- ყველა ქართლელი ჯავახიშვილი წარმოშობით კასპის რაიონის თეძმის ხეობიდან ვართ და სავარაუდოდ, ძირი ერთი გვაქვს. ძალიან შორეული ნათესავები აუცილებლად ვიქნებით.
- სკოლაში რომელი უფრო კარგად სწავლობდით?
- ვანო კარგად სწავლობდა. მე ნიჭიერი, მაგრამ ზარმაცი ვიყავი. ვანო დაფაზეც კი იყო გამოკრული, მეექვსე კლასამდე ფრიადოსანი გახლდათ. მათემატიკურ საგნებში ძლიერი იყო. მე უფრო ჰუმანიტარულ საგნებს ვსწავლობდი კარგად. ფრიადოსანი არ ვყოფილვარ, ტექნიკური საგნები არ მიყვარდა, ყველას გასაკვირად, პროფესიად ავტოინჟინრობა ავირჩიე, მაგრამ ჩემი პროფესიით არ მიმუშავია. ''რუსთავი 2''-ში დეკორატორი ვარ.
- რომელი უფრო ადრე გახდით ''რუსთავი 2''-ის თანამშრომელი?
- ჯერ ჩემი ძმა მივიდა ''კომედი შოუში'' და რამდენიმე წლის მერე მე დავიწყე მუშაობა. დაახლოებით ექვსი-შვიდი წელია, არხის თანამშრომელი ვარ.
- ძმის მსგავსად იუმორისტულ გადაცემაში მონაწილეობა რომ გეცადათ, არ გიფიქრიათ?
- არა, ეს ჩემი საქმე არაა.
- თუმცა, როგორც მახსოვს, რამდენიმე სკეტჩში ითამაშეთ.
- ეპიზოდურ როლში ვიყავი ''სიცილის ზონაშიც'' და ''კომედი შოუშიც''. ძალიან დიდხანს მეხვეწნენ და პატარა როლის შესრულებაზე დავთანხმდი.
- რთული იყო?
- არ გამჩენია სურვილი, რომ ამ სფეროში საქმიანობა გამეგრძელებინა. ჩემი ძმა ბავშვობიდან თამაშობდა ''მანსანკანში''. ჩემი კლასიც თამაშობდა, მაგრამ მე არასდროს მითამაშია. ამ ყველაფერს თავისებური ნიჭი უნდა. თან, მე კომპლექსები მაქვს და სცენის ცოტა მეშინია.
- ჩემი აზრით, გარეგნულად ჰგავხართ ძმას.
- როგორც წესი, თავიდან არავინ გვამსგავსებს ერთმანეთს. როცა ვამბობთ, რომ ძმები ვართ, მერე მეუბნებიან, როგორ ჰგავხართ ერთმანეთსო. ხომ შეიძლება, ვინმემ შემთხვევით მკითხოს, შენ ვანოს ძმა ხომ არ ხარო, ასე არასდროს მომხდარა.
- ''ვანოს შოუს'' როგორ შეაფასებთ?
- ყველანაირად მომწონს. კრიტიკულად განწყობილი ნამდვილად არ ვარ. ვანო ბევრ სიმართლეს ამბობს.
- თუმცა ხანდახან ამბობენ, მიკერძოებულიაო.
- ვანო ''ნაციონალებზეც'' ხშირად ხუმრობს, მაგრამ ბევრს ყურში დღევანდელ ხელისუფლებაზე ხუმრობა უფრო ხვდება. ალბათ, ეს არცაა გასაკვირი.
- ვანო ჯავახიშვილი სად უფრო მოგწონდათ, როგორც ''კომედი შოუს'' მსახიობი, თუ როგორც შოუს წამყვანი?
- ვანო ''კომედი შოუს'' სკეტჩებში ძალიან მომწონდა, მაგრამ გადაცემის წამყვანი რადგან იყო, ბიჭებმა თქვეს, რომ ორივეგან მონაწილეობა არ შეიძლებოდა. ბოლოს გადავიღეთ ერთ სკეტჩში და ძალიან სახალისო გამოვიდა. ჩაწერაზე მოსული ხალხი დიდი ოვაციებით შეხვდა ვანოს შემოსვლას.
- ვანო მკაცრი უფროსია?
- მკაცრია. სამსახურში არანაირი ძმობა არ არსებობს. შეიძლება, თუ საქმე არ აქვს, მთელი დღე სამსახურში არც დამელაპარაკოს. არ უნდა, რომ რადგან ჩემი ძმაა, ვინმემ თქვას, კახას ''კრიშა'' არისო. ჩემ მიმართ ისეთივე კრიტიკულია, როგორც სხვების მიმართ. პირადად მე მის გადაცემაში რაღაც რეკვიზიტი დამავიწყდა და კრიტიკა დავიმსახურე.
- კრიტიკა მხოლოდ სიტყვიერი იყო, თუ ფინანსურადაც აისახა?
- მხოლოდ სიტყვიერი იყო. რაღაც ფოტო დავაბეჭდინეთ, რომელიც კადრში უნდა ეჩვენებინა და მე კაბინეტიდან ჩამოტანა დამავიწყდა.
- ყველაფერი როგორ დამთავრდა?
- ვანომ ისე თქვა ხუმრობა, რომ ფოტო არ უჩვენებია. მაშინ ძალიან შემრცხვა. ეს დაახლოებით ორი წლის წინ მოხდა. მას შემდეგ არაფერი შემშლია. სამსახურში თითქმის არ ვლაპარაკობთ, მაგრამ სამსახურის გარეთ როდესაც ვიკრიბებით, იქ ჩემი ჩვეულებრივი ძმაა.
- თამადობა რომელს უფრო გეხერხებათ?
- მე, რა თქმა უნდა. ვანო ბევრს არ სვამს. ახალგაზრდობაში უფრო უყვარდა დალევა. ახლაც ახალგაზრდაა, უბრალოდ, 20-22 წლის რომ იყო, სვამდა ხოლმე. უყვარდა ქეიფი. ახლა დალევა აღარ უყვარს.
- თქვენს პირად ცხოვრებაზე რისი თქმა შეგიძლიათ?
- მყავს მეუღლე, ია ბურჭულაძე, მუსიკოსი. გვყავს ერთი შვილი, ივანე.
- ძმის სახელი რატომ დაარქვით?
- ეს დიდი ისტორიაა... ჩემს მეუღლეს რთული ფეხმძიმობა და მშობიარობა ჰქონდა. ჩემი შვილი რომ დაიბადა, თბილისში არ ვიყავი. ჩემმა ძმამ ყველაფერი გაააკეთა იმისთვის, რომ ბავშვიც და რძალიც გადაერჩინა. ვანო ჯავახიშვილი რომ დაინახეს, როგორც ხდება საქართველოში, ექიმები დაეხვივნენ, ვანო რომ არ ყოფილიყო, შეიძლება, ყურადღება არც მიექციათ...
ბავშვისთვის სახელი არ გვქონდა მოფიქრებული, ვანოს დარქმევას საერთოდ არ ვაპირებდით. მერე ჩემმა მეუღლემ თქვა, რადგან ვანომ გადაგვარჩინა, ივანე დავარქვათო, მაგრამ ბავშვს ყველა ვაჩის ვეძახით. ვანო რომ დაუძახო, შეიძლება, არც მოიხედოს. ვაჩი უკვე რვა წლისაა. მუსიკალურ სკოლაში ვიოლინოს განხრით სწავლობს, მეორე კურსზეა.
- ალბათ, ბიძა ძალიან უყვარს.
- ერთმანეთი მართლა ძალიან უყვართ. ბიძისგან უამრავ საჩუქარს იღებს. სხვა ბავშვს ამდენი საჩუქარი შეიძლება, არც დაესიზმროს.
- ბიძაშვილები ჰგვანან ერთმანეთს?
- ვანოს ბავშვი, ნიკოლოზი, ძალიან მოძრავია. სულ ენერგიას ხარჯავს და არ იღლება. ჩვენგან, ჯავახიშვილებისგან, განსხვავებულია.
- მახსოვს, რამდენიმე წლის წინ მიხეილ სააკაშვილმა რომ აიყვანა ხელში, არ მოეწონა და ეს ამბავი გააპროტესტა.
- ვაჩი რომ აეყვანა, შეიძლება, ტირილი დაეწყო. თავიდანვე კომპლექსები და სცენის შიში ჰქონდა. მუსიკალურში პირველ კურსზე რომ იყო, კონცერტებზე გამოსვლა უჭირდა. მერე ჩემმა მეუღლემ ფსიქოლოგიური ტრენინგები ჩაუტარა და ცოტათი შეიცვალა, თორემ დარჩებოდა ჩემნაირი კომპლექსიანი.
- თქვენს საქმეებზეც გვითხარით ორი სიტყვა...
- ყოველ კვირა ახალ დეკორაციას ვაკეთებთ ''კომედი შოუში'' და ეს ძალიან საინტერესოა. ''კომედი შოუს'' ჩაწერის წინა ღამეს ვათენებთ. გადაცემა რომ ჩაიწერება, მერე ყველაფერს ვშლით და თავის ადგილას ვაწყობთ. ეს ყველაფერი რთულია, მაგრამ კვირაში ერთხელ ღამის გათენება არაფერია, როცა სხვა გზა არაა.
მერი კობიაშვილი
ჟურნალი ''რეიტინგი''
1 467 ნახვა
22-10-2014, 06:15
