აეროკოსმოსური კორპორაციის ყოფილმა თანამშრომელმა სიკვდილის წინ განაცხადა, რომ უცხოპლანეტელები უნახავს

ბოიდ ბუშმანმა აღიარა, რომ პირადად უნახავს უცხოპლანეტელები. მომაკვდავმა მეცნიერმა, სიკვდილის წინ, უცნაური ვიდეო გადაიღო, რომელშიც იგი ამტკიცებს, რომ იცის, რა ხდება საიდუმლოებით მოცულ ზონა 51-ზე, რომელიც ნევადის შტატში მდებარეობს. მან აღნიშნა, რომ ამ ზონაში უცხოპლანეტელები და მათი საფრენი აპარატია.
თვითონ ბუშმანი, კორპორაცია Lockheed Martin-ის მეცნიერ-მკვლევარი იყო, რომელიც მრავალი გამოგონების ავტორადაა მიჩნეული. 2014 წლის 7 აგვისტოს გადაღებულ ვიდეოში, იგი ყვება, რომ ამოუცნობ მფრინავ ობიექტს სპეციალისტების ჯგუფი 24 საათიან რეჟიმში აკვირდება.

მეცნიერის თქმით, არსებობს უცხოპლანეტელების ორი ჯგუფი. "წარმოვიდგინოთ რანჩო. ერთი ჯგუფი მოგვაგონებს მორჩილ მუშებს,

ხოლო მეორე - საქონლის ქურდებს. ზოგიერთი უცხოპლანეტელის ასაკი 230 წელია", "აღსანიშნავია, რომ ე.წ. "მუშები" ჩვენს მიმართ უფრო მეგობრულად არიან განწყობილები", - აცხადებს ვიდეოში ბუშმანი.

გარდა ამისა, ბოიდი უცხოპლანეტელებსაც აღწერს. მისი თქმით, ისინი დაახლოებით, 1,3-1,5 მეტრის სიგრძისანი არიან და სამი ხერხემალი გააჩნიათ, რომელიც ხრტილებისგან შედგება. მათი თითები ადამიანისას გავს, თუმცა, გაცილებით უფრო გრძელია.
შეგახსენებთ, რომ ეს არ არის პირველი შემთხვევა, როდესაც კორპორაცია Lockheed Martin-ის თანამშრომლები აღიარებენ, რომ ფირმა უცხოპლანეტელების კვლევით არის დაკავებული. რამდენიმე ხნის წინ, კორპორაციის თანამშრომელმა ბენ რიჩმა განაცხადა, რომ Lockheed Martin სუპერ ტექნოლოგიებს ფლობს, რომელთა დახმარებითაც გალაქტიკათშორის მოგზაურობებს აწარმოებენ.