5 მიზეზი, რატომ არ უნდა დაიწყოთ დიეტა

საითაც არ გაიხედავ, მინიმუმ ერთი ნაცნობი მაინც დიეტაზეა, მიუხედავად იმისა, რომ ყველას ეზიზღება დიეტაზე ყოფნა. ამიტომ წარმოგიდგენთ ხუთ მიზეზს, რატომ უნდა თქვათ უარი დიეტაზე.
1. შიმშილი ცუდ ადამიანად გაქცევს.

როდესაც შიმშილის გრძნობა გაწუხებს, უნდა ჭამო, იმიტომ, რომ შიმშილი არის სხეულის გზა, შეგატყობინოს, რომ მეტი კალორია ჭირდება, რადგან ენერგიის ნაკლებობას განიცდის. რა თქმა უნდა, ათასობით კალორიის მიღება კარგი არაა, მაგრამ თუ საკუთარ სხეულს უსმენ და შიმშილის მინიშნებებს კითხულობ, იმდენი არ უნდა ჭამო, რომ გასკდე. თან აბსოლუტურად ყველა ადამიანი, რომელსაც შია, ბრაზიანი და აუტანელი ხდება. ამიტომ, ნუ იქნები ეგოისტი და იფიქრე სხვებზეც.

2. დიეტა გიქმნის ილუზიას, რომ წონის დაკლების შემდეგ შენი ცხოვრება უკეთესი გახდება.

ეს ტყუილია. ჯობს ის დრო და ენერგია, რომელსაც დიეტებზე ხარჯავ, საკუთარი თავის სიყვარულში დახარჯო. წახვიდე და კულინარიული ზეიმი მოუწყო ორგანიზმს.

3. საჭმელი გემრიელია, სიცოცხლე კი ხანმოკლე.

ისე, რომ ვერც მოასწრებ უკან მოხედვას, ადრე თუ გვიან ყველანი მიწას მივებარებით, ამიტომ არ ჯობს ცხოვრების ყოველი წუთი დავტკბეთ თუნდაც შოკოლადის ნაყინის ჭამით? შეგიძლიათ დიეტა იმქვეყნად დაიცვათ.

4. დიდი

ალბათობით, დიეტის შემდეგ ისევ მოიმატებ წონაში.

დიეტა ძირითად შემთხვევაში არ ამართლებს. ამიტომ სჯობს დაბალანსებულად იკვებო, ცოტათი ივარჯიშო კიდეც და შიგადაშიგ შოკოლადის ნამცხვარიც მიირთვა. ხომ უკეთესად ჟღერს?

5. ის უგემრიელესი საკვები, რომელზეც უარს ეუბნები ორგანიზმს.

კარტოფილი ფრი, პიცა, შოკოლადის ტორტი, კარამელის ნაყინი, ჩიზბურგერი, გავაგრძელო ჩამოთვლა? ამიტომ გიყვარდეთ თქვენი სხეული ისეთი, როგორადაც კომფორტულად გრძნობთ თავს.

მომზადებულია cosmopolitan.com-ს მიხედვით.