ამალიას შემდეგ სკანდალში დიპლომიანი ''კარუზო'' გაეხვა

''ნიჭიერის'' ახალი სეზონი წელს საინტერესო ნომრებით და სკანდალებით გახდა გამორჩეული. მკითხველს კარგად ახსოვს, ამალია ჯიბლაძისა და ფონოგრამის ისტორია.

გუშინ მორიგ ტურზე საზოგადოება ნიჭიერმა ტაქსისტმა გევროქ პეტროსიანმა გააოცა, მაგრამ როგორც სოციალურ ქსელში ერთ-ერთი მომხმარებელი წერს, კარუზოს კონსერვატორიის დიპლომი ჰქონია.

"მაპატიეთ, მაგრამ თუ არ ვცდები, ამ ადამიანს კონსერვატორიაც დამთავრებული აქვს... ვფიქრობ, პროექტში მონაწილეობა არ უნდა მიეღო. ნამდვილად ვიცი, მუსიკალურში ერთად ვსწავლობდით. წარმატებებს ვუსურვებ"... - წერს სოფო ჩაჩანიძე.

მორიგ სკანდალს, პროექტის მთავარი პროდიუსერი გიორგი ხაბურზანია სოციალურ ქსელში გამოეხმაურა.

''ახლა გევორქ პეტროსიანზე ცდილობენ ააგორონ სკანდალი, რომ კონსერვატორია აქვს დამთავრებულიო. არადა არ იციან, რომ ყველა ტაქსისტს კაკ მინიმუმ ორი დიპლომი აქვს...'' - წერს ხაბურზანია.

სალომე დადიანი