• თაფლის ნიღაბი, სწრაფი და ეფექტური

    არსებობს საშუალება, რომელსაც სახის "სასწრაფო დახმარება" შეგვიძლია ვუწოდოთ. ისინი სწრაფად და ეფექტურად მოქმედებენ.

    ეს საშუალება მათთვისაა შექმნილი, ვისაც ხვალ მნიშვნელოვანი შეხვედრა ელის, საღამოს სარკეში ჩახედვისას კი ნაოჭებს, სახეზე ნაცრისფერ ფერს, მუწუკსა და თვალებში გადაღლილობას ხედავს. ასეთ შემთხვევაში მხოლოდ თაფლის ნიღაბი გიშველით.

    აიღეთ 1 ჩაის კოვზი თაფლი და თითების წრიული მოძრაობებით სახის კანზე შეიზილეთ. თუ სახეზე ყველგან თანაბრად გადაინაწილეთ, ახლა ორივე ხელი ფრთხილად დაიტყაპუნეთ სახეზე. ეს მეთოდი სახიდან მკვდარ უჯრედებსა და ჩამჯდარ ჭუჭყს მოგაშორებთ.

    მასაჟის ხანგრძლივობა თქვენზეა დამოკიდებული, მაგრამ 20 წუთზე ნაკლებ დროს ნუ დაუთმობთ. ჩამოიბანეთ თბილი წყლით, წაისვით მკვებავი კრემი და დასაძინებლად გაეშურეთ. დილით გალამაზებული და გაახალგაზრდავებული გაიღვიძებთ.

    ძველად, ქალები სილამაზის შესანარჩუნებლად უამრავ მეთოდს მიმართავდნენ. სანამ არ აღმოაჩინეს, რომ სილამაზისა და ჯანმრთელობისთვის თაფლზე უკეთესი ინგრედიენტი არ არსებობს. გთავაზობთ თაფლის რამდენიმე ნიღაბს:

    გამაახალგაზრდავებელი ნიღაბისთვის დაგჭირდებათ:

    1 ჩ/კ თაფლი;
    2 ჩ/კ თაფლის ცვილი;
    ნახევარი ჩ/კ ზეითუნის ზეთი;
    რამდენიმე წვეთი ფუტკრის რძე;
    2 მლ პროპოლისზე დაყენებული სპირტის (10-პროცენტიანი) ნაყენი.
    ინგრედიენტები მომინანქრებულ ჯამში მოათავსეთ და ორთქლის აბაზანაზე, მუდმივი მორევით ერთგვაროვან მასად აქციეთ. თბილი ნიღაბი სახეზე ბამბის ტამპონით სქლად გადაისვით. გაიჩერეთ 15-20 წუთი.
    ეს ნიღაბი ასწორებს ნაოჭებს, ამცირებს ფორებს. მისი გამოყენება სასურველია მათთვის, ვისაც მომჩვარებული და მშრალი სახის კანი გახდა. ნიღაბი კვირაში ერთხელ უნდა გაიკეთოთ.

    თუ გაქვთ სახის ნიღაბი, რომელსაც რეგულარულად იკეთებთ, გამზადებული ნიღბის 1 ჩ/კოვზს დაუმატეთ მას თითო ჩ/კ თაფლი და პროპოლისი. კარგად და დიდხანს ურიეთ, რომ ერთგვაროვანი მასა მიიღოთ. წაისვით სახეზე, გაიჩერეთ 15-20 წუთი და ნიღაბი ჯერ ბამბის ტამპონით მოიშორეთ, შემდეგ სახე თბილი წყლით მოიბანეთ. ასეთი ნიღაბი სახის კანს ელასტიკურს გაგიხდით, კვებავს მას, გაგიახალგაზრდავებთ კანის უჯრედებს და მოგაშორებს მუწუკებს.

    თაფლის ნიღაბი-სკრაბი

    დაგჭირდებათ:

    1 ჩ/კ თაფლი პროპოლისით;
    50 გრამი თეთრი თიხა;
    5 წვეთი ზეითუნის ზეთი;
    3 წვეთი ჩაის ხის ზეთი.
    ინგრედიენტები ერთმანეთში გადაურიეთ, რომ ერთგვაროვანი მასა მიიღოთ. წაისვით სახეზე და გაიჩერეთ 30 წუთი.

    ნიღაბი კვებავს და ატენიანებს სახის კანს. მცირდება ფორები და კანი ელასტიკურობას იძენს. ნიღაბი-სკრაბი ორ კვირაში ერთხელ გაიკეთეთ.

    გაფრთხილება, ნებისმიერი ნიღაბი, რომელიც სახეზე უნდა წაისვათ, ალერგია რომ არ მოგცეთ, ჯერ მაჯაზე წაისვით და რეაქციას დაელოდეთ.
    5 819 ნახვა
    24-11-2014, 23:27
    GOGATV

    abezara