კოსმეტიკა, რომელიც გვკლავს - აუცილებლად საკითხავი ქალებისათვის

ქალების უმეტესობა ყოველდღიურად ათამდე კოსმეტიკურ საშუალებას იყენებს. თუმცა, ღირს კი სილამაზე ასეთ მსხვერპლად?

1997 წელს ამერიკის შეერთებული შტატების კონგრესის ჩატარებულმა გამოძიებამ გამოავლინა 125 კოსმეტიკური ინგრედიენტი, რომლებიც ხელს უწყობენ კიბოსა და სხვა დაავადებების განვითარებას.

სტივენ და ჯინა ენჩაკების კვლევაში "კოსმეტიკა შელამაზების გარეშე" ნათქვამია, რომ კოსმეტკურ საშუალებებში დაახლოებით 7000 ინგრედიეტს იყენებენ, რომელთა შორის 1000 არომატული და პარფიუმერული ქიმიური საშუალებებია. მათი უმეტესი წილი (700) განსაკუთრებით სახიფათოა ადამიანის ორგანიზმისთვის.

გთავაზობთ ზოგიერთ მათგანს:
Alpha Hydrax Acids - ალფა ჰიდროქსიდული მჟავები, კანის მოვლის სფეროში ნამდვილ სენსაციად იქცა. AHA-ს მთავარი "დანიშნულება" კანზე არსებული მკვდარი უჯრედების მოცილებაა, რომლის მეშვეობითაც კანის ზედაპირზე მხოლოდ ახალგაზრდა უჯრედები რჩება. ასეთი წმენდის შემდეგ, ბუნებრივია კანი უფრო ახალგაზრდულად გამოიყურება. თუმცა, მეცნიერების თქმით, მკვდარი უჯრედების მოცილების დროს, ზიანი ადგება კანის ზედაპირს, რომელიც მას მავნე ბაქტერიების შემოჭრისგან იცავს. ამიტომ ასეთი მჟავების გამოყენების შემდეგ, გარესამყაროს მავნე ფაქტორები უფრო მარტივად და უფრო ღრმად ახერხებენ კანის უჯრედებში შეჭრას. შედეგად, კანი დროზე ადრე ბერდება.

CI 14700 (FD&C Red №4), (E 124, Ponceau SX, FD&C Red #4), CI 17200, (D&C Red #31, Acid Red 33), CI 19140 (FD&C Yellow №4) (E102, Tartrazine, FD&C Yellow #5), ყველა ეს ზემოთ ჩამოთვლილი პროდუქცია შეიცავს სინთეტიკურ აზოტის საღებავს, რომლის გამოყენებაც სახიფათოა.

Isopropyl Palmitate - სინთეტიკური კომპონენტი. ანტისტატიკი, რომელსაც კანის გაღიზიანების გამოწვევა და ფორების შევსება ახასიათებს.

SLS (SLES) - ნატრიუმის სულფატი
#1 ნივთიერება, რომლებსაც შამპუნების და საპნების უმეტესობა შეიცავს. მარილის დამატებისას წარმოქმნის ბევრ ქაფს და ქმნის იმის ულუზიას, რომ შეიცავს ქაფის წარმომქმნელ პრეპარატს, რომელიც სინამდვილეში ძვირადღირებული და კონცენტრირებულია. ამ ინგრედიენტს ქოქოსის კაკლის ქერქისგან ღებულობენ. ინდუსტრიაში იგი ხშირად გამოიყენება იატაკების და მანქანების რეცხვისთვის. მას ნამდვილად შეუძლია ზედაპირიდან ცხიმების მოშორება.

SLS (SLЕS) - ეს ყველაზე სახიფათო ინგრედიენტია, რომელსაც კანისა და თმის მოვლისთვის იყენებენ. მის ინსტრუქციაში მითითებულია, რომ თვალში მოხვედრის შემთხვევაში აუცილებელია თვალის წყლით ჩამობანვა, ხოლო კანის გაღიზიანების შემთხვევაში, რეკომენდირებულია ექიმთან ვიზიტი. სწორედ ამ ნივთიერებით ჩვენ ყოველდღიურად ვიბანთ კანსა და თმას.

LANOLIN- წყალს, რომელშიც ცხვრის მატყლს რეცხავდნენ, ასუფთავებენ ცენტრიფუგის მეშვეობით. გამოშრობის, ნეიტრალიზაციის და სხვა რთული ტექნოლოგიების შემდეგ, ლანოლინი მზადაა გამოყენებისთვის. იგი შეიცავს ცვილისმაგვარ ნივთიერებებს, ცხიმის მჟავებს და ქოლესტერინს. კოსმეტიკის შემადგენლობაში იგი შედის, როგორც კანის დამარბილებელი, სისხლის მიმოქცევის გამაუმჯობესებელი ნივთიერება. თუმცა, საკუთარი ცხოველური ცხიმების გამო, ლანოლინს ალერგიის გამოწვევა შეუძლია.

კოლაგენი - ჩვეულებრივ კოსმეტიკურ საშუალებებში გამოყენებული კოლეგენს ძალიან დიდი მოლეკულური წონა აქვს, რის გამოც, არ შეუძლია კანის უჯრედებში შეღწევა. გარდა ამისა, კოსმეტიკური საშუალებების უმეტესობაში ცხოველური წარმოშობის კოლაგენი გამოიყენება, რომელიც ადამიანის კანთან შეუსაბამობაში მოდის. პლასტიკურ ქირურგიაში კოლაგენის ინექციები ნაოჭების გასწორების მიზნით გამოიყენება და კანის ამოვსების ეფექტის დახმარებით აღწევს ”სასურველ” შედეგს. სინამდვილეში ორგანიზმი კოლაგენს, როგორც უცხო სხეულს იღებს, რის

გამოც, მას ორგანიზმიდან დევნის, კოლაგენისგან სრულ გათავისუფლებას ადამიანის ორგანიზმი ერთ წელს ანდომებს.

ТYROSINE - ამინომჟავა, რომელიც ხელს უწყობს ღრმა რუჯის მიღებას. თუმცა, მელანიზაცია, სინამდვილეში შინაგანი პროცესია და მისი კანზე წასმა არანაირად არ უწყობს ხელს ამ პროცესის დაჩქარებას. ეს იგივეა, რომ ადამიანის დანაყრება ტანზე წასმული საკვების მეშვეობით ხდებოდეს.
Disodium EDTA — ან cheladrate, chelaplex III, chelaton III, complexon III, disodium dihydrogen ethylenediaminetetraacetic acid, disodium EDTA, disodium edetate, disodium edathamil, disodium versene, EDTA disodium salt, kiresuto B, komplexon III, metaquest B, perma kleer 50 crystals disodium salt, perma kleer di crystals, selekton B2, sequestrene sodium 2, titriplex III, trilon B, trilon BD, triplex III. სინთეტიკური კომპონენტი. ჟელატინის აგენტი, სიბლანტის მარეგულირებელი. სახიათოა ამ ნივთიერებების პირში მოხვედრა, შესუნთქვა ან კანში შეღწევა. იწვევს სასუნთქი ტრაქტისა და კანის გაღიზიანებას.

სიის გაგრძელება დაუსრულებლად შეიძლება, მაგრამ მოდით გამოვიტანოთ ლოგიკური დასკვნები: აუცილებელია კოსმეტიკური საშუალებების შემცველობის ყურადღებით წაკითხვა, სხვადასხვა ნიღბების დამზადება, იმ ხილისა და ბოსტნეულისგან, რომლის უსაფრთხოებაშიც არ გეპარებათ ეჭვი და რაც მთავარია, ჯანსაღი ცხოვრების წესის დაცვა.