ნანი ბრეგვაძის "დრო სამყოფელი..."

2015 წლის 4 იანვარს ფილარმონიის დიდ საკონცერტო დარბაზში დაგეგმილია ნანი ბრეგვაძის სოლო კონცერტი, რომელსაც ლეგენდარული მომღერალი უძღვნის უწმინდესსა და უნეტარესს, სრულიად საქართველოს კათოლიკოს-პატრიარქს ილია მეორეს. 4 იანვარს მისი უწმიდესობა 82 წლის შესრულდება.

წარმოდგენის კონცეფცია აგებული იქნება დროის კონტრასტზე, ერთმანეთს შეცვლიან მე-20 და 21-ე საუკუნის სურათები. ნანი ბრეგვაძის ცხოვრების სხვადასხვა ეტაპს ეკა მამალაძე და ნატალია ქუთათელაძე გააცოცხლებენ სცენაზე. საღამოში მონაწილეობას მიიღებენ: გიორგი ცაგარელი (ალტი), საქართველოს სახელმწიფო სიმფონიური ორკესტრი, დირიჟორი: ნიკოლოზ რაჭველი.

კონცეფციის და ორიგინალური ვერსიების ავტორი, მუსიკალური ხელმძღვანელი ნიკოლოზ რაჭველია, დამდგმელი რეჟისორი -

დავით დოიაშვილი, მუსიკალური პროდუსერი - მარინა ბერიძე, სცენარის ავტორი - თეო ჯორბენაძე, სცენოგრაფია -გოგიკო საყვარელიძე, მხატვარი - ვანო ჭელიძე, ხოლო გენერალური პროდუსერი დავით ოქიტაშვილია.

ღონისძიება ტარდება საქართველოს კულტურის პალატის ინიციატივითა და ორგანიზებით, პროექტის მხარდამჭერები არიან საქართველოს კულტურისა და ძეგლთა დაცვის სამინისტრო, ქალაქ თბილისის მერია.

ნათია გედენიძე