ბრედ პიტი და ანჯელინა ჯოლი დაშორდნენ?

დასავლური პრესის თანახმად, ჰოლივუდის ვარსკვლავები ანჯელინა ჯოლი და ბრედ პიტი შეკამათდნენ. ყველაფერი ეს სიდნეის ერთ-ერთი სასტუმროს აივანზე მოხდა. ადგილზე სასწრაფოდ გაჩნდნენ პაპარაცები, რომლებმაც ეს ემოციური კადრები დააფიქსირეს.

ანჯელინა ჯოლი და ბრედ პიტი ერთმანეთის მიმართ თბილი მზერით გამოირჩევიან და მუდამ ხელჩაკიდებულნი დადიან. ამის გამო, ცოლ-ქმრის ნებისმიერი კამათი, ჟურნალისტებში სენსაციად აღიქმება.

ანჯელინა და ბრედი ჩხუბისას ერთმანეთთან ურთიერთობას ყვირილით არკვევდნენ. პიტი ემოციურად იქნევდა ხელებს, ჯოლი შედარებით მშვიდად ხვდებოდა მეუღლის ჩხუბს. ჟურნალისტების დანახვისთანავე, ბრედმა აივანი სასწრაფოდ დატოვა, ხოლო ჯოლიმ სიგარეტი უმალვე ჩააქრო.
ბრედ პიტი და ანჯელინა ჯოლი დაშორდნენ?

ჟურნალისტების მიერ გადაღებული ფოტოებით იყო აჭრელებული ჟურნალ In Touch–ის მთავარი გვერდი, საკმაოდ ხმაურიანი სათაურით: ,,დასასრული! ბრედი წავიდა!“

კამათის შემდეგ ბრედი და ანჯელინა არ ურთიერთობდნენ. უფრო მეტიც, ავსტრალია მათ სხვადასხვა თვითმფრინავით დატოვეს.

გარდა ამისა, ისიც გაირკვა, რომ ანჯელინა ჯოლი ლონდონში, თავისი ფილმის პრემიერაზე, მეუღლის გარეშე იმყოფებოდა.