პოლ უოკერის გარდაცვალებიდან წელიწადი გავიდა

პოლ უოკერი შარშან 30 ნოემბერს ავტოავარიას ემსხვერპლა. მსახიობის ტრაგიკულმა დაღუპვამ მთელი ჰოლივუდი შოკში ჩააგდო, განსაკუთრებით ის მსახიობები, ვისთან ერთადაც უოკერი ხშირად მუშაობდა ხოლმე. ცნობილი მსახიობი ვინ დიზელი დღემდე ვერ ინელებს მეგობრის დაღუპვას.

პოლ უოკერი ჰოლივუდში საკმაოდ წარმატებული იყო და მის ანგარიშზე არაერთი საინტერესოა ფილმი და როლია. პოლმა თავისი ძალები კინოში პირველად 1994 წელს მოსინჯა. ამის შემდეგ მცირე პაუზა აიღო და ეკრანს 1998 წელს დაუბრუნდა. სერიოზული წარმატება კი მსახიობს ფილმმა ”ფორსაჟმა” მოუტანა, რომლის პირველი ნაწილი 2001 წელს იხილი მაყურებელმა.

”ფორსაჟის” კიდევ 6 სერია გამოვიდა, რომელთაგანაც პოლმა 5-ში მონაწილეობა მიიღო. მსახიობი თავისუფალ დროს სერფერობას უთმობდა, რომელიც პოლის დიდი გატაცება იყო. უოკერი არ იყო დაქორწინებული, მაგრამ ჰყავს 14 წლის ქალიშვილი მეადოვი.