• ოთხი წესი მყარი ოჯახის შესანარჩუნებლად

    თანამედროვე ოჯახები, სოციოლოგთა აზრით, სულ უფრო იოლად ინგრევა. წყვილი პირველი სირთულეების გაჩენისთანავე ცდილობს ურთიერთობების გაწყვეტას.

    ფსიქოლოგებმა გამოიკვლიეს, რით განსხვავდება მტკი­ცე ოჯახი იმ წყვილებისგან, რომლებმაც ცხოვრებისეულ პრობლემებს ვერ გაუძლეს.

    აღმოჩნდა, რომ იმ ოჯახებში, რომლებიც მრავალი წლის განმავლობაში ინარჩუნებენ სიმტკიცეს, ორივე პარტნიორი ოთხ მარტივ წესს იცავს.

    1. ურთიერთმოვალეობების დაცვა. ქორწინება, უპირველეს ყოვლისა, არის კავშირი, რომელიც ეფუძნება ურთიერთდაპირებას, ერთმანეთის ცხოვრება უფრო ბედნიერი გახადონ. თუ პარტნიორებს მიაჩნიათ, რომ თითოეულს ერთიმეორის მიმართ არანაირი ვალდებულება არ გააჩნია - "თანამშრომლობა" გამორიცხულია. ასეთი ქორწინება მყარი ვერ იქნება.

    2. თანამშრომლობა. ოჯახი ორი პარტნიორის კავშირია. ამიტომ ურთიერთგაგების გარეშე არაფერი გამოვა, თუ ისინი არ ეხმარებიან ერთმანეთს და მხოლოდ საკუთარი ინტერესების განხორციელებაზე ფიქრობენ, მათი კავშირი განწირულია.

    3. ურთიერთპატივისცემა. ურთიერთობისას მთავარია, დაიცვათ ქცევის ზოგადი ნორმები. თუ პარტნიორები ერთმანეთს პატივს არ სცემენ, ერთიმეორეს პრეტენზიებს უყენებენ, შეურაცხყოფენ, ამცირებენ და გამუდმებით ყვირიან და ჩხუბობენ - გაყრა გარდაუვალია.

    4. გარემოცვა. აღმოჩნდა, რომ მტკიცე ოჯახის შესანარჩუნებლად ძალზე მნიშვნელოვანია ის წრე, რომელთანაც წყვილს უხდება ურთიერთობა. თუ ოჯახს გარს აკრავს ისეთი მეგობრები და ნათესავები, რომლებიც ზემოაღნიშნულ წესებს ითვალისწინებენ, მყარი ურთიერთობების შენარჩუნების შანსი გაცილებით მეტია.

    თუ წყვილის მეგობარ-ნათესავები ხშირად იცვლიან პარტნიორებს და, ცოტა არ იყოს, ზერელედ ეკიდებიან ოჯახურ ფასეულობებს, ეს შეიძლება, ცუდი მაგალითი აღმოჩნდეს მათთვის.

    ჟურნალი "რეიტინგი"

    2 318 ნახვა
    27-09-2016, 00:02
    GOGATV

    abezara