მისი პატრონი, 65 წლის ქალბატონი, ქმრის ძალადობის მსხვერპლი გამხდარა... საშინლად ცემა, უგონო მდგომარეობაში მყოფს თავი გადაპარსა...

თამაზ ელიზბარაშვილის ცხოველთა თავშესაფარის ფეისბუქგვერდზე ამ თავშესაფრის ბინადრის, „ჩიჩის“ სევდიანი ისტორიაა მოთხრობილი.

ამბავი ამერიკული კოკერსპანიელის, რომელსაც „ჩიჩი“ ჰქვია და 13 წლისაა, რომელიც პატრონზე დარდობს და მას თავშესაფარში ელოდება. პატრონიც თავშესაფარში ცხოვრობს, ოღონდ ძალადობის მსხვერპლ ქალთა თავშესაფარში...

მოძალადე ადამიანის სისასტიკე არა მხოლოდ მეორე ადამიანის ფიზიკური და ფსიქიკური ჯანმრთელობას და ცხოვრებას ანგრევს, არამედ გარშემომყოფი ახლობელი ადამიანების და ოთხფეხა მეგობრების ცხოვრებასაც რადიკალურად ცვლის უარესობისკენ.

,,ჩიჩი'' ძალიან ცუდადაა...
ხომ გახსოვთ ,,ჩიჩი''?!
მასზე, რამდენიმე დღის წინ ვწერდით:

,,ეს ინგლისური კოკერსპანიელი სახელად ,,ჩიჩი'', 13 წელი ცხოვრობდა მოსიყვარულე პატრონთან...
დღეს კი, ჩვენთან მოიყვანა პატრონის მეზობელმა და გვთხოვა, შეგვეფარებინა თავშესაფარში...

მისი პატრონი, 65 წლის ქალბატონი, ქმრის ძალადობის მსხვერპლი გამხდარა... ,,საშინლად ცემა, უგონო მდგომარეობაში მყოფს თავი გადაპარსა...

საბრალო ქალი შვილებთანაც ვერ წავიდა, იმის შიშით, რომ იქაც მიაგნებდა მოძალადე ქმარი და გათხოვილ შვილებს ოჯახს აუწიოკებდა... საპატრულო პოლიციის ეკიპაჟმა ძალადობის მსხვერპლთა თავშესაფარში გადაიყვანა... საქმე აღძრულია ძალადობის მუხლით... ერთ თვეზე მეტი გავიდა... შემეცოდა ძაღლი და შევიფარე, მაგრამ გამიჭირდა მოვლა, ამიტომაც მოგმართეთ თხოვნით... თქვენი გვერდი კითხვადი გვერდია, იქნებ, ამ ამბით დაინტერესდნენ უფლებადამცველებიც და გადაარჩინონ საბრალო ქალი... თქვენ რომ იცოდეთ, როგორ შვილივით ზრდიდა''...

13 წლის ინგლისური კოკერსპანიელი, ძუ, სახელად ,,ჩიჩი'', ჩვენს თავშესაფარში დაელოდება პატრონს...''

პატრონზე დარდს ეწირება ულამაზესი ძაღლი, ინგლისური კოკერსპანიელი სახელად ,,ჩიჩი''...