ოპერის მომღერალი ქეთევან ქემოკლიძე შვილს ძიძის გარეშე ზრდის
20 თებერვალს პოლონეთის ნაციონალურ ოპერაში, პირველად ამ თეატრის ისტორიაში, ოპერა ''მარიამ სტიუარტის'' მსოფლიო პრემიერა შედგა. წამყვანი პარტიები ქართველმა მსოფლიო ვარსკვლავებმა შეასრულეს. დედოფალ ელისაბედის პარტია მეცო-სოპრანო ქეთევან ქემოკლიძემ იმღერა, ხოლო ლესტერი - ტენორმა შალვა მუქერიამ. პრემიერამდე რამდენიმე დღით ადრე ქეთევანს დავუკავშირდით...
- როგორც ვიცი, პოლონელი მსმენელის წინაშე პირველად წარდგებით...
- კი, ეს ჩემი პოლონური დებიუტია. შეიძლება ვთქვათ, რომ ორმაგი დებიუტი მაქვს: ამ ქვეყანაში პირველად ვმღერი და დედოფალ ელისაბედის როლსაც პირველად ვასრულებ. მინდა აღვნიშნო, რომ ძალიან თბილი და საქმეზე ორიენტირებული ხალხია. ჯერჯერობით პოლონელ მსმენელს არ ვიცნობ, მაგრამ იმედი მაქვს, კარგად მიიღებენ ჩვენს სპექტაკლს, უკვე დიდი ინეტერესია პრესასა თუ ტელევიზიაში, რადგან ეს ოპერა პირველად სრულდება პოლონეთის ნაციონალური ოპერის სცენაზე.
- კოსტიუმი, გრიმი... და საერთოდ, რა ხდება სცენაზე გასვლის წინ კულისებში?
- ამ როლს ძალიან სპეციფიკური გრიმი აქვს, ამიტომ მარტო ვერ ვიკეთებ. ისტორიული პერსონა ვარ და ეპოქის შესაბამისი ორიგინალური გარეგნობა მაქვს. ვარ მელოტი და მაქვს ასევე პარიკიც. ჩემი თმიდან გამომდინარე, მელოტის ეფექტის მიღწევა არცთუ ადვილია, ეს ძალიან დიდ დროს, თითქმის ორ საათს მოითხოვს და შემდეგ მიკეთებენ გრიმს. კოსტიუმიც ეპოქის შესაბამისი მაქვს, ჩემი კაბა დაახლოებით 7 კილოს იწონის. ამას ემატება პარიკიც, ასე რომ, სიმღერის გარდა, ძალაც მომეთხოვება, რომ ეს ყველაფერი სცენაზე ვატარო და ვიმოძრაო. სცენაზე თუ არ ვარ, ყველგან სკამით დამყვებიან, რომ დავჯდე.
- გარდა ამისა, წელს რა გეგმები და შემოთავაზებები გაქვთ?
- 2015 წელი ამ ლამაზი დებიუტით დაიწყო და უზომოდ მიხარია, რომ შალვა მუქერია მღერის ლესტერის როლს. ელისაბედის პერსონაჟს ლესტერი უარყოფს და გაცვლის მარია სტიუარტზე, რაც ნაწილობრივ გახდება კიდეც მიზეზი ელისაბედის გადაწყვეტილებისა, თავი მოჰკვეთოს სტიუარტს... ამას მოჰყვება ტოკიოს ნაციონალური ოპერა, სადაც შევასრულებ პრეოციოზილას როლს ვერდის ''ბედის ძალაში~. სიამაყით და სიხარულით უნდა აღვნიშნო, რომ კვლავ ქართველ მომღერალთან ერთად ვიმღერებ, სოპრანო იანო თამარი, იგივე იანო ალიბეგაშვილი შეასრულებს ლეონორას პარტიას. უკვე ტრადიციად იქცა, რომ ქართველები ხშირად ვმღერით ერთად. ამას მოჰყვება ტურინი, სადაც ვიმღერებ გუნოს ''ფაუსტში''- ცნობილი იტალიელი დირიჟორის ნოზედას დირიჟორობით. ამის მოჰყვება სპოლეტოს ფესტივალი, ნიცა და ასე შემდეგ.
- დღეს თქვენი ძირითადი საცხოვრებელი ადგილი ვენაა. როგორია თქვენი ერთი დღე?
- დიახ, ამჟამად ვენაში ვცხოვრობთ მე და ჩემი საყვარელი მამაკაცები. ჩემი მეუღლე არის ვენის უნივერსიტეტის პროფესორი ეკონომიკის განხით. ჩემი ერთი დღე ვენაში არის დიასახლისის ერთი დღე. როცა სახლში ვარ, არ ვმუშაობ, ცოლისა და დედის როლში ვარ. დილით ადრე ვდგებით, როგორც უმეტესობა ავსტრიაში, ლუკასა და მამიკოს სამსახურში ვუშვებ. ლუკა ბაღს ''სამსახურს''ეძახის. ამასობაში მე ვაწესრიგებ სახლს და ვამზადებ ოჯახურ ვახშამს საღამოსათვის. რამდენიმე საათი ვმეცადინეობ, ვსწავლობ ან ვიმეორებ მომდევნო როლებს. შემდეგ მივდივარ ლუკას გამოსაყვანად. თუ კარგი ამინდია, ვთამაშობთ პარკში, რაც თბილისისგან განსხვავებით, მრავლად გვაქვს ვენაში. შემდეგ ვბრუნდებით სახლში, მალე მამიკოც გვიერთდება. ვვახშმობთ შინ ან გარეთ. შაბათ-კვირას ვცდილობთ ჩვენს მეგობრებს ან ლუკას მეგობრებს შევხვდეთ. ზაფხულში ვენის სიმწვანე ქალაქიდან გაუსვლელად იძლევა პიკნიკების მოწყობის საშუალებას. ზოგჯერ ველოსიპედით სასეირნოდ მივდივართ.
- რა ხნისაა ლუკა? ვიცი, ძიძის გარეშე ზრდით...
- ლუკა მალე გახდება 3 წლის და უკვე ვგეგმავთ მის დაბადების დღეს. მე ძალიან მნიშვნელოვანი შემოთავაზება მქონდა, მაგრამ სახლში დარჩენა გადავწყვიტე ჩვენთვის ამ უმნიშვნელოვანეს დღეს. როცა ვმუშაობ, ლუკა ვენაში მამიკოსთან ერთად რჩება, ასევე ჩამოდის დიდედა. ჩემი მშობლების დახმარების გარეშე ძალიან გამიჭირდებოდა. საერთო ჯამში ლუკას მე და ჩემი მეუღლე ვუვლით, ჯერჯერობით ვახერხებთ ძიძისა და დამხმარე ქალბატონების გარეშე.
- ხშირად მონაწილეობთ საქველმოქმედო კონცერტებში...
- ჩემდა სასიხარულოდ, საკმაოდ ხშირად ვმონაწილეობ საქველმოქმედო საღამოებში უცხოეთსა თუ საქართველოში. სამწუხაროდ, სოციალური ფონიდან გამომდინარე, ასეთი კონცერტები ჩვენთან უფრო ხშირია. ჩემი კოლეგები არათუ მონაწილეობენ მსგავს ღონისძიებებში, არამედ შესანიშნავად უწევენ ორგანიზებასაც. მათ ბევრი სიცოცხლე გადაარჩინეს, ბევრს დაეხმარენ და ხელი შეუწყვეს ცხოვრების პირობების გაუმჯობესებაში. უცხოეთში ძირითადად შიდსით დაავადებულთა დასახმარებლად მიწევს სიმღერა. ყოველწლიურად მსგავსი კონცერტები გერმანიის სხვადასხვა ქალაქში იმართება. ეს კონცერტები ძალიან პრესტიჟულია, რადგან გავლენიანი საზოგადოება ესწრება და გარდა იმისა, რომ ბილეთი შეიძლება ღირდეს 500 ევრო და მეტიც, ისინი თავადაც აკეთებენ დიდ შენატანებს. სწორედ ასეთ კონცერტზე შევხვდი მაესტრო იურკევიჩს, რომელიც ვარშავის ოპერის მთავარი დირიჟორია და მან მიმიწვია ელისაბედის როლზე.
- ათი წლის წინ უცხოეთში რომ არ წასულიყავით და საკუთარი ძალები არ მოგესინჯათ, დღეს ვინ იქნებოდით საქართველოში?
- მე აქტიურად ვიყავი ჩართული ახალგაზრდულ პოლიტიკაში, ვიყავი ახალგაზრდა ეკონომისტთა მმართველთა საბჭოს წევრი, ახალგაზრდული პარლამენტის წევრი, ევროსაბჭოს ახალგაზრდულ ქართული წარმომადგენლობაში. გავდიოდი სტაჟირებას ფინანსთა სამინისტროში. სწორედ იმ პერიოდში გავაკეთე არჩევანი და ამიტომ ვერ გავაგრძელე მუშაობა. ალბათ ვიქნებოდი საქმიანი ქალი, პოლიტიკაში, ბიზნესში ან რაიმე ორგანიზაციაში.
წყარო: reitingi.ge
- როგორც ვიცი, პოლონელი მსმენელის წინაშე პირველად წარდგებით...
- კი, ეს ჩემი პოლონური დებიუტია. შეიძლება ვთქვათ, რომ ორმაგი დებიუტი მაქვს: ამ ქვეყანაში პირველად ვმღერი და დედოფალ ელისაბედის როლსაც პირველად ვასრულებ. მინდა აღვნიშნო, რომ ძალიან თბილი და საქმეზე ორიენტირებული ხალხია. ჯერჯერობით პოლონელ მსმენელს არ ვიცნობ, მაგრამ იმედი მაქვს, კარგად მიიღებენ ჩვენს სპექტაკლს, უკვე დიდი ინეტერესია პრესასა თუ ტელევიზიაში, რადგან ეს ოპერა პირველად სრულდება პოლონეთის ნაციონალური ოპერის სცენაზე.
- კოსტიუმი, გრიმი... და საერთოდ, რა ხდება სცენაზე გასვლის წინ კულისებში?
- ამ როლს ძალიან სპეციფიკური გრიმი აქვს, ამიტომ მარტო ვერ ვიკეთებ. ისტორიული პერსონა ვარ და ეპოქის შესაბამისი ორიგინალური გარეგნობა მაქვს. ვარ მელოტი და მაქვს ასევე პარიკიც. ჩემი თმიდან გამომდინარე, მელოტის ეფექტის მიღწევა არცთუ ადვილია, ეს ძალიან დიდ დროს, თითქმის ორ საათს მოითხოვს და შემდეგ მიკეთებენ გრიმს. კოსტიუმიც ეპოქის შესაბამისი მაქვს, ჩემი კაბა დაახლოებით 7 კილოს იწონის. ამას ემატება პარიკიც, ასე რომ, სიმღერის გარდა, ძალაც მომეთხოვება, რომ ეს ყველაფერი სცენაზე ვატარო და ვიმოძრაო. სცენაზე თუ არ ვარ, ყველგან სკამით დამყვებიან, რომ დავჯდე.
- გარდა ამისა, წელს რა გეგმები და შემოთავაზებები გაქვთ?
- 2015 წელი ამ ლამაზი დებიუტით დაიწყო და უზომოდ მიხარია, რომ შალვა მუქერია მღერის ლესტერის როლს. ელისაბედის პერსონაჟს ლესტერი უარყოფს და გაცვლის მარია სტიუარტზე, რაც ნაწილობრივ გახდება კიდეც მიზეზი ელისაბედის გადაწყვეტილებისა, თავი მოჰკვეთოს სტიუარტს... ამას მოჰყვება ტოკიოს ნაციონალური ოპერა, სადაც შევასრულებ პრეოციოზილას როლს ვერდის ''ბედის ძალაში~. სიამაყით და სიხარულით უნდა აღვნიშნო, რომ კვლავ ქართველ მომღერალთან ერთად ვიმღერებ, სოპრანო იანო თამარი, იგივე იანო ალიბეგაშვილი შეასრულებს ლეონორას პარტიას. უკვე ტრადიციად იქცა, რომ ქართველები ხშირად ვმღერით ერთად. ამას მოჰყვება ტურინი, სადაც ვიმღერებ გუნოს ''ფაუსტში''- ცნობილი იტალიელი დირიჟორის ნოზედას დირიჟორობით. ამის მოჰყვება სპოლეტოს ფესტივალი, ნიცა და ასე შემდეგ.
- დღეს თქვენი ძირითადი საცხოვრებელი ადგილი ვენაა. როგორია თქვენი ერთი დღე?
- დიახ, ამჟამად ვენაში ვცხოვრობთ მე და ჩემი საყვარელი მამაკაცები. ჩემი მეუღლე არის ვენის უნივერსიტეტის პროფესორი ეკონომიკის განხით. ჩემი ერთი დღე ვენაში არის დიასახლისის ერთი დღე. როცა სახლში ვარ, არ ვმუშაობ, ცოლისა და დედის როლში ვარ. დილით ადრე ვდგებით, როგორც უმეტესობა ავსტრიაში, ლუკასა და მამიკოს სამსახურში ვუშვებ. ლუკა ბაღს ''სამსახურს''ეძახის. ამასობაში მე ვაწესრიგებ სახლს და ვამზადებ ოჯახურ ვახშამს საღამოსათვის. რამდენიმე საათი ვმეცადინეობ, ვსწავლობ ან ვიმეორებ მომდევნო როლებს. შემდეგ მივდივარ ლუკას გამოსაყვანად. თუ კარგი ამინდია, ვთამაშობთ პარკში, რაც თბილისისგან განსხვავებით, მრავლად გვაქვს ვენაში. შემდეგ ვბრუნდებით სახლში, მალე მამიკოც გვიერთდება. ვვახშმობთ შინ ან გარეთ. შაბათ-კვირას ვცდილობთ ჩვენს მეგობრებს ან ლუკას მეგობრებს შევხვდეთ. ზაფხულში ვენის სიმწვანე ქალაქიდან გაუსვლელად იძლევა პიკნიკების მოწყობის საშუალებას. ზოგჯერ ველოსიპედით სასეირნოდ მივდივართ.
- რა ხნისაა ლუკა? ვიცი, ძიძის გარეშე ზრდით...
- ლუკა მალე გახდება 3 წლის და უკვე ვგეგმავთ მის დაბადების დღეს. მე ძალიან მნიშვნელოვანი შემოთავაზება მქონდა, მაგრამ სახლში დარჩენა გადავწყვიტე ჩვენთვის ამ უმნიშვნელოვანეს დღეს. როცა ვმუშაობ, ლუკა ვენაში მამიკოსთან ერთად რჩება, ასევე ჩამოდის დიდედა. ჩემი მშობლების დახმარების გარეშე ძალიან გამიჭირდებოდა. საერთო ჯამში ლუკას მე და ჩემი მეუღლე ვუვლით, ჯერჯერობით ვახერხებთ ძიძისა და დამხმარე ქალბატონების გარეშე.
- ხშირად მონაწილეობთ საქველმოქმედო კონცერტებში...
- ჩემდა სასიხარულოდ, საკმაოდ ხშირად ვმონაწილეობ საქველმოქმედო საღამოებში უცხოეთსა თუ საქართველოში. სამწუხაროდ, სოციალური ფონიდან გამომდინარე, ასეთი კონცერტები ჩვენთან უფრო ხშირია. ჩემი კოლეგები არათუ მონაწილეობენ მსგავს ღონისძიებებში, არამედ შესანიშნავად უწევენ ორგანიზებასაც. მათ ბევრი სიცოცხლე გადაარჩინეს, ბევრს დაეხმარენ და ხელი შეუწყვეს ცხოვრების პირობების გაუმჯობესებაში. უცხოეთში ძირითადად შიდსით დაავადებულთა დასახმარებლად მიწევს სიმღერა. ყოველწლიურად მსგავსი კონცერტები გერმანიის სხვადასხვა ქალაქში იმართება. ეს კონცერტები ძალიან პრესტიჟულია, რადგან გავლენიანი საზოგადოება ესწრება და გარდა იმისა, რომ ბილეთი შეიძლება ღირდეს 500 ევრო და მეტიც, ისინი თავადაც აკეთებენ დიდ შენატანებს. სწორედ ასეთ კონცერტზე შევხვდი მაესტრო იურკევიჩს, რომელიც ვარშავის ოპერის მთავარი დირიჟორია და მან მიმიწვია ელისაბედის როლზე.
- ათი წლის წინ უცხოეთში რომ არ წასულიყავით და საკუთარი ძალები არ მოგესინჯათ, დღეს ვინ იქნებოდით საქართველოში?
- მე აქტიურად ვიყავი ჩართული ახალგაზრდულ პოლიტიკაში, ვიყავი ახალგაზრდა ეკონომისტთა მმართველთა საბჭოს წევრი, ახალგაზრდული პარლამენტის წევრი, ევროსაბჭოს ახალგაზრდულ ქართული წარმომადგენლობაში. გავდიოდი სტაჟირებას ფინანსთა სამინისტროში. სწორედ იმ პერიოდში გავაკეთე არჩევანი და ამიტომ ვერ გავაგრძელე მუშაობა. ალბათ ვიქნებოდი საქმიანი ქალი, პოლიტიკაში, ბიზნესში ან რაიმე ორგანიზაციაში.
წყარო: reitingi.ge
1 686 ნახვა
28-02-2015, 01:29
