უსამართლობა ''ორ ვარსკვლავში''- ვინ მოითხოვა პროექტის დატოვება მიკა ჯეჯელავას გამო

''ორი ვარსკვლავის'' მომდევნო ტური მირიან ჯეჯელავას და ნინი ცნობილაძის წყვილმა დატოვა. აუტსაიდერებში მათი და პეჩოს და მაგდა ვასაძის წყვილის მოხვედრა ჟიურიმ გააპროტესტა და ვეტოს გამოყენების უფლება მოითხოვა. ვეტოს გამოყენებას დარბაზიც ერთხმად ითხოვდა, მაგრამ პროდიუსერებმა პროექტის წესები ბოლომდე დაიცვეს და ახლა ''ორ ვასკვლავში'' ერთით ნაკლები მონაწილეა.

პროექტის ერთ ერთი მონაწილე ხათუნა ჟორდანია მომხდარს შემდეგი სტატუსით გამოეხმაურა.

''ძალიან დამწყდა გული იმ უსამართლობაზე, რაც გუშინ მოხდა ''ორ ვარსკვლავში''. ჩემი აზრით მირიან ჯეჯელავა და ნინი ცნობილაძე ერთ-ერთი ძლიერი (ჩემი ფავორიტი) წყვილი ოყო, ვინც იმსახურებდა ფინალში გასვლას. მე და გიომ მოვითხოვეთ პროექტის დატოვება მიკის და ნინის მაგივრად, მზად ვიყავით გუშინვე წამოვსულიყავით პროექტიდან და დაგვეტოვებინა.

ჩვენი აზრით, ჩვენზე უფრო ძლიერი, ახალგაზრდა კონკურსანტები არიან პროექტში, მაგრამ ტელევიზიამ უარი გვითხრა.

მეც, ისევე როგორც ბევრი ადამიანი, ვთვლი, რომ აუტსაიდერებში პეჩო და მიკი არ უნდა მდგარიყვნენ, მაგრამ ეს კონკურსია და მოხდა ის, რაც მოხდა.

რაც შეეხება უარყოფით კომენტარებს , ჩვენი(მე და გიოს) და ჟიურის წევრების მეგობრობასთან დაკავშირებით - ჩემი აზრით, ჩვენს არანაირ წახალისებას მათი მხრიდან, არც ერთ ტურში, ადგილი არ ქონია. და თუ ნახევარი თბილისი ჩემი და გიოს მეგობარია, სახლიდან აღარ გამოვიდეთ? თუ დავმალოთ? მგონი ყველაფერი ვთქვი, რაც მინდოდა რომ მეთქვა.

მირიან ჯეჯელავა და ნინი ცნობილაძე მიყვარხართ უზომოდ და მარტო იმისთვის ღირდა ამ პროექტში მონაწილეობის მიღება, რომ თქვენ გაგიცანით'', წერს ხათუნა ჟორდანია.
წყარო: reitingi.ge