• სტეფანე და მაია დარსმელიძე დაშორდნენ?

    რამდენიმე დღის წინ გავრცელდა ინფორმაცია, რომ მომღერალი ცოლ–ქმარი, მაია დარსმელიძე და სტეფანე მღებრიშვილი, ერთმანეთს დაშორდნენ. ამ ინფორმაციის წყარო თავად მაია დარსმელიძის "ფეისბუქის" გვერდი იყო, სადაც მაიამ ასეთი რამ დაწერა: "მაგარი საინტერესოა, ექსმეუღლესთან ერთად როგორი იქნება "ვოისი"... პროექტი ჯერ არ დაწყებულა, შოუ კი უკვე გვაქვს". მან "იმედის" მუსიკალური პროექტი "ახალი ხმა" იგულისხმა, სადაც სტეფანე და მაია სხვა მომღერლებთან ერთად არიან ჩართული.

    მომღერლის ამ სტატუსს ინტერნეტსივრცეში მალევე მოჰყვა გამოხმაურება და კომენტარები. ბევრმა ეს ხუმრობად მიიღო, ბევრმა კი – შოუსათვის განკუთვნილ პიარად, ბევრსაც კი ამ ფაქტმა გული დასწყვიტა. თუ მომღერლის სტატუსს და მის კომენტარებს თვალს მივადევნებთ, ის ჟურნალისტების ცნობისმოყვარეობით შეწუხებული ჩანდა. ალბათ ამ ინფორმაციის გადამოწმებას მასთან პირად წერილებში ბევრი ცდილობდა, მაიამ კი არცთუ ისე კორექტულად გაისტუმრა მისი ცხოვრებით დაინტერესებული ჟურნალისტები. "ახლა ინფორმაციის დადასტურებას მთხოვენ ინბოქსში, რომ თავისი უხარისხო ტუალეტის ქაღალდი გაყიდონ "სენსაციის" ხარჯზე", – დააკომენტარა მაიამ. ის არამხოლოდ ჟურნალისტების ცნობისმოყვარეობით შეწუხებულა. "მეცინება, ისეთები გამომეხმაურნენ, ცხოვრებაში რომ არ მოვუკითხივარ. ძალიან გთხოვთ, ნუ ამაფეთქეთ "მეგობრული თანაგრძნობით", – წერდა დარსმელიძე.

    არადა რამდენიმე ხნის წინ მომღერალი "სარკისთვის" მიცემულ ინტერვიუში სტეფანესთან ჰარმონიულ ცხოვრებაზე საუბრობდა. მათ 4 წლის გოგონა, სტეფანია ჰყავთ.

    "სარკე" ინფორმაციის გადამოწმებას სტეფანე მღებრიშვილთან შეეცადა, რომელმაც ჩვენს შეკითხვას, გავრცელებული ინფორმაცია შეესაბამებოდა თუ არა სიმართლეს, უპასუხა, რომ ამ ჭორს არ ადასტურებდა. არადა ეს "ჭორი" მისივე ცოლის თუ ექსცოლის სოციალურ ქსელში დადებული სტატუსი იყო. თუ ეს ინფორმაცია მართლაც რომელიმე შოუსწინა პიარი არ არის და სიმართლეს შესაბამება, ძალიან სამწუხაროა კიდევ ერთი ქართული ოჯახის დანგრევა.


    6 893 ნახვა
    20-09-2012, 05:41
    GOGATV

    abezara