როგორ შეხვდა ივანიშვილის გადაცემის კრიტიკას არჩილ გამზარდია
''კვირის 2030''-ის ეთერში გასვლის შემდეგ სოციალურ ქსელში ''ჯიდიესის'' ახალი გადაცემის აქტიური განხილვა დაიწყო და რასაკვირველია, კრიტიკოსებიც გამოჩნდნენ. შეგახსენებთ, რომ კვირის დღეებში, შაბათის გარდა, გადაცემას მაკა ცინცაძე უძღვება, ხოლო კვირაობით - შემაჯამებელ პროგრამას, საზოგადოებრივი კომუნიკაციების მართვის სპეციალისტი არჩილ გამზარდია.
- არჩილ, ვისგან მიიღეთ შეთავაზება და დიდხანს თუ იფიქრეთ, სანამ დათანხმდებოდით?
- შეთავაზება მივიღე პროდიუსერისგან, ვასილ მაღლაფერიძისგან, შემდეგ ბიძინა ივანიშვილსაც შევხვდი. საუბარი იყო არა მხოლოდ გადაცემაზე, არამედ საზოგადოება ''2030''-თან თანამშრომლობაზე. თითქმის მთელი თვე ვიფიქრე, სანამ დავთანხმდებოდი. ვყოყმანობდი იმის გამო, რომ რამდენიმე წელია, საზოგადოების ნაწილი მიცნობს, როგორც საზოგადოებრივი კომუნიკაციების მართვის სპეციალისტს. ჩემი იმიჯი მაქვს. მეშინოდა ჩემი თავისუფლების დაკარგვის, ვინაიდან ორგანიზაციულ სივრცეში ასეთი ტიპის მუშაობას გადაჩვეული ვარ. მაქვს საკუთარი ორგანიზაცია, ვარ ლექტორი, მაქვს პორტალი და ა.შ.
მეორე მხრივ, ამ საზოგადოებაში გაწევრებამ იმით დამაინტერესა, რომ აქ ჩემთან ერთად ბევრი ადამიანია, სხვადასხვა მიმართულების დარგობრივი სპეციალისტი და საუბარია ერთიან მუშაობაზე. აქ არ არის ლაპარაკი იმაზე, რომ ივანიშვილი დამფუძნებელია და მასზე ვმუშაობთ, არამედ იმაზე, რომ მან იმუშაოს ჩვენთან ერთად. ეს არის თანამონაწილეობითი პროცესი, სადაც ერთიანი პოზიცია იქმნება და არა ერთი პირის მოსაზრებების რეალიზაცია.
რაც შეეხება გადაცემის წაყვანას, მე ვარ ანალიტიკოსი და გადაცემა განსხვავებულია სწორედ იმით, რომ მას აკეთებს არა ნიუსმეიკერი, ჟურნალისტი, არამედ ანალიტიკოსი, რომელსაც აქვს თავისი პოზიცია საკითხებსა და მიმდინარე პროცესებთან მიმართებით. აქამდეც ვაცნობდი საზოგადოებას ჩემს მოსაზრებებს, ახლა კი გადაცემის საშუალებით მოვახერხებ ამას. არც ისე ხანდაზმული ვარ, რომ ჩემს ცხოვრებაში არ იყოს სიახლეების ადგილი. წლების წინ რადიოწამყვანი გახლდით, ტელეგადაცემა არასდროს წამიყვანია. კამერასთან მუშაობა, როგორც რესპონდენტისთვის, ჩემთვის სიახლე არ ყოფილა. სიახლე ისაა, რომ თავად ვსვამ შეკითხვებს.
იმის გამო, რომ გადაწყვეტილება გვიან მივიღე, ერთადერთი საპილოტე ჩაწერის შემდეგ დავჯექი ეთერში. ვფიქრობ, ჩემი გამოცდილების გათვალისწინებით, არ იყო ურიგო. უხერხულობა არ მქონია, ერთადერთი სირთულე იყო ის, რომ ჯანმრთელობის პრობლემის გამო - ფილტვების ანთებამ ქრონიკული ხველება დამიტოვა, ორიენტირებული ვიყავი, ეთერში ხველა არ ამტყდომოდა (იღიმის).
- იმიჯიც შეგიცვლიათ.
- არც იმდენად, მხოლოდ მოწესრიგების კუთხით. ამაზე იმიჯმეიკერთა გუნდი მუშაობდა, ჩემთან ერთად, ცხადია. საეთეროდ მოვწესრიგდი და უფრო აკადემიურ ჩარჩოში წარმოვადგინე საკუთარი თავი. მოვირგე კოსტიუმი, რაც მანამდეც იყო ჩემს გარდერობში, მაგრამ ძალიან იშვიათად.
- გამოხმაურებებზე გადავინაცვლოთ, სოციალურ ქსელში პირველმა გადაცემამ საკმაოდ დიდი რეზონანსი გამოიწვია.
- რაც შეეხება კრიტიკას - მაინტერესებდა შენიშვნები, რა შემეშალა და რა იქნებოდა უკეთესი. დანარჩენი მესიჯები ძირითადად არის ხოლმე ან ადამიანის წახალისება ან მისი დისკრედიტაციის მცდელობა. წინა მმართველ ძალას ძალიან ხშირად ვაკრიტიკებდი, როდესაც, სამწუხაროდ, ამისი საფუძველი მქონდა. აქ მოსვლამდეც მსგავს რეჟიმში ვიყავი. ჩვენი საზოგადოება ორპოლუსიანია და თუკი ერთს აკრიტიკებ, მეორის მხარდამჭერად აღგიქვამს. ვერ გეტყვით, რომ ეს ჩემთვის სიახლეა, ამაზე ფიქრს გამორჩეულ ყურადღებას არ ვუთმობ და არც საინტერესო თემაა ჩემთვის. არის ადამიანების კატეგორია, განსაკუთრებით პოლიტიკურ პარტიებთან დაკავშირებული პირები, რომელთაც წინასწარ გამზადებული გეგმა აამოქმედეს და ფიქრობდნენ, რომელი შეურაცხმყოფელი ფრაზა უნდა გამოეყენებინათ. ასე რომ, ამგვარ ''კრიტიკას'' იუმორით შევხვდი.
- ნანუკა ჟორჟოლიანსა და თქვენ შორის საკმაოდ არასასიამოვნო დიალოგი გაიმართა ''ფეისბუქზე'', როცა მან დაწერა, რომ გადაცემას რეიტინგი არ ჰქონდა.
- ამიტომაც ხუმრობით აღვნიშნე, რომ ნანუკა და, ზოგადად, მისი მხარე გვეხმარება და ზრუნავს ჩვენი გადაცემის პრომოუშენზე (იცინის). უნდა შევთანხმდეთ, რომ გადაცემა საინ-ტერესო იყო, თუ არ იყო, მაშინ რატომ ლაპარაკობდნენ მასზე ამდენს. გარდა ამისა, თუკი რეიტინგებზე ვილაპარაკებთ და ამაზე წლებია, ერთსა და იმავე მოსაზრებას გამოვთქვამ, უამრავი ვერსია არსებობს. ერთ-ერთი ასეთი ვერსიით, ''ფიფლმეტრები'' ''რუსთავი 2''-ის სასარგებლოდ დადგეს და დღემდე ამ სისტემით მუშაობს. წესით, გადაცემის წამყვანმა ისიც უნდა იცოდეს, რომ ''ჯიდიესი'' მთლიანად საქართველოს ვერ ფარავს და თანაც, გასართობი ფორმატისაა. გადაცემის ანონსი გავიდა მხოლოდ ერთი დღით ადრე. ამ პირობებშიც კი მას იმდენად დიდი რეზონანსი მოჰყვა, რომ დღემდე ლაპარაკობენ პოზიტიურ თუ ნეგატიურ კონტექსტში. საზოგადოებამ მისგან უფრო მეტი მესიჯი მიიღო, ვიდრე მე, როგორც გადაცემის პროდიუსერი და წამყვანი, ვვარაუდობდი. გარდა ამისა, ''იმედის კვირისა'' და ''კვირის 2030''-ის სამიზნე ჯგუფები სრულიად სხვადასხვაა და მათი შედარება შეცდომაა. ჩვენი გადაცემა არის ინტელექტუალური სივრცე, რომელიც მიზნად ისახავს მოქალაქის ინფორმირებას. გადაცემიდან ამონარიდები ტრიალებს სხვადასხვა საინფორმაციო საშუალებით, მეორდება მეორე დღეს, თორემ კონკრეტულად იმ მომენტში ვინ შეხედავს, შესაძლოა, არ იყოს იმდენად მნიშვნელოვანი. მთავა-რია, როგორ გამოხმაურებას გამოიწვევს ის საზოგადოებაში.
- საინტერესოა, ოჯახის წევრების აზრი ან შენიშვნები თუ გაითვალისწინეთ გადაცემის ეთერში გასვლის შემდეგ?
- მყავს მეუღლე, რომლის აზრიც ყველაზე მეტად მაინტერესებს. ის ბოლომდე ობიექტური ვერ იქნება, იცის, როგორი ყოყმანის შემდეგ დავთანხმდი ამ ახალ ამპლუას, მხარს მიჭერდა და მისი მხარდაჭერა მორალური თვალსაზრისით ჩემთვის ძალიან მნიშვნელოვანია. გეტყვით იმასაც, რომ ყველაზე მძიმე მლანძღველსაც კი არ გამოუთქვამს ის შენიშვნები, რაც საკუთარ თავს თავად მივეცი, თუმცა ამაზე ხმამაღლა არ ვისაუბრებ. ვეჭვობ, ვინმემ ჩემზე მეტად გათვალოს ის ''შარი'', რაც ჩემს ნებისმიერ ქმედებას მოჰყვება, ამიტომ ყოველთვის მზად ვარ.
- ნანუკამ ''ქართული ოცნების'' ჟურნალისტად მოგიხსენიათ.
- საქმე ისაა, რომ არც ჟურნალისტი გახლავართ და მით უმეტეს, არც ''ქართული ოცნების'' ჟურნალისტი. როდესაც გაიგებდნენ, რომ ილიას უნივერსიტეტში ლექტორად ვმუშაობდი, ''ნაციონალს'' მეძახდნენ. მეტაფორა იყო, როდესაც დავწერე, რომ მიშა მიხდიდა ფულს. ამაში ის ვიგულისხმე, რომ ვმუშაობდი და ვმუშაობ იმ უნივერსიტეტში, რომელიც ''ნაციონალურ მოძრაობასთან'' ასოცირდება. ლოგიკა, როცა ვინმესთან მუშაობ, აუცილებლად მისი მხარდამჭერი ხარ, აზრს არის მოკლებული და პრიმიტიულია.
რაც შეეხება ნანუკას, მის მიმართ არ მაქვს ცუდი დამოკიდებულება, მაგრამ მართლა გასართობი გადაცემის წამყვანი ხომ არ არის. აქვს საინფორმაციო სააგენტო, რომელიც კონკრეტული ძალის პროპაგანდაზე მუშაობს. ყველაფერს თავის სახელს ვარქმევ, თორემ ადამიანურად თანავუგრძნობ. არ ვბრაზდები.
- ფსიქოგოლიურად ძალიან მომზადებული ხართ.
- ვიცი, ვინ რატომ აკეთებს ამას. ზოგი კონკრეტულ ძალას უჭერს მხარს, ზოგს ფულს უხდიან, ზოგსაც, უბრალოდ, ასე სწამს, მაგალითად, სჯერა, რომ ვარ სამთავიანი. კოღო რომ გიკბენთ, ნაწყენი ხომ არ რჩებით?!. ვცდილობ, ვიყო მორწმუნე. ჩემი ლიბერალიზმის წილი და უმცირესობებისადმი განსაკუთრებულად კარგი დამოკიდებულებაც აქედან მოდის. მორწმუნეობას იმიტომ ვუსვამ ხაზს, მაგრამ ასეთი ადამიანი სხვანაირად აზროვნებს. თუკი ვინმე გლანძღავს, ეს შენს სულს უხდება, ამას სულიერ გაკაჟებას დავარქმევდი. მლანძღველი და ცილისმწამებელი მზრდის, მაიძულებს, მასზე მაღლა დავდგე.
- ბიძინა ივანიშვილზე გკითხავთ...
- მენეჯმენტის საფუძვლებში ვინც ერკვევა, იცის, რომ გუნდის ლიდერი მისი წევრია. ეს სააკაშვილის დროს იყო, რომ ერთი ადამიანი წყვეტდა, რადიოში რა ჰიტი უნდა გასულიყო, ვის რა ჩაეცვა და სად რა შენობა უნდა აშენებულიყო. მისი მმართველობა საბჭოთა კოლექტივიზმის იდენტური იყო. აქ ყველაფერი სხვანაირადაა. ხან ჩვენ გვიჯერებს, ხან ჩვენ ვუჯერებთ. ბიძინა ივანიშვილზე მეტი წონა ამ საზოგადოებაში მე არ მაქვს, ამიტომ ჩვენი თანამონაწილეობა ქმნის საერთო პოზიციას, რომელსაც ივანიშვილიც და ჩვენც თანაბრად ვითვალისწინებთ.
წყარო: reitingi.ge
- არჩილ, ვისგან მიიღეთ შეთავაზება და დიდხანს თუ იფიქრეთ, სანამ დათანხმდებოდით?
- შეთავაზება მივიღე პროდიუსერისგან, ვასილ მაღლაფერიძისგან, შემდეგ ბიძინა ივანიშვილსაც შევხვდი. საუბარი იყო არა მხოლოდ გადაცემაზე, არამედ საზოგადოება ''2030''-თან თანამშრომლობაზე. თითქმის მთელი თვე ვიფიქრე, სანამ დავთანხმდებოდი. ვყოყმანობდი იმის გამო, რომ რამდენიმე წელია, საზოგადოების ნაწილი მიცნობს, როგორც საზოგადოებრივი კომუნიკაციების მართვის სპეციალისტს. ჩემი იმიჯი მაქვს. მეშინოდა ჩემი თავისუფლების დაკარგვის, ვინაიდან ორგანიზაციულ სივრცეში ასეთი ტიპის მუშაობას გადაჩვეული ვარ. მაქვს საკუთარი ორგანიზაცია, ვარ ლექტორი, მაქვს პორტალი და ა.შ.
მეორე მხრივ, ამ საზოგადოებაში გაწევრებამ იმით დამაინტერესა, რომ აქ ჩემთან ერთად ბევრი ადამიანია, სხვადასხვა მიმართულების დარგობრივი სპეციალისტი და საუბარია ერთიან მუშაობაზე. აქ არ არის ლაპარაკი იმაზე, რომ ივანიშვილი დამფუძნებელია და მასზე ვმუშაობთ, არამედ იმაზე, რომ მან იმუშაოს ჩვენთან ერთად. ეს არის თანამონაწილეობითი პროცესი, სადაც ერთიანი პოზიცია იქმნება და არა ერთი პირის მოსაზრებების რეალიზაცია.
რაც შეეხება გადაცემის წაყვანას, მე ვარ ანალიტიკოსი და გადაცემა განსხვავებულია სწორედ იმით, რომ მას აკეთებს არა ნიუსმეიკერი, ჟურნალისტი, არამედ ანალიტიკოსი, რომელსაც აქვს თავისი პოზიცია საკითხებსა და მიმდინარე პროცესებთან მიმართებით. აქამდეც ვაცნობდი საზოგადოებას ჩემს მოსაზრებებს, ახლა კი გადაცემის საშუალებით მოვახერხებ ამას. არც ისე ხანდაზმული ვარ, რომ ჩემს ცხოვრებაში არ იყოს სიახლეების ადგილი. წლების წინ რადიოწამყვანი გახლდით, ტელეგადაცემა არასდროს წამიყვანია. კამერასთან მუშაობა, როგორც რესპონდენტისთვის, ჩემთვის სიახლე არ ყოფილა. სიახლე ისაა, რომ თავად ვსვამ შეკითხვებს.
იმის გამო, რომ გადაწყვეტილება გვიან მივიღე, ერთადერთი საპილოტე ჩაწერის შემდეგ დავჯექი ეთერში. ვფიქრობ, ჩემი გამოცდილების გათვალისწინებით, არ იყო ურიგო. უხერხულობა არ მქონია, ერთადერთი სირთულე იყო ის, რომ ჯანმრთელობის პრობლემის გამო - ფილტვების ანთებამ ქრონიკული ხველება დამიტოვა, ორიენტირებული ვიყავი, ეთერში ხველა არ ამტყდომოდა (იღიმის).
- იმიჯიც შეგიცვლიათ.
- არც იმდენად, მხოლოდ მოწესრიგების კუთხით. ამაზე იმიჯმეიკერთა გუნდი მუშაობდა, ჩემთან ერთად, ცხადია. საეთეროდ მოვწესრიგდი და უფრო აკადემიურ ჩარჩოში წარმოვადგინე საკუთარი თავი. მოვირგე კოსტიუმი, რაც მანამდეც იყო ჩემს გარდერობში, მაგრამ ძალიან იშვიათად.
- გამოხმაურებებზე გადავინაცვლოთ, სოციალურ ქსელში პირველმა გადაცემამ საკმაოდ დიდი რეზონანსი გამოიწვია.
- რაც შეეხება კრიტიკას - მაინტერესებდა შენიშვნები, რა შემეშალა და რა იქნებოდა უკეთესი. დანარჩენი მესიჯები ძირითადად არის ხოლმე ან ადამიანის წახალისება ან მისი დისკრედიტაციის მცდელობა. წინა მმართველ ძალას ძალიან ხშირად ვაკრიტიკებდი, როდესაც, სამწუხაროდ, ამისი საფუძველი მქონდა. აქ მოსვლამდეც მსგავს რეჟიმში ვიყავი. ჩვენი საზოგადოება ორპოლუსიანია და თუკი ერთს აკრიტიკებ, მეორის მხარდამჭერად აღგიქვამს. ვერ გეტყვით, რომ ეს ჩემთვის სიახლეა, ამაზე ფიქრს გამორჩეულ ყურადღებას არ ვუთმობ და არც საინტერესო თემაა ჩემთვის. არის ადამიანების კატეგორია, განსაკუთრებით პოლიტიკურ პარტიებთან დაკავშირებული პირები, რომელთაც წინასწარ გამზადებული გეგმა აამოქმედეს და ფიქრობდნენ, რომელი შეურაცხმყოფელი ფრაზა უნდა გამოეყენებინათ. ასე რომ, ამგვარ ''კრიტიკას'' იუმორით შევხვდი.
- ნანუკა ჟორჟოლიანსა და თქვენ შორის საკმაოდ არასასიამოვნო დიალოგი გაიმართა ''ფეისბუქზე'', როცა მან დაწერა, რომ გადაცემას რეიტინგი არ ჰქონდა.
- ამიტომაც ხუმრობით აღვნიშნე, რომ ნანუკა და, ზოგადად, მისი მხარე გვეხმარება და ზრუნავს ჩვენი გადაცემის პრომოუშენზე (იცინის). უნდა შევთანხმდეთ, რომ გადაცემა საინ-ტერესო იყო, თუ არ იყო, მაშინ რატომ ლაპარაკობდნენ მასზე ამდენს. გარდა ამისა, თუკი რეიტინგებზე ვილაპარაკებთ და ამაზე წლებია, ერთსა და იმავე მოსაზრებას გამოვთქვამ, უამრავი ვერსია არსებობს. ერთ-ერთი ასეთი ვერსიით, ''ფიფლმეტრები'' ''რუსთავი 2''-ის სასარგებლოდ დადგეს და დღემდე ამ სისტემით მუშაობს. წესით, გადაცემის წამყვანმა ისიც უნდა იცოდეს, რომ ''ჯიდიესი'' მთლიანად საქართველოს ვერ ფარავს და თანაც, გასართობი ფორმატისაა. გადაცემის ანონსი გავიდა მხოლოდ ერთი დღით ადრე. ამ პირობებშიც კი მას იმდენად დიდი რეზონანსი მოჰყვა, რომ დღემდე ლაპარაკობენ პოზიტიურ თუ ნეგატიურ კონტექსტში. საზოგადოებამ მისგან უფრო მეტი მესიჯი მიიღო, ვიდრე მე, როგორც გადაცემის პროდიუსერი და წამყვანი, ვვარაუდობდი. გარდა ამისა, ''იმედის კვირისა'' და ''კვირის 2030''-ის სამიზნე ჯგუფები სრულიად სხვადასხვაა და მათი შედარება შეცდომაა. ჩვენი გადაცემა არის ინტელექტუალური სივრცე, რომელიც მიზნად ისახავს მოქალაქის ინფორმირებას. გადაცემიდან ამონარიდები ტრიალებს სხვადასხვა საინფორმაციო საშუალებით, მეორდება მეორე დღეს, თორემ კონკრეტულად იმ მომენტში ვინ შეხედავს, შესაძლოა, არ იყოს იმდენად მნიშვნელოვანი. მთავა-რია, როგორ გამოხმაურებას გამოიწვევს ის საზოგადოებაში.
- საინტერესოა, ოჯახის წევრების აზრი ან შენიშვნები თუ გაითვალისწინეთ გადაცემის ეთერში გასვლის შემდეგ?
- მყავს მეუღლე, რომლის აზრიც ყველაზე მეტად მაინტერესებს. ის ბოლომდე ობიექტური ვერ იქნება, იცის, როგორი ყოყმანის შემდეგ დავთანხმდი ამ ახალ ამპლუას, მხარს მიჭერდა და მისი მხარდაჭერა მორალური თვალსაზრისით ჩემთვის ძალიან მნიშვნელოვანია. გეტყვით იმასაც, რომ ყველაზე მძიმე მლანძღველსაც კი არ გამოუთქვამს ის შენიშვნები, რაც საკუთარ თავს თავად მივეცი, თუმცა ამაზე ხმამაღლა არ ვისაუბრებ. ვეჭვობ, ვინმემ ჩემზე მეტად გათვალოს ის ''შარი'', რაც ჩემს ნებისმიერ ქმედებას მოჰყვება, ამიტომ ყოველთვის მზად ვარ.
- ნანუკამ ''ქართული ოცნების'' ჟურნალისტად მოგიხსენიათ.
- საქმე ისაა, რომ არც ჟურნალისტი გახლავართ და მით უმეტეს, არც ''ქართული ოცნების'' ჟურნალისტი. როდესაც გაიგებდნენ, რომ ილიას უნივერსიტეტში ლექტორად ვმუშაობდი, ''ნაციონალს'' მეძახდნენ. მეტაფორა იყო, როდესაც დავწერე, რომ მიშა მიხდიდა ფულს. ამაში ის ვიგულისხმე, რომ ვმუშაობდი და ვმუშაობ იმ უნივერსიტეტში, რომელიც ''ნაციონალურ მოძრაობასთან'' ასოცირდება. ლოგიკა, როცა ვინმესთან მუშაობ, აუცილებლად მისი მხარდამჭერი ხარ, აზრს არის მოკლებული და პრიმიტიულია.
რაც შეეხება ნანუკას, მის მიმართ არ მაქვს ცუდი დამოკიდებულება, მაგრამ მართლა გასართობი გადაცემის წამყვანი ხომ არ არის. აქვს საინფორმაციო სააგენტო, რომელიც კონკრეტული ძალის პროპაგანდაზე მუშაობს. ყველაფერს თავის სახელს ვარქმევ, თორემ ადამიანურად თანავუგრძნობ. არ ვბრაზდები.
- ფსიქოგოლიურად ძალიან მომზადებული ხართ.
- ვიცი, ვინ რატომ აკეთებს ამას. ზოგი კონკრეტულ ძალას უჭერს მხარს, ზოგს ფულს უხდიან, ზოგსაც, უბრალოდ, ასე სწამს, მაგალითად, სჯერა, რომ ვარ სამთავიანი. კოღო რომ გიკბენთ, ნაწყენი ხომ არ რჩებით?!. ვცდილობ, ვიყო მორწმუნე. ჩემი ლიბერალიზმის წილი და უმცირესობებისადმი განსაკუთრებულად კარგი დამოკიდებულებაც აქედან მოდის. მორწმუნეობას იმიტომ ვუსვამ ხაზს, მაგრამ ასეთი ადამიანი სხვანაირად აზროვნებს. თუკი ვინმე გლანძღავს, ეს შენს სულს უხდება, ამას სულიერ გაკაჟებას დავარქმევდი. მლანძღველი და ცილისმწამებელი მზრდის, მაიძულებს, მასზე მაღლა დავდგე.
- ბიძინა ივანიშვილზე გკითხავთ...
- მენეჯმენტის საფუძვლებში ვინც ერკვევა, იცის, რომ გუნდის ლიდერი მისი წევრია. ეს სააკაშვილის დროს იყო, რომ ერთი ადამიანი წყვეტდა, რადიოში რა ჰიტი უნდა გასულიყო, ვის რა ჩაეცვა და სად რა შენობა უნდა აშენებულიყო. მისი მმართველობა საბჭოთა კოლექტივიზმის იდენტური იყო. აქ ყველაფერი სხვანაირადაა. ხან ჩვენ გვიჯერებს, ხან ჩვენ ვუჯერებთ. ბიძინა ივანიშვილზე მეტი წონა ამ საზოგადოებაში მე არ მაქვს, ამიტომ ჩვენი თანამონაწილეობა ქმნის საერთო პოზიციას, რომელსაც ივანიშვილიც და ჩვენც თანაბრად ვითვალისწინებთ.
წყარო: reitingi.ge
1 500 ნახვა
29-03-2015, 07:04
