რეზიკო რობაქიძეს გეიაღლუმზე ფიქრის დრო არ რჩება რჩება
მოცეკვავე რეზიკო რობაქიძე გარკვეული დროის განმავლობაში მეწყვილის გარეშე დარჩა, სწორედ ამიტომ სპეციალურ საიტზე განაცხადი გააკეთა, დაინტერესებულ პირს საცხოვრებელი ფართით უზრუნველყოფას და კონკურსებისთვის საჭირო თანხის ანაზღაურებას დაჰპირდა. გამოეხმაურნენ და ცოტა ხნის წინ ჩეხეთიდან მეწყვილე ჩამოუვიდა, რომელთან ერთადაც ბავშვებს ამეცადინებს და კონკურსებში მონაწილეობისთვის ემზადება. ერთ კვირაში საბერძნეთში წასვლას გეგმავენ, ასევე ემზადებიან საქართველოს ჩემპიონატისთვის, რომელიც მაისში გაიმართება. რეზიკოს ტრადიციებზე ვესაუბრეთ.
- მივიჩნევ, რომ ყველა ქართველი ადამიანი ტრადიციულია, ქართველებს ეს სისხლში გვაქვს. ჩემი თაობის ადამიანებს მაინც მოჰყვებათ ქართული ადათ-წესების პატივისცემა. ვფიქრობ, რომ ოჯახური ტრადიციები მაქსიმალურად უნდა შენარჩუნდეს, რადგან ჩვენი ერი სხვებისგან სწორედ ტრადიციებითა და ადათ-წესების დაცვით გამოირჩევა.
- ოჯახური ტრადიციები ახსენე, საინტერესოა, გერლფრენ-ბოიფრენდობაზე რას ფიქრობ?
- დროს მოაქვს ცვლილებები. იცვლება ცხოვრების წესი, დრო, ქვეყანა,… ევროპიდან გადმოგვაქვს ჩვენს რეალობაში რაღაცები, მაგრამ, სამწუხაროდ, ცუდს უფრო მეტს ვიღებთ, ვიდრე – კარგს. წყვილმა ერთმანეთი უკეთ რომ უნდა გაიცნოს, ეს ცუდი არაა, თანაცხოვრება კი ამისთვის კარგი საშუალებაა. ბევრჯერ გამიგია, შეუქმნიათ ოჯახი, მაგრამ მალევე დაშორებულან. თანაცხოვრების დროს ერთმანეთისთვის ვეღარ გაუგიათ. შეყვარებულობის პერიოდში ყველაფერი ლამაზია, მრავალფეროვანია, მაგრამ ოჯახი სხვაა. აქედან გამომდინარე, ჩემთვის ქორწინებამდე თანაცხოვრება მიუღებელი არაა, იცხოვროს წყვილმა ერთად, შეისწავლონ ერთმანეთი და მერე მიიღონ გადაწყვტილება. ამასთან, წყვილს უნდა ჰქონდეს საკუთარი პირადი ცხოვრება, რომელშიც არ უნდა ერეოდეს სხვა. არ მომწონს, ჩვენს ქვეყანაში ერთმანეთის პირადში რომ ერევიან, ჯობია, ყველამ თავის ცხოვრებას მიხედოს. მესამე თვალი პრობლემებს ქმნის.
გარდა ამისა, უმნიშვნელოვანესია ფინანსური დამოუკიდებლობა, რაც უამრავ პრობლემას იწვევს. მე დასაოჯახებელი ვარ, სანამ მყარად არ დავდგები ფეხზე, დაოჯახება უაზრობა იქნება. ოჯახი მხოლოდ ის არაა, ცოლს კარგად ჩააცვა და აქეთ-იქით ასეირნო. გეყოლება შვილი, რომელსაც კარგი განათლება უნდა მისცე, ცოლს ყველანაირი კომფორტი უნდა შეუქმნა, რომ შენ გვერდით თავი კარგად იგრძნოს. ცოლი მხოლოდ სახლში, სამზარეულოში და სარეცხის მანქანასთან არ უნდა იყოს. მას უნდა ჰქონდეს სამსახური, საქმე. კიდეც უნდა იმუშაოს და კიდეც უნდა გაერთოს მეგობრებთან ერთად, თავისუფლად უნდა იყოს შენ გვერდით და არ უნდა''დააბა''.
- რა მნიშვნელობას ანიჭებ ქალის განვლილ პირად ცხოვრებას, როცა მასთან ურთიერთობის აწყობას აპირებ?
- ამ საკითხით ყველა მამაკაცი ინტერესდება, მეც, მათ შორის. როცა ადამიანთან ვიწყებ ურთიერთობას, რასაკვირველია, ვინტერესდები მისი წარსულით. თუმცა, თუ ადამიანი მომეწონა, შემიყვარდა, დაბალი შანსია, რომ განვლილი რთული ცხოვრების გამო მასზე უარი ვთქვა. ჩემთვის მნიშვნელოვანია, მე და მას როგორი ურთიერთობა და დამოკიდებულება გვექნება ერთმანეთთან. მთავარია, არ ჰქონდეს ხაზგადასმული პირადი ცხოვრება და არ იყოს ძალიან რთული სახელის მატარებელი.
- დღეს ქალის პატიოსნება რით განისაზღვრება?
- ყველას თავისი ცხოვრება აქვს და ყველამ ისე უნდა იცხოვროს, როგორც მას უნდა. ძალიან რთულია, როცა ცხოვრებას გიკონტროლებენ…, მე ეს გამოცდილი მაქვს და ვიცი. 7 წელი მქონდა ისეთი ურთიერთობა, როცა ყველა ნაბიჯს მიკონტროლებდნენ და მივხვდი, ასე ცხოვრებას აზრი არ ჰქონდა. მართალია, დიდი სიყვარული მაკავშირებდა იმ ადამიანთან, მაგრამ ფიასკოთი დამთავრდა, ეჭვიანობა და კონტროლი ამ შედეგამდე მისვლის ყველაზე დიდი მიზეზი იყო.Q ქალი უნდა იყოს წესიერი, ერთგული, განათლებული და უნდა იცოდეს საკუთარი თავის ფასი.
- როგორ ფიქრობ, ოჯახში უფროსი უნდა არსებობდეს?
- აბა, რაა (იცინის)! პატივს ვცემ იმას, რომ ოჯახს ჰყავს უფროსი, თავი. ეს ქართული ადათ-წესია, კაცის ძალა და მმართველობა ძალიან კარგია, ესაა ბუნების კანონი, რაც ქართველებს ოჯახში გვაქვს გადმოტანილი, ამიტომ ოჯახის უფროსობა იყო, არის და იქნება! თუმცა, კაცმა ქალის აზრი აუცილებლად უნდა გაითვალისწინოს. ოჯახის უფროსი ძლიერი ვერ იქნება, თუ მარტო გადაწყვეტს ყველაფერს და სხვის აზრს არ გაითვალისწინებს, ყველას აზრის მოსმენით, ანალიზის შედეგად უნდა მივიდნენ კონსენსუსამდე.
- რა განსაზღვრავს კაცობას?
- რთული ასახსნელია, უნდა იყო პატიოსანი, კეთილი, ზრდილობიანი, რისკიანი, ძლიერი... უნდა გქონდეს ძალა, რომ საკუთარ თავზე ბევრი რამ აიღო, უნდა იცოდე და შეგეძლოს ქალის პატივისცემა. კაცი მაშინ ფასდება, როცა მას ყველაზე მეტად უყვარს დედა. თუ მამაკაცი დედას აფასებს, ის ძლიერია, იცის ქალის, ოჯახის, ცხოვრების ფასი.
- ქუჩის აკადემია ბიჭისთვის აუცილებელად გასავლელი გზაა?
- მეც ვიდექი ქუჩაში, ფიზიკურადაც მიმუშავია, ყველაფერი გამიკეთებია.… ქუჩის ცხოვრება გარკვეულწილად გასწავლის საკუთარი თავის გატანას, ქუჩაში უნდა იყო მებრძოლი. თუ მართალი ხარ, შენი სიმართლე უნდა გაიტანო, თუ მტყუანი ხარ – უნდა აღიარო. მე ამ ეტაპამდე ვიდექი ქუჩაში, ამაზე დიდხანს გაჩერება აღარ ღირს.
- ქართველებს სუფრის გამორჩეული ტრადიციები გვაქვს, განსხვავებულებს თუ მიირთმევ ხოლმე?
- კი, ხშირად დამილევია. ვცხოვრობ, როგორც ყველა ქართველი კაცი, სუფრაზე ვსვამ სადღეგრძელოს, ვუსმენ თამადას, ვმღერი, ვცეკვავ.… მიმაჩნია, რომ ქართული სუფრა კარგი სკოლაა იქამდე, სანამ ძალიან ბევრს დავლევთ და ვიჩხუბებთ.
- დასასრულ, არატრადიციული ორიენტაციის ადამიანების მიმართ როგორია შენი დამოკიდებულება?
- ამ თემაზე არანაირი გართულება არ მაქვს.
- გეიაღლუმზე რას ფიქრობ?
- არ გავღიზიანებულვარ, იმიტომ, რომ ამაზე არც მიფიქრია, დროც არ მქონდა ამისთვის. შეიძლება, თქვენმა მკითველმა მითხრას, რანაირად ხარ ტრადიციული და ქართველი კაცი, როცა ასეთ რამეს ამბობო, მაგრამ კიდევ ერთხელ ვამბობ, ყველას თავისი ცხოვრება აქვს და საკუთარ თავს მიხედონ. სახლში არავინ არავის უვარდება, არაფერს აძალებს. არატრადიციული ორიენტაციის ადამიანებთან მაქვს ურთიერთობა, ვმეგობრობ კიდეც, კარგი გამარჯობაც იციან და კარგი ადამიანობაც. დანარჩენი კი, რაც უნდათ, ის აკეთონ.
წყარო: reitingi.ge
- მივიჩნევ, რომ ყველა ქართველი ადამიანი ტრადიციულია, ქართველებს ეს სისხლში გვაქვს. ჩემი თაობის ადამიანებს მაინც მოჰყვებათ ქართული ადათ-წესების პატივისცემა. ვფიქრობ, რომ ოჯახური ტრადიციები მაქსიმალურად უნდა შენარჩუნდეს, რადგან ჩვენი ერი სხვებისგან სწორედ ტრადიციებითა და ადათ-წესების დაცვით გამოირჩევა.
- ოჯახური ტრადიციები ახსენე, საინტერესოა, გერლფრენ-ბოიფრენდობაზე რას ფიქრობ?
- დროს მოაქვს ცვლილებები. იცვლება ცხოვრების წესი, დრო, ქვეყანა,… ევროპიდან გადმოგვაქვს ჩვენს რეალობაში რაღაცები, მაგრამ, სამწუხაროდ, ცუდს უფრო მეტს ვიღებთ, ვიდრე – კარგს. წყვილმა ერთმანეთი უკეთ რომ უნდა გაიცნოს, ეს ცუდი არაა, თანაცხოვრება კი ამისთვის კარგი საშუალებაა. ბევრჯერ გამიგია, შეუქმნიათ ოჯახი, მაგრამ მალევე დაშორებულან. თანაცხოვრების დროს ერთმანეთისთვის ვეღარ გაუგიათ. შეყვარებულობის პერიოდში ყველაფერი ლამაზია, მრავალფეროვანია, მაგრამ ოჯახი სხვაა. აქედან გამომდინარე, ჩემთვის ქორწინებამდე თანაცხოვრება მიუღებელი არაა, იცხოვროს წყვილმა ერთად, შეისწავლონ ერთმანეთი და მერე მიიღონ გადაწყვტილება. ამასთან, წყვილს უნდა ჰქონდეს საკუთარი პირადი ცხოვრება, რომელშიც არ უნდა ერეოდეს სხვა. არ მომწონს, ჩვენს ქვეყანაში ერთმანეთის პირადში რომ ერევიან, ჯობია, ყველამ თავის ცხოვრებას მიხედოს. მესამე თვალი პრობლემებს ქმნის.
გარდა ამისა, უმნიშვნელოვანესია ფინანსური დამოუკიდებლობა, რაც უამრავ პრობლემას იწვევს. მე დასაოჯახებელი ვარ, სანამ მყარად არ დავდგები ფეხზე, დაოჯახება უაზრობა იქნება. ოჯახი მხოლოდ ის არაა, ცოლს კარგად ჩააცვა და აქეთ-იქით ასეირნო. გეყოლება შვილი, რომელსაც კარგი განათლება უნდა მისცე, ცოლს ყველანაირი კომფორტი უნდა შეუქმნა, რომ შენ გვერდით თავი კარგად იგრძნოს. ცოლი მხოლოდ სახლში, სამზარეულოში და სარეცხის მანქანასთან არ უნდა იყოს. მას უნდა ჰქონდეს სამსახური, საქმე. კიდეც უნდა იმუშაოს და კიდეც უნდა გაერთოს მეგობრებთან ერთად, თავისუფლად უნდა იყოს შენ გვერდით და არ უნდა''დააბა''.
- რა მნიშვნელობას ანიჭებ ქალის განვლილ პირად ცხოვრებას, როცა მასთან ურთიერთობის აწყობას აპირებ?
- ამ საკითხით ყველა მამაკაცი ინტერესდება, მეც, მათ შორის. როცა ადამიანთან ვიწყებ ურთიერთობას, რასაკვირველია, ვინტერესდები მისი წარსულით. თუმცა, თუ ადამიანი მომეწონა, შემიყვარდა, დაბალი შანსია, რომ განვლილი რთული ცხოვრების გამო მასზე უარი ვთქვა. ჩემთვის მნიშვნელოვანია, მე და მას როგორი ურთიერთობა და დამოკიდებულება გვექნება ერთმანეთთან. მთავარია, არ ჰქონდეს ხაზგადასმული პირადი ცხოვრება და არ იყოს ძალიან რთული სახელის მატარებელი.
- დღეს ქალის პატიოსნება რით განისაზღვრება?
- ყველას თავისი ცხოვრება აქვს და ყველამ ისე უნდა იცხოვროს, როგორც მას უნდა. ძალიან რთულია, როცა ცხოვრებას გიკონტროლებენ…, მე ეს გამოცდილი მაქვს და ვიცი. 7 წელი მქონდა ისეთი ურთიერთობა, როცა ყველა ნაბიჯს მიკონტროლებდნენ და მივხვდი, ასე ცხოვრებას აზრი არ ჰქონდა. მართალია, დიდი სიყვარული მაკავშირებდა იმ ადამიანთან, მაგრამ ფიასკოთი დამთავრდა, ეჭვიანობა და კონტროლი ამ შედეგამდე მისვლის ყველაზე დიდი მიზეზი იყო.Q ქალი უნდა იყოს წესიერი, ერთგული, განათლებული და უნდა იცოდეს საკუთარი თავის ფასი.
- როგორ ფიქრობ, ოჯახში უფროსი უნდა არსებობდეს?
- აბა, რაა (იცინის)! პატივს ვცემ იმას, რომ ოჯახს ჰყავს უფროსი, თავი. ეს ქართული ადათ-წესია, კაცის ძალა და მმართველობა ძალიან კარგია, ესაა ბუნების კანონი, რაც ქართველებს ოჯახში გვაქვს გადმოტანილი, ამიტომ ოჯახის უფროსობა იყო, არის და იქნება! თუმცა, კაცმა ქალის აზრი აუცილებლად უნდა გაითვალისწინოს. ოჯახის უფროსი ძლიერი ვერ იქნება, თუ მარტო გადაწყვეტს ყველაფერს და სხვის აზრს არ გაითვალისწინებს, ყველას აზრის მოსმენით, ანალიზის შედეგად უნდა მივიდნენ კონსენსუსამდე.
- რა განსაზღვრავს კაცობას?
- რთული ასახსნელია, უნდა იყო პატიოსანი, კეთილი, ზრდილობიანი, რისკიანი, ძლიერი... უნდა გქონდეს ძალა, რომ საკუთარ თავზე ბევრი რამ აიღო, უნდა იცოდე და შეგეძლოს ქალის პატივისცემა. კაცი მაშინ ფასდება, როცა მას ყველაზე მეტად უყვარს დედა. თუ მამაკაცი დედას აფასებს, ის ძლიერია, იცის ქალის, ოჯახის, ცხოვრების ფასი.
- ქუჩის აკადემია ბიჭისთვის აუცილებელად გასავლელი გზაა?
- მეც ვიდექი ქუჩაში, ფიზიკურადაც მიმუშავია, ყველაფერი გამიკეთებია.… ქუჩის ცხოვრება გარკვეულწილად გასწავლის საკუთარი თავის გატანას, ქუჩაში უნდა იყო მებრძოლი. თუ მართალი ხარ, შენი სიმართლე უნდა გაიტანო, თუ მტყუანი ხარ – უნდა აღიარო. მე ამ ეტაპამდე ვიდექი ქუჩაში, ამაზე დიდხანს გაჩერება აღარ ღირს.
- ქართველებს სუფრის გამორჩეული ტრადიციები გვაქვს, განსხვავებულებს თუ მიირთმევ ხოლმე?
- კი, ხშირად დამილევია. ვცხოვრობ, როგორც ყველა ქართველი კაცი, სუფრაზე ვსვამ სადღეგრძელოს, ვუსმენ თამადას, ვმღერი, ვცეკვავ.… მიმაჩნია, რომ ქართული სუფრა კარგი სკოლაა იქამდე, სანამ ძალიან ბევრს დავლევთ და ვიჩხუბებთ.
- დასასრულ, არატრადიციული ორიენტაციის ადამიანების მიმართ როგორია შენი დამოკიდებულება?
- ამ თემაზე არანაირი გართულება არ მაქვს.
- გეიაღლუმზე რას ფიქრობ?
- არ გავღიზიანებულვარ, იმიტომ, რომ ამაზე არც მიფიქრია, დროც არ მქონდა ამისთვის. შეიძლება, თქვენმა მკითველმა მითხრას, რანაირად ხარ ტრადიციული და ქართველი კაცი, როცა ასეთ რამეს ამბობო, მაგრამ კიდევ ერთხელ ვამბობ, ყველას თავისი ცხოვრება აქვს და საკუთარ თავს მიხედონ. სახლში არავინ არავის უვარდება, არაფერს აძალებს. არატრადიციული ორიენტაციის ადამიანებთან მაქვს ურთიერთობა, ვმეგობრობ კიდეც, კარგი გამარჯობაც იციან და კარგი ადამიანობაც. დანარჩენი კი, რაც უნდათ, ის აკეთონ.
წყარო: reitingi.ge
1 422 ნახვა
1-04-2015, 08:01
