ნინო მაჩაიძე: ''სცენაზე ნახევრად შიშველს შემომთავაზეს გამოსვლა, რაზეც უარი ვთქვი''
ნინო მაჩაიძემ 30 წლის ასაკისთვის არნახულ წარმატებას მიაღწია საოპერო სივრცეში. 2008 წლიდან, 21 წლისა, ''ლა სკალას'' სცენაზე დადგა და მას შემდეგ კონცერტებითა და ცნობილი არიებით მსოფლიო მოიარა. უკვე მრავალჯერ აღიარეს ერთ-ერთ საუკეთესო სოპრანოდ და მსოფლიოს ლამაზმანი საოპერო მომღერლების ათეულში პირველი ადგილი დაიკავა.
ნინო ასევე ოპერის მომღერალ მეუღლესთან, გუიდო ლოკონსოლოსა და შვილთან, ალესანდროსთან ერთად მილანში ცხოვრობს, თუმცა როგორც თავად ამბობს, გადატვირთული გრაფიკის გამო, რომელიც 2016 წლამდე უკვე დაგეგმილი აქვს, მუდმივად ჰაერში უწევს ყოფნა, თან ალესანდროსაც დაატარებს.
- როგორც იქნა, თბილისში ხართ. კონცერტისთვის ჩამოფრინდით, თუმცა აქ არ უნდა ყოფილიყავით…
- მართლაც ასეა. ბედნიერი ვარ, რომ ძალიან დიდი ხნის მოლოდინის შემდეგ კონსერვატორიაში ვიმღერე ფესტივალ ''აღდგომიდან ამაღლებამდე'' პროგრამის ფარგლებში. ეს საქველმოქმედო კონცერტი გახლდათ. სხვათა შორის, სამი კვირა უნდა ვყოფილიყავი დაკავებული ერთ-ერთ სულელურ დადგმაში, რომელში მონაწილეობაც არ ვისურვე. მთავაზობდნენ ჩაცმის არაადეკვატურ სტილს, ფაქტობრივად, ნახევრად შიშველი უნდა გავსულიყავი სცენაზე, ძალიან მოკლე პერანგში. კარიერა ასეთ წვრილმანებზე არ ამიწყვია, ასე რომ, ასეთ შემოთავაზებებზე ყოველთვის უარს ვამბობ. თანამედროვე ოპერა მიდრეკილია ამ გზებისკენ. როცა ხედავენ, რომ კარგ ფორმაში ხარ, გთავაზობენ, შეიძლება, ქვედაბოლო დავამოკლოთ? ჩემი პასუხია - არავითარ შემთხვევაში. მინდა, მაყურებელი ჩემს მოსასმენად მოვიდეს, თუმცა ძალიან ბევრმა სოპრანომ კარიერა ასე ააწყო, მე არავის ვაკრიტიკებ, ყველას საკუთარი გზა აქვს, თუმცა მე მაყურებელს ჩემი გარეგნობით არ ვიზიდავ.
- ხომ არ აპირებთ პაატა ბურჭულაძის, ნინო სურგულაძის მსგავსად, საკუთარი საქველმოქმედო ფონდი დააარსოთ?
- რასაკვირველია, ეს არაჩვეულებრივი წამოწყებებია და მივესალმები, რასაც აკეთებენ ბატონი პაატა, ნინო და სხვა კოლეგები. მე ჯერ არ მიფიქრია ფონდის ჩამოყალიბებაზე, რადგან მივიჩნევ, რომ ამას დიდი დრო სჭირდება, რაც ნამდვილად არ მაქვს. არ მინდა, მხოლოდ დავაარსო და ვიღაცას მივაბარო. ბატონი პაატა, ნინო, თამარ ივერი ამას ახერხებენ და ყოჩაღ მათ. მეც ვიფიქრებ ახლო მომავალში ამ თემაზე.
- 17 წლისა, კონსერვატორიაში რომ ჩააბარეთ, თუ იფიქრებდით, რომ ასეთ სიმაღლეებს მიაღწევდით?
- საქართველოში, ძალიან გაჭირვებულ წლებში, ქალაქში გადაადგილება შეუძლებელი რომ იყო, მშობლები ან ჩემი ძმა ფეხით მაცილებდნენ, რომ გაკვეთილები არ გამეცდინა. ძალიან მნიშვნელოვანია, როცა ბავშვი გრძნობს მხარდაჭერას ოჯახის მხრიდან. სადაც დღეს ვარ, გახლავთ ის, რისთვისაც ვშრომობდი, დილას გამყინვარებაში ვდგებოდი და სამეცადინოდ მივდიოდი.
- ამას წინათ წავიკითხე, რომ მსოფლიოს საუკეთესო სოპრანოთა ათეულში დაგასახელეს.
- გამოკითხვები მუდმივად იმართება, შედეგებს ხშირად მეც მედიის საშუალებით ვიგებ. რა თქმა უნდა, ყოველთვის ძალიან სასიამოვნოა. ინტერნეტით არ გამიგია და კონკურსის დირექტორმა პირადად დამირეკა, როდესაც შარშან ესპანეთში წლის საუკეთესო სოპრანოდ დამასახელეს. სეზონის განმავლობაში იქ 900-მდე სოპრანო იყო დაკავებული და მათ შორის 15-კაციანმა პროფესიონალურმა ჟიურიმ, რომელიც თეატრის დირექტორებით დაკომპლექტდა, მე დამასახელა. ნამღერი მქონდა ბარსელონასა და მადრიდში. ერთი დღე მქონდა თავისუფალი და სიამოვნებით ჩავფრინდი დაჯილდოების ცერემონიაზე (იღიმის), გაიმართა კონცერტი. ორი წლის წინ გამოკითხვაში მესამე ადგილზე გავედი ანა ნეტრებკოსა და ანჯელა გეორგიუს შემდეგ. ანა ჩემზე 11 წლით, ანჯელა კი - 20 წლით უფროსია. შარშან 30 წლის გახლდით და სამეულში შევედი. წლევანდელი გამოკითხვით ადგილები არ განაწილებულა, ათეული შედგა (იღიმის).
- ასევე დაგასახელეს მსოფლიოს ყველაზე ლამაზ საოპერო მომღერლად.
- დიახ, ამ გამოკითხვაში პირველი ადგილი დავიკავე (იღიმის). როგორ შეიძლება, არ გესიამოვნოს ეს ტიტული?
- იქაც გადარებენ ანჯელინა ჯოლის, როგორც საქართველოში?
- ყველგან. ოფიციალურად მიწოდებენ ''ლირიკის ანჯელინა ჯოლის''. როცა მეკითხებიან, ანჯელინა ჯოლისთან შედარება მაწუხებს თუ არა, ვპასუხობ, რომ არ მაწუხებს. რატომ არ უნდა მომეწონოს ეს შედარება? თან, მას გარეგნობის გარდა, ვაფასებ, როგორც ქალს, რომელიც უამრავ კარგ საქმეს აკეთებს. ოპერა არ არის პოდიუმი, მაგრამ მაინც სასიამოვნოა ამგვარი შეფასებები.
- შვილის გაჩენის შემდეგ ძალიან მალე ჩადექით ფორმაში.
- ფეხმძიმობისას გავაკეთე დიეტა, რომელიც ჩემმა პედიატრმა შემირჩია. ევროპაშიც, სამწუხაროდ, არის ასეთი დამოკიდებულება, რომ ორსულმა ქალმა ორის მაგივრად უნდა ჭამოს. დიეტა, რომელიც მე შემირჩიეს, არ იყო ადვილი გასაკეთებელი, რადგან ყველაფერი უნდა ამეწონა, მაგრამ ფეხმძიმობის განმავლობაში 6 კილო დავიკელი. გავაჩინე გიგანტი ბაია, 4 კილო და 200 გრამი და 56 სმ. გახლდათ. სამშობიაროდან ძალიან კარგ ფორმაში გამოვედი. ბოლო სპექტაკლი ბარსელონაში ვიმღერე რვა თვისა და ორი კვირის ფეხმძიმემ. ამით იმის თქმა მინდა, რომ ძალიან კარგ ფორმაში ვიყავი, ფიზიკურად და ვოკალურად.
- ბავშვს სულ თან დაატარებთ.
- ორი თვის იყო, როდესაც სცენაზე დავბრუნდი. იქიდან მოყოლებული, ჩემთან ერთად მოგზაურობს. უკვე ცხრა ქვეყანაშია ნამყოფი (იღიმის). 9 ძიძა გამოიცვალა. ძალიან კომუნიკაბელური და გახსნილი ბავშვია, ყველასთან რჩება. მთავარია, ეთამაშო და ბედნიერია. არ მინდოდა, რომ მხოლოდ ჩემზე ყოფილიყო მოწებებული.
- მეუღლესთან განმარტოებისა და რომანტიკის დრო თუ გაქვთ?
- ორივე რომ ოპერის მომღერალი ვართ, ამას აქვს თავისი დადებითი და ნეგატიური მხარეები. უარყოფითი ისაა, რომ ხშირად სხვადასხვა ქვეყანაში გვიწევს ყოფნა გასტროლების გამო, მაგრამ მაინც ვახერხებთ ერთად ყოფნას, თუკი ორი თავისუფალი დღე მაინც გვაქვს, აუცილებლად ვხვდებით ერთმანეთს. პატარა სულ ჩემთან არის, თუკი მხოლოდ ერთი კონცერტი მაქვს, მაშინ ჩემს მეუღლეს ან მის მშობლებს ვუტოვებ მილანში.
- როგორია თქვენი ცხოვრება მილანში?
- იქ ბინა გვაქვს, თორემ სულ გზაში ვართ. იტალიაში შედარებით მშვიდი ცხოვრება გვაქვს, უფრო ვარსკვლავური არის ხოლმე მაშინ, როდესაც ვარ ავსტრიაში, გერმანიაში, ესპანეთში, სადაც ყველა მცნობს. ერთი საინტერესო ამბავი მინდა გაგიზიაროთ. გერმანიაში ყოფნისას თეატრში მივდიოდი, საცობების გამო მეტროში ჩავედი. ვაგონში ჩემ წინ იჯდა გოგონა, რომელსაც ნოტები და მობილური ეკავა და ''იუთუბზე'' რაღაცას უყურებდა და ყურსასმენებით უსმენდა. უცებ ტელეფონი გადმოიწია და აღმოჩნდა, რომ უყურებდა ჩემს ვიდეოს, ''რომეო და ჯულიეტადან'' ჩემი არიის მიხედვით მეცადინეობდა. საოცარი დამთხვევა იყო. ძალიან გამიხარდა, მაგრამ თავი არ აუწევია და არაფერი მითქვამს. ბევრისგან მსმენია, რომ სტუდენტები ჩემი ნამღერიდან სწავლობენ, მაგრამ საკუთარი თვალით ვნახე (იღიმის).
- საქართველოში როგორია პოპულარობა?
- უდიდეს სითბოს ვგრძნობ, სადაც უნდა შევიდე. ჩემთვის უმნიშვნელოვანესი იყო კონცერტი კონსერვატორიაში, რომელსაც ესწრებოდნენ ის ადამიანები, რომელთა თვალწინაც გავიზარდე და ჩამოვყალიბდი. აპლოდისმენტებისა და ბრავოს შემდეგ თვალზე ცრემლი მომადგა, ძალიან ამიჩუყდა გული….
- ნინო, როგორ ფიქრობთ, რატომ არის ამდენი საოპერო მომღერალი სა-ქართველოდან მსოფლიოში წარმატებული?
- ვფიქრობ, ამას თავისი მიზეზები აქვს. ტექნიკა, რომელიც ქართულმა სკოლამ და დოდო დიასამიძემ მომცეს, სულ ჩემთან არის და არ გამომიცვლია. ჩვენ ბავშვობიდან ვიზრდებოდით მომღერლებად, გვქონდა სცენაზე გამოსვლისა და კონცერტების ჩატარების საშუალება, ფაქტობრივად, სცენაზე გავიზარდეთ, უცხოეთში კი 18-19 წლამდე ახალგაზრდებს სასწავლებელში არ იღებენ. გარდა ამისა, ძალიან ნიჭიერი ერი ვართ (იღიმის). ამ მიზეზებმა განაპირობა ის, რომ ''ლა სკალას'' სცენაზე არა როგორც სტუდენტი, არამედ როგორც მომღერალი ძალიან ახალგაზრდა დავდექი, მეც და სხვა ქართველებიც, ნინო სურგულაძე, ანიტა რაჭველიშვილი…...
წყარო: reitingi.ge
ნინო ასევე ოპერის მომღერალ მეუღლესთან, გუიდო ლოკონსოლოსა და შვილთან, ალესანდროსთან ერთად მილანში ცხოვრობს, თუმცა როგორც თავად ამბობს, გადატვირთული გრაფიკის გამო, რომელიც 2016 წლამდე უკვე დაგეგმილი აქვს, მუდმივად ჰაერში უწევს ყოფნა, თან ალესანდროსაც დაატარებს.
- როგორც იქნა, თბილისში ხართ. კონცერტისთვის ჩამოფრინდით, თუმცა აქ არ უნდა ყოფილიყავით…
- მართლაც ასეა. ბედნიერი ვარ, რომ ძალიან დიდი ხნის მოლოდინის შემდეგ კონსერვატორიაში ვიმღერე ფესტივალ ''აღდგომიდან ამაღლებამდე'' პროგრამის ფარგლებში. ეს საქველმოქმედო კონცერტი გახლდათ. სხვათა შორის, სამი კვირა უნდა ვყოფილიყავი დაკავებული ერთ-ერთ სულელურ დადგმაში, რომელში მონაწილეობაც არ ვისურვე. მთავაზობდნენ ჩაცმის არაადეკვატურ სტილს, ფაქტობრივად, ნახევრად შიშველი უნდა გავსულიყავი სცენაზე, ძალიან მოკლე პერანგში. კარიერა ასეთ წვრილმანებზე არ ამიწყვია, ასე რომ, ასეთ შემოთავაზებებზე ყოველთვის უარს ვამბობ. თანამედროვე ოპერა მიდრეკილია ამ გზებისკენ. როცა ხედავენ, რომ კარგ ფორმაში ხარ, გთავაზობენ, შეიძლება, ქვედაბოლო დავამოკლოთ? ჩემი პასუხია - არავითარ შემთხვევაში. მინდა, მაყურებელი ჩემს მოსასმენად მოვიდეს, თუმცა ძალიან ბევრმა სოპრანომ კარიერა ასე ააწყო, მე არავის ვაკრიტიკებ, ყველას საკუთარი გზა აქვს, თუმცა მე მაყურებელს ჩემი გარეგნობით არ ვიზიდავ.
- ხომ არ აპირებთ პაატა ბურჭულაძის, ნინო სურგულაძის მსგავსად, საკუთარი საქველმოქმედო ფონდი დააარსოთ?
- რასაკვირველია, ეს არაჩვეულებრივი წამოწყებებია და მივესალმები, რასაც აკეთებენ ბატონი პაატა, ნინო და სხვა კოლეგები. მე ჯერ არ მიფიქრია ფონდის ჩამოყალიბებაზე, რადგან მივიჩნევ, რომ ამას დიდი დრო სჭირდება, რაც ნამდვილად არ მაქვს. არ მინდა, მხოლოდ დავაარსო და ვიღაცას მივაბარო. ბატონი პაატა, ნინო, თამარ ივერი ამას ახერხებენ და ყოჩაღ მათ. მეც ვიფიქრებ ახლო მომავალში ამ თემაზე.
- 17 წლისა, კონსერვატორიაში რომ ჩააბარეთ, თუ იფიქრებდით, რომ ასეთ სიმაღლეებს მიაღწევდით?
- საქართველოში, ძალიან გაჭირვებულ წლებში, ქალაქში გადაადგილება შეუძლებელი რომ იყო, მშობლები ან ჩემი ძმა ფეხით მაცილებდნენ, რომ გაკვეთილები არ გამეცდინა. ძალიან მნიშვნელოვანია, როცა ბავშვი გრძნობს მხარდაჭერას ოჯახის მხრიდან. სადაც დღეს ვარ, გახლავთ ის, რისთვისაც ვშრომობდი, დილას გამყინვარებაში ვდგებოდი და სამეცადინოდ მივდიოდი.
- ამას წინათ წავიკითხე, რომ მსოფლიოს საუკეთესო სოპრანოთა ათეულში დაგასახელეს.
- გამოკითხვები მუდმივად იმართება, შედეგებს ხშირად მეც მედიის საშუალებით ვიგებ. რა თქმა უნდა, ყოველთვის ძალიან სასიამოვნოა. ინტერნეტით არ გამიგია და კონკურსის დირექტორმა პირადად დამირეკა, როდესაც შარშან ესპანეთში წლის საუკეთესო სოპრანოდ დამასახელეს. სეზონის განმავლობაში იქ 900-მდე სოპრანო იყო დაკავებული და მათ შორის 15-კაციანმა პროფესიონალურმა ჟიურიმ, რომელიც თეატრის დირექტორებით დაკომპლექტდა, მე დამასახელა. ნამღერი მქონდა ბარსელონასა და მადრიდში. ერთი დღე მქონდა თავისუფალი და სიამოვნებით ჩავფრინდი დაჯილდოების ცერემონიაზე (იღიმის), გაიმართა კონცერტი. ორი წლის წინ გამოკითხვაში მესამე ადგილზე გავედი ანა ნეტრებკოსა და ანჯელა გეორგიუს შემდეგ. ანა ჩემზე 11 წლით, ანჯელა კი - 20 წლით უფროსია. შარშან 30 წლის გახლდით და სამეულში შევედი. წლევანდელი გამოკითხვით ადგილები არ განაწილებულა, ათეული შედგა (იღიმის).
- ასევე დაგასახელეს მსოფლიოს ყველაზე ლამაზ საოპერო მომღერლად.
- დიახ, ამ გამოკითხვაში პირველი ადგილი დავიკავე (იღიმის). როგორ შეიძლება, არ გესიამოვნოს ეს ტიტული?
- იქაც გადარებენ ანჯელინა ჯოლის, როგორც საქართველოში?
- ყველგან. ოფიციალურად მიწოდებენ ''ლირიკის ანჯელინა ჯოლის''. როცა მეკითხებიან, ანჯელინა ჯოლისთან შედარება მაწუხებს თუ არა, ვპასუხობ, რომ არ მაწუხებს. რატომ არ უნდა მომეწონოს ეს შედარება? თან, მას გარეგნობის გარდა, ვაფასებ, როგორც ქალს, რომელიც უამრავ კარგ საქმეს აკეთებს. ოპერა არ არის პოდიუმი, მაგრამ მაინც სასიამოვნოა ამგვარი შეფასებები.
- შვილის გაჩენის შემდეგ ძალიან მალე ჩადექით ფორმაში.
- ფეხმძიმობისას გავაკეთე დიეტა, რომელიც ჩემმა პედიატრმა შემირჩია. ევროპაშიც, სამწუხაროდ, არის ასეთი დამოკიდებულება, რომ ორსულმა ქალმა ორის მაგივრად უნდა ჭამოს. დიეტა, რომელიც მე შემირჩიეს, არ იყო ადვილი გასაკეთებელი, რადგან ყველაფერი უნდა ამეწონა, მაგრამ ფეხმძიმობის განმავლობაში 6 კილო დავიკელი. გავაჩინე გიგანტი ბაია, 4 კილო და 200 გრამი და 56 სმ. გახლდათ. სამშობიაროდან ძალიან კარგ ფორმაში გამოვედი. ბოლო სპექტაკლი ბარსელონაში ვიმღერე რვა თვისა და ორი კვირის ფეხმძიმემ. ამით იმის თქმა მინდა, რომ ძალიან კარგ ფორმაში ვიყავი, ფიზიკურად და ვოკალურად.
- ბავშვს სულ თან დაატარებთ.
- ორი თვის იყო, როდესაც სცენაზე დავბრუნდი. იქიდან მოყოლებული, ჩემთან ერთად მოგზაურობს. უკვე ცხრა ქვეყანაშია ნამყოფი (იღიმის). 9 ძიძა გამოიცვალა. ძალიან კომუნიკაბელური და გახსნილი ბავშვია, ყველასთან რჩება. მთავარია, ეთამაშო და ბედნიერია. არ მინდოდა, რომ მხოლოდ ჩემზე ყოფილიყო მოწებებული.
- მეუღლესთან განმარტოებისა და რომანტიკის დრო თუ გაქვთ?
- ორივე რომ ოპერის მომღერალი ვართ, ამას აქვს თავისი დადებითი და ნეგატიური მხარეები. უარყოფითი ისაა, რომ ხშირად სხვადასხვა ქვეყანაში გვიწევს ყოფნა გასტროლების გამო, მაგრამ მაინც ვახერხებთ ერთად ყოფნას, თუკი ორი თავისუფალი დღე მაინც გვაქვს, აუცილებლად ვხვდებით ერთმანეთს. პატარა სულ ჩემთან არის, თუკი მხოლოდ ერთი კონცერტი მაქვს, მაშინ ჩემს მეუღლეს ან მის მშობლებს ვუტოვებ მილანში.
- როგორია თქვენი ცხოვრება მილანში?
- იქ ბინა გვაქვს, თორემ სულ გზაში ვართ. იტალიაში შედარებით მშვიდი ცხოვრება გვაქვს, უფრო ვარსკვლავური არის ხოლმე მაშინ, როდესაც ვარ ავსტრიაში, გერმანიაში, ესპანეთში, სადაც ყველა მცნობს. ერთი საინტერესო ამბავი მინდა გაგიზიაროთ. გერმანიაში ყოფნისას თეატრში მივდიოდი, საცობების გამო მეტროში ჩავედი. ვაგონში ჩემ წინ იჯდა გოგონა, რომელსაც ნოტები და მობილური ეკავა და ''იუთუბზე'' რაღაცას უყურებდა და ყურსასმენებით უსმენდა. უცებ ტელეფონი გადმოიწია და აღმოჩნდა, რომ უყურებდა ჩემს ვიდეოს, ''რომეო და ჯულიეტადან'' ჩემი არიის მიხედვით მეცადინეობდა. საოცარი დამთხვევა იყო. ძალიან გამიხარდა, მაგრამ თავი არ აუწევია და არაფერი მითქვამს. ბევრისგან მსმენია, რომ სტუდენტები ჩემი ნამღერიდან სწავლობენ, მაგრამ საკუთარი თვალით ვნახე (იღიმის).
- საქართველოში როგორია პოპულარობა?
- უდიდეს სითბოს ვგრძნობ, სადაც უნდა შევიდე. ჩემთვის უმნიშვნელოვანესი იყო კონცერტი კონსერვატორიაში, რომელსაც ესწრებოდნენ ის ადამიანები, რომელთა თვალწინაც გავიზარდე და ჩამოვყალიბდი. აპლოდისმენტებისა და ბრავოს შემდეგ თვალზე ცრემლი მომადგა, ძალიან ამიჩუყდა გული….
- ნინო, როგორ ფიქრობთ, რატომ არის ამდენი საოპერო მომღერალი სა-ქართველოდან მსოფლიოში წარმატებული?
- ვფიქრობ, ამას თავისი მიზეზები აქვს. ტექნიკა, რომელიც ქართულმა სკოლამ და დოდო დიასამიძემ მომცეს, სულ ჩემთან არის და არ გამომიცვლია. ჩვენ ბავშვობიდან ვიზრდებოდით მომღერლებად, გვქონდა სცენაზე გამოსვლისა და კონცერტების ჩატარების საშუალება, ფაქტობრივად, სცენაზე გავიზარდეთ, უცხოეთში კი 18-19 წლამდე ახალგაზრდებს სასწავლებელში არ იღებენ. გარდა ამისა, ძალიან ნიჭიერი ერი ვართ (იღიმის). ამ მიზეზებმა განაპირობა ის, რომ ''ლა სკალას'' სცენაზე არა როგორც სტუდენტი, არამედ როგორც მომღერალი ძალიან ახალგაზრდა დავდექი, მეც და სხვა ქართველებიც, ნინო სურგულაძე, ანიტა რაჭველიშვილი…...
წყარო: reitingi.ge
1 449 ნახვა
26-04-2015, 11:34
