• დამაბრმავებელი ფუფუნება - ბრუნეის სულთანმა ვაჟი დააქორწინა

    არც ისე დიდი ხნის წინ ვწერდით ბრუნეის სულთნის ქალიშვილის ზღაპრულ ქორწილზე. ახლა კი სულთანმა ჰასანალ ბოლკიახმა უმცროსი ვაჟი დააქორწინა - 31 წლის პრინცი აბდულა მალიკი.

    ცერემონია მართლაც გრანდიოზული გამოვიდა. ბრუნეის დედაქალაქ ბანბარ-სერი-ბეგავანში ქორწილი 5 აპრილს დაიწყო და 9 დღეს გაგრძელდა. სულთნის ქონება 37,9 მლრდ დოლარად არის შეფასებული, ის ერთ-ერთი უმდიდრესი ადამიანია, ამიტომ ამ გაქანების დღესასწაულის მოწყობა პრობლემა არ ყოფილა. ის ყველაფერს აღმოსავლური ხელგაშლილობით აკეთებს: სულთნის ავტოპარკში 600 მანქანაა (რომელთაგან რამდენიმე სპეციალურად მისთვის არის შექმნილი, ერთ ეგზემპლარად), რეზიდენცია - 200 ათასი კვადრატული მეტრი - 1788 ოთახით.

    31 წლის პრინცმა, რომელიც ტახტის მეკვიდრეთა რიგში მეორეა, 22 წლის დაიანკა რააბიატულ ადავია პენგირან ჰაჯი ბოლკია აირჩია ცოლად, რომელიც ადრე ერთ-ერთ კომპანიაში ანალიტიკოსად მუშაობდა. ქორწილი სულთნის რეზიდენციაში შედგა და 5 ათასი სტუმარი დაესწრო - მათ შორის უცხოელი დიპლომატები, ნათესავები და მეგობრები, ასევე ადგილობრივი ვარსკვლავები.
    პატარძლის სამკაულებმა საზოგადოება გააოგნა. ზურმუხტითა და ბრილიანტებით მოოჭვილი ყელსაბამის, გვირგვინისა და ბეჭდების მიახლოებითი ფასიც კი ვერ დადგინდა.

    პატარძალი მთლიანად ბრწყინავდა. ფეხზე `კრისტიან ლაბუტენის~ სვაროვსკის ქვებით მოჭედილი ფეხსაცმელი ეცვა, რომელიც 3,5 ათასი დოლარი ღირს, სხვადასხვა კუტიურიეების სამოსი კი რამდენჯერმე გამოიცვალა. მისი თაიგულიც ყვავილების კი არ იყო, არამედ ძვირფასი ქვების.

    სულ ბრუნეის სულთანს 12 შვილი ჰყავს - 5 ვაჟი და 7 ქალიშვილი, სამი ქორწინებიდან. ამჟამად პირველ ცოლთან ცხოვრობს - მეორე და მესამე ცოლებს გაშორდა.
    წყარო: reitingi.ge
    1 501 ნახვა
    26-04-2015, 11:35
    GOGATV

    abezara