გოდერძი შარაშია:''ყველას აინტერესებდა, რა ეცმებოდა დაჩი კოპაძის მეგობარ გოგონას''
''ორი ვარსკვლავის'' მეორე სეზონი დამთავრდა. გამარჯვებული ჟურნალისტი გოდერძი შარაშია გახდა, რომელსაც ფინალის მეორე დღეს ვესაუბრეთ.
- ჯერ კიდევ ვერ გამოვდივარ ემოციებიდან. გამარჯვებულად ჩემი სახელი და გვარი რომ გამოაცხადეს, მერე რამდენიმე წუთის განმავლობაში რა ხდებოდა, არაფერი მახსოვს. ვერც ვუყურე. არ ვიცი, როგორ მოვიქეცი და რა გავაკეთე. რომ დავლაგდები, მერე ვნახავ. ეს წუთები ჩემთვის ფიზიკურად ძალიან მძიმედ გადასატანი იყო. ძალიან დიდი პასუხისმგებლობა ვიგრძენი, თითქოს მძიმე ტვირთი ავწიე. პირველად მივხვდი ცხოვრებაში, როგორი ყოფილა სპორტსმენებისა და მომღერლების შეგრძნებები, რომლებიც კონკურსებსა და შეჯიბრებებზე იმარჯვებენ. ბოლო სამი თვე ჩემი ცხოვრების ყველაზე რთული პერიოდი იყო. უნდა მეკეთებინა ის, რაც ყველაზე ცუდად გამომდიოდა. ამ პერიოდმა ძალიან ბევრი ენერგია წამართვა, მაგრამ ყველაფერი ბოლო ემოციად ღირდა. პროექტის დაწყებისას ფინალში მოხვედრაზე არც მიფიქრია. ბოლო ტურებზე ვიფიქრე, რომ შეიძლებოდა, მსგავსი სასწაული მომხდარიყო, მაგრამ გუ-ლახდილად გეტყვით, ჩემ ადგილას სხვები უფრო წარმომედგინა.
- მაგალითად, ვინ?
- ფინალში წარმომედგინა მიკი ჯეჯელავა, მანიკა ასათიანი, ვფიქრობდი, რომ შესაძლო იყო, ხათუნა ჟორდანიას გაემარჯვა. აღარაფერს ვამბობ პეჩოზე, რომელიც პროფესიონალი მომღე-რალია. დარწმუნებული ვიყავი, რომ პროექტს ფინალამდე ბევრად ადრე დავტოვებდი, მაგრამ ამის შემდეგ შემიძლია დავიჯერო, რომ სასწაულებიც ხდება. ყველაზე მთავარი კი ისაა, რომ როდესაც ფინალის რეპეტიცია გავიარეთ, დუტაც და მაკა ზამბახიძეც გავაფრთხილე, არ მითხრათ, მანქანაში ჩაჯექი და გაატარეო, რადგან მანქანის ტარება არ ვიცი. დღემდე სულ ''მარშრუტკით'' და ტაქსით დავდიოდი. ოჯახში მანქანა გვყავდა, მაგრამ ყოველთვის მძღოლის გვერდით მიყვარდა ჯდომა. საქმიანობაში ვიყავი ჩართული და ვერასდროს მოვიცალე, რომ ბილეთები მესწავლა და მართვის მოწმობა ამეღო.
- აპირებ მართვის მოწმობის აღებას, თუ გაყიდი მოგებულ მანქანას?
- კარგად ტარება უნდა ვისწავლო, სხვა გზა არ მაქვს. რომ მნდომებოდა, მანქანას შევიძენდი, მაგრამ ამის სურვილი არასდროს გამჩენია. ჩემმა მეუღლემაც არ იცის ტარება და ის მეუბნებოდა ვიყიდოთო, მაგრამ ვერ მოვახერხეთ. ხომ უცნაურია, რომ პროექტში იმან მოიგო, ვინც მანქანის ტარება არ იცის. პატარა არ ვარ, 44 წლის გახლავართ და კარგად ვიცი, როდესაც ამხელა რამ მოხდება შენს ცხოვრებაში, გარკვეულ ადამიანებს მიუძღვით წვლილი და დარწმუნებული ვარ, რომ არა ჩემი პარტნიორი ელენე ფოჩხუა, მე ვერ გავიმარჯვებდი. ელენე არის ადამიანი კომფორტი და ადამიანი იუმორი. ჩემთვის ფუფუნება იყო მასთან ერთად სიმღერა.
- პროექტს თან ახლდა სკანდალებიც. ზოგი მიიჩნევდა, რომ დაჩაგრეს.
- მსგავს კონკურსებში ყველა კონკურსანტს ჰგონია, რომ თვითონ ყველაზე უკეთესია, ამიტომ ზოგი შეიძლება, განაწყენებული წავიდეს. როდესაც პეჩოსთან ერთად ვიდექი აუტსაიდერებში და მან პროექტი დატოვა, ბოდიში მოვუ-ხადე. მისმა მეწყვილე მაგდა ვასაძემ კი მოგვიანებით ინტერვიუში თქვა, გული დამწყდებოდა, გოდერძი რომ გავარდ-ნილიყოო. ჩემთვის ეს ადამიანური მო-მენტები გამარჯვებასა და მანქანაზე მნიშვნელოვანი იყო. ბედნიერი ვარ, რომ ძალიან ბევრი კარგი ადამიანი გავიცანი. მადლობელი ვარ ჟიურის წევრების, რომლებმაც ყველანაირი შენიშვნა მომ-ცეს. მეუბნებოდნენ, რომ ხმაში ქვიშა მაკლდა, რომ ჩემი მეგრული ნამღერი არ იყო ისეთი სევდიანი, როგორიც უნდა ყოფილიყო. ერთ ტურში მითხრეს, რომ ''გავიზარდე'' და მეორე ტურში აღარ ვი-ყავი ''გაზრდილი''. ყველაფერი მახსოვს, რაც ჟიურის ჩემთვის აქვს ნათქვამი, არ დამინდეს და ყველა ხარვეზი ხმამაღ-ლა მითხრეს. როდესაც ფინალის დღეს სახლიდან გავდიოდი, ღმერთს ვუთხარი, თუ დავიმსახურე, მომეცი ეს გამარჯვება, თუ არადა, არ მინდა-მეთქი.
- ფინალამდე ერთი დღით ადრე დაჩი კოპაძის ინტერვიუმ სოცია-ლური ქსელები მოიარა. ამბობდა, ცოლი მოკლე კაბის ჩაცმას ვერ გამიბედავსო.
- იმ დღეს დაჩიმ მითხრა, რომ სო-ციალურ ქსელში მის ინტერვიუზე ბევრს ლაპარაკობდნენ. მკითხა, როგორ მოვი-ქცეო. ვურჩიე, ინტერვიუებში არაფერი ეთქვა ამის შესახებ, რადგან ვისაც არ ჰქონდა წაკითხული, ამის მერე უფრო წაიკითხავდნენ და დამიჯერა. თავად ამბობდა, ასე მკაცრად არ მითქვამსო, მაგრამ მერე საიტზე ჩანაწერი გავრ-ცელდა. პატარაა ჯერ და ძალიან ნერ-ვიულობდა, ვგულშემატკივრობდი და ვეუბნებოდი, რომ ამ ყველაფერზე არ ენერვიულა და მხოლოდ სიმღერაზე ეფიქრა. სიმართლე გითხრათ, ძალიან ღირსეულად მოიქცა, როდესაც გა-მარჯვების შემდეგ ჩემთან მოვიდა და მითხრა, მე და შენ მთელი ცხოვრება მეგობრებად უნდა დავრჩეთო.
- შენ რას ფიქრობ მოკლე კაბებთან დაკავშირებით?
- ძალიან ხშირად მეუღლეს კაბა შეუკერავს და მითქვამს, შეგეძლო, უფრო დაგემოკლებინა-მეთქი. მოკლე კაბებზე გართულება ნამდვილად არ მაქვს და არ მგონია, დაჩის ჰქონდეს. რატომ მისცა ასეთი ინტერვიუ, ნამდვილად არ ვიცი. დაჩის მეგობარ გო-გონას ფინალზე რა ეცმებოდა, ყველას აინტერესებდა და ყველა მას უყურებდა. მინდა გითხრათ, რომ მშვენივრად ჩაცმული მოვიდა. მოკლე კაბა და მო- ღებული ზედა ეცვა და ძალიან კარგად გამოიყურებოდა.
- როგორია შენი დამოკიდებულება სიმღერისადმი. გააგრძელებ ამ მიმართულებით შენს თავზე მუშაობას?
- (იცინის) ამ ქართულ შოუბიზნესს მეღა ვაკლივარ? ჩემი ორთვენახევრიანი მუსიკალური კარიერა დამთავრდა. ყველამ ჩვენი საქმე უნდა ვაკეთოთ.
წყარო: reitingi.ge
- ჯერ კიდევ ვერ გამოვდივარ ემოციებიდან. გამარჯვებულად ჩემი სახელი და გვარი რომ გამოაცხადეს, მერე რამდენიმე წუთის განმავლობაში რა ხდებოდა, არაფერი მახსოვს. ვერც ვუყურე. არ ვიცი, როგორ მოვიქეცი და რა გავაკეთე. რომ დავლაგდები, მერე ვნახავ. ეს წუთები ჩემთვის ფიზიკურად ძალიან მძიმედ გადასატანი იყო. ძალიან დიდი პასუხისმგებლობა ვიგრძენი, თითქოს მძიმე ტვირთი ავწიე. პირველად მივხვდი ცხოვრებაში, როგორი ყოფილა სპორტსმენებისა და მომღერლების შეგრძნებები, რომლებიც კონკურსებსა და შეჯიბრებებზე იმარჯვებენ. ბოლო სამი თვე ჩემი ცხოვრების ყველაზე რთული პერიოდი იყო. უნდა მეკეთებინა ის, რაც ყველაზე ცუდად გამომდიოდა. ამ პერიოდმა ძალიან ბევრი ენერგია წამართვა, მაგრამ ყველაფერი ბოლო ემოციად ღირდა. პროექტის დაწყებისას ფინალში მოხვედრაზე არც მიფიქრია. ბოლო ტურებზე ვიფიქრე, რომ შეიძლებოდა, მსგავსი სასწაული მომხდარიყო, მაგრამ გუ-ლახდილად გეტყვით, ჩემ ადგილას სხვები უფრო წარმომედგინა.
- მაგალითად, ვინ?
- ფინალში წარმომედგინა მიკი ჯეჯელავა, მანიკა ასათიანი, ვფიქრობდი, რომ შესაძლო იყო, ხათუნა ჟორდანიას გაემარჯვა. აღარაფერს ვამბობ პეჩოზე, რომელიც პროფესიონალი მომღე-რალია. დარწმუნებული ვიყავი, რომ პროექტს ფინალამდე ბევრად ადრე დავტოვებდი, მაგრამ ამის შემდეგ შემიძლია დავიჯერო, რომ სასწაულებიც ხდება. ყველაზე მთავარი კი ისაა, რომ როდესაც ფინალის რეპეტიცია გავიარეთ, დუტაც და მაკა ზამბახიძეც გავაფრთხილე, არ მითხრათ, მანქანაში ჩაჯექი და გაატარეო, რადგან მანქანის ტარება არ ვიცი. დღემდე სულ ''მარშრუტკით'' და ტაქსით დავდიოდი. ოჯახში მანქანა გვყავდა, მაგრამ ყოველთვის მძღოლის გვერდით მიყვარდა ჯდომა. საქმიანობაში ვიყავი ჩართული და ვერასდროს მოვიცალე, რომ ბილეთები მესწავლა და მართვის მოწმობა ამეღო.
- აპირებ მართვის მოწმობის აღებას, თუ გაყიდი მოგებულ მანქანას?
- კარგად ტარება უნდა ვისწავლო, სხვა გზა არ მაქვს. რომ მნდომებოდა, მანქანას შევიძენდი, მაგრამ ამის სურვილი არასდროს გამჩენია. ჩემმა მეუღლემაც არ იცის ტარება და ის მეუბნებოდა ვიყიდოთო, მაგრამ ვერ მოვახერხეთ. ხომ უცნაურია, რომ პროექტში იმან მოიგო, ვინც მანქანის ტარება არ იცის. პატარა არ ვარ, 44 წლის გახლავართ და კარგად ვიცი, როდესაც ამხელა რამ მოხდება შენს ცხოვრებაში, გარკვეულ ადამიანებს მიუძღვით წვლილი და დარწმუნებული ვარ, რომ არა ჩემი პარტნიორი ელენე ფოჩხუა, მე ვერ გავიმარჯვებდი. ელენე არის ადამიანი კომფორტი და ადამიანი იუმორი. ჩემთვის ფუფუნება იყო მასთან ერთად სიმღერა.
- პროექტს თან ახლდა სკანდალებიც. ზოგი მიიჩნევდა, რომ დაჩაგრეს.
- მსგავს კონკურსებში ყველა კონკურსანტს ჰგონია, რომ თვითონ ყველაზე უკეთესია, ამიტომ ზოგი შეიძლება, განაწყენებული წავიდეს. როდესაც პეჩოსთან ერთად ვიდექი აუტსაიდერებში და მან პროექტი დატოვა, ბოდიში მოვუ-ხადე. მისმა მეწყვილე მაგდა ვასაძემ კი მოგვიანებით ინტერვიუში თქვა, გული დამწყდებოდა, გოდერძი რომ გავარდ-ნილიყოო. ჩემთვის ეს ადამიანური მო-მენტები გამარჯვებასა და მანქანაზე მნიშვნელოვანი იყო. ბედნიერი ვარ, რომ ძალიან ბევრი კარგი ადამიანი გავიცანი. მადლობელი ვარ ჟიურის წევრების, რომლებმაც ყველანაირი შენიშვნა მომ-ცეს. მეუბნებოდნენ, რომ ხმაში ქვიშა მაკლდა, რომ ჩემი მეგრული ნამღერი არ იყო ისეთი სევდიანი, როგორიც უნდა ყოფილიყო. ერთ ტურში მითხრეს, რომ ''გავიზარდე'' და მეორე ტურში აღარ ვი-ყავი ''გაზრდილი''. ყველაფერი მახსოვს, რაც ჟიურის ჩემთვის აქვს ნათქვამი, არ დამინდეს და ყველა ხარვეზი ხმამაღ-ლა მითხრეს. როდესაც ფინალის დღეს სახლიდან გავდიოდი, ღმერთს ვუთხარი, თუ დავიმსახურე, მომეცი ეს გამარჯვება, თუ არადა, არ მინდა-მეთქი.
- ფინალამდე ერთი დღით ადრე დაჩი კოპაძის ინტერვიუმ სოცია-ლური ქსელები მოიარა. ამბობდა, ცოლი მოკლე კაბის ჩაცმას ვერ გამიბედავსო.
- იმ დღეს დაჩიმ მითხრა, რომ სო-ციალურ ქსელში მის ინტერვიუზე ბევრს ლაპარაკობდნენ. მკითხა, როგორ მოვი-ქცეო. ვურჩიე, ინტერვიუებში არაფერი ეთქვა ამის შესახებ, რადგან ვისაც არ ჰქონდა წაკითხული, ამის მერე უფრო წაიკითხავდნენ და დამიჯერა. თავად ამბობდა, ასე მკაცრად არ მითქვამსო, მაგრამ მერე საიტზე ჩანაწერი გავრ-ცელდა. პატარაა ჯერ და ძალიან ნერ-ვიულობდა, ვგულშემატკივრობდი და ვეუბნებოდი, რომ ამ ყველაფერზე არ ენერვიულა და მხოლოდ სიმღერაზე ეფიქრა. სიმართლე გითხრათ, ძალიან ღირსეულად მოიქცა, როდესაც გა-მარჯვების შემდეგ ჩემთან მოვიდა და მითხრა, მე და შენ მთელი ცხოვრება მეგობრებად უნდა დავრჩეთო.
- შენ რას ფიქრობ მოკლე კაბებთან დაკავშირებით?
- ძალიან ხშირად მეუღლეს კაბა შეუკერავს და მითქვამს, შეგეძლო, უფრო დაგემოკლებინა-მეთქი. მოკლე კაბებზე გართულება ნამდვილად არ მაქვს და არ მგონია, დაჩის ჰქონდეს. რატომ მისცა ასეთი ინტერვიუ, ნამდვილად არ ვიცი. დაჩის მეგობარ გო-გონას ფინალზე რა ეცმებოდა, ყველას აინტერესებდა და ყველა მას უყურებდა. მინდა გითხრათ, რომ მშვენივრად ჩაცმული მოვიდა. მოკლე კაბა და მო- ღებული ზედა ეცვა და ძალიან კარგად გამოიყურებოდა.
- როგორია შენი დამოკიდებულება სიმღერისადმი. გააგრძელებ ამ მიმართულებით შენს თავზე მუშაობას?
- (იცინის) ამ ქართულ შოუბიზნესს მეღა ვაკლივარ? ჩემი ორთვენახევრიანი მუსიკალური კარიერა დამთავრდა. ყველამ ჩვენი საქმე უნდა ვაკეთოთ.
წყარო: reitingi.ge
1 365 ნახვა
3-05-2015, 00:16
