ანი ქორქიას პატრული შეღავათს არ უწევს
სანამ ანი ქორქიასთან მანქანის თემაზე ვისაუბრებდით, მისი ამჟამინდელი საქმიანობით დავინტერესდით,''ამ მომენტში პაუზა მაქვს, მანამდეც არ იყო ჩემი სამუშაო გრაფიკი მაინცდამაინც გადატვირთული, მაგრამ ახლა სრულიად თავისუფალი ვარ. დილაობით სავარჯიშოდ მივდივარ, მერე ვბრუნდები ბავშვთან, შემდეგ კი ვნახულობ დას, დედას, მეგობრებს. სექტემბრიდან რომ დავიწყებ აქტიურად მუშაობას, ეგ ვიცი, თუმცა გამორიცხული არაა, მანამდე სხვა პროექტში ჩავერთო''.
- მანქანის მართვა იქამდეც ვიცოდი, სანამ მართვის მოწმობას ავიღებდი, თუმცა საკუთარი და სხვისი უსაფრთხოების გამო არ მიცდია, საჭეს მივჯდომოდი და ქუჩებში მევლო. ზოგადად, მანქანის ტარება ჩემმა ბიძაშვილმა სპორტულ მანქანაზე მასწავლა, რომლის მართვაც საკმაოდ რთულია, რადგან დიდი ძრავა აქვს. თუმცა ჩემი ბიძაშვილის დღემდე მადლიერი ვარ, რადგან როცა რთულზე იწყებ სწავლას, მერე მარტივზე გადაჯდომა და იმის ტარება გიადვილდება, ასე მოხდა ჩემ შემთხვევაშიც, საერთოდ არ გამჭირვებია ქალაქში სიარული. მართვის მოწმობაც ძალიან იოლად ავიღე, პირველივე ჯერზე ჩავაბარე ორივე გამოცდა.
- რა მოთხოვნები, რა კრიტერიუმები გაქვს მანქანასთან დაკავშირებით?
- სასურველია, ცუდად არ გამოიყურებოდეს, კარგია, თუ იქნება''მერსედესის'' მარკის, რადგან მიადვილდება მისი მართვა, კომფორტულია, როგორც მძღოლისთვის, ასევე მგზა-ვრისთვის. გზებიდან გამომდინარე კი კარგია, თუ თბილისში გყავს ჯიპი და არა სედანი, თუმცა იმას ნამდვილად ვერ ვიტყვი, რომელიმე მანქანაზე ვერ დავჯდები-მეთქი.
- გარდა გადაადგილების საშუალებისა, რა დატვირთვა აქვს ავტომობილს შენთვის?
- მანქანას მხოლოდ იმ შემთხვევაში ვიყენებ, თუ მეჩქარება, ცუდი ამინდია ან შორ მანძილზე მივდივარ. თუ ამინდი ხელს მიწყობს, გავდივარ, რომ ვნახო მეგობარი, გავიარო მაღაზიებში, შევხვდე ჩემს დას, მაშინ სიამოვნებით გადავაადგილდები ფეხით.
- მანქანის ტექნიკურ დეტალებში ერკვევი?
- ვერა, ელემენტარულ რაღაცებს თვითონ მანქანა გატყობინებს და ვხვდები, მაგრამ თუ რაღაც დაუზიანდა და გაჩერდა, მაშინ უკვე დახმარება მჭირდება. სხვათა შორის, ერთხელ ჩემს მეგობარ გოგონას საბურავი გამოვუცვალე, თვითონ არ იცოდა, გამოუვალი მდგომარეობა იყო და დავეხმარე. საკუთარ მანქანაზე მსგავსი რამ არ დამჭირვებია, როცა პრობლემა მაქვს, მირჩევნია, პროფესიონალმა ნახოს, ჩემს მეუღლეს მიჰყავს ხოლმე ავტოტექმომსახურების ცენტრში და ყველანაირ საკითხს მიგვარებს, გარეცხვაც მისთვის მაქვს მინდობილი.
- პატრული ხშირად გაჩერებს?
- ხშირად ნამდვილად არ მაჩერებენ. იშვიათად, ისიც ვიდეოთვალის ჯარიმა თუ გადამიხდია. თუ ვაშავებ და მაჩერებს, არ ვთხოვ, ჯარიმა არ დამიწერონ, ეს სწორი არ მგონია, ცნობადობის გამო შეიძლება განსაკუთრებული სითბო გამოხატონ, მაგრამ შეღავათი გაეწიოთ, ასეთი ფაქტი არ მახსოვს. თუ დამიშავებია, ჯარიმა გამოუწერიათ და გადამიხდია.
- ანი, ოდესმე მცირე ავტოსაგზაო შემთხვევა გქონია?
- შეიძლება, დისკი გაჩხაპნო, ავტომობილს უმნიშვნელო ზიანი მიაყენო, მაგრამ ისეთი სერიოზული შემთხვევა არ მქონია, რომ პატრული მოსულიყო, სხვისი ან ჩემი მანქანა გა-საკეთებელი გამხდარიყო და ა.შ.
- შენც მიგაჩნია, რომ ქალები მანქანას ცუდად მართავენ?
- გავრცელებულ სტერეოტიპს ვეთანხმები. თუკი საჭესთან მჯდომს რომელიმე ავტომობილთან მიჩნდება პრეტენზია, ვხედავ, რომ მას მანდილოსანი მართავს. მიუხედავად ამისა, ბევრ ქალს ვიცნობ, რომელიც მამაკაცებზე კარგად ატარებს მანქანას.
- როგორია საჭესთან გაბრაზებული ანი?
- ზოგჯერ ვბრაზდები, მაგრამ დიდად არ გამოვხატავ. მაგალითად, ჩემი რამდენიმე მეგობარი ჩხუბობს ხოლმე, მე კი ვცდილობ, მშვიდად შევხვდე ასეთ რაღაცებს. აყოლა არ ღირს, თუ ასეთ დეტალებზე ნერვები მოიშალე, დანიშნულების ადგილას ცუდ ხასიათზე მიხვალ.
- მანქანის ნომრები რა დატვირთვას ატარებს შენთვის?
- სახელს ნამდვილად არ დავაწერდი ავტომობილს, თუმცა არჩევანში ყველა თავისუფალია და ვისაც რა უნდა, იმას დააწერს საკუთარ მანქანას. ჩემი სანომრე ნიშნის ციფრები ერთნაირია, ჩემი მეუღლე საფეხბურთო კლუბ''ბარსელონას'' ფანკლუბის პრეზიდენტია, მეც ძალიან მიყვარს ბარსელონა და ნომრის სერიაც შესაბამისი მაქვს FCB.
- მეუღლე როგორ აფასებს შენს მძღოლობას?
- ყოველთვის ნერვიულობს, როცა საჭესთან ვზივარ, დაძაბულია. თუკი ერთი ავტომობილით გვიწევს გადაადგილება, მაშინ საჭეს თვითონ მიუჯდება ხოლმე.
წყარო: .reitingi.ge
- მანქანის მართვა იქამდეც ვიცოდი, სანამ მართვის მოწმობას ავიღებდი, თუმცა საკუთარი და სხვისი უსაფრთხოების გამო არ მიცდია, საჭეს მივჯდომოდი და ქუჩებში მევლო. ზოგადად, მანქანის ტარება ჩემმა ბიძაშვილმა სპორტულ მანქანაზე მასწავლა, რომლის მართვაც საკმაოდ რთულია, რადგან დიდი ძრავა აქვს. თუმცა ჩემი ბიძაშვილის დღემდე მადლიერი ვარ, რადგან როცა რთულზე იწყებ სწავლას, მერე მარტივზე გადაჯდომა და იმის ტარება გიადვილდება, ასე მოხდა ჩემ შემთხვევაშიც, საერთოდ არ გამჭირვებია ქალაქში სიარული. მართვის მოწმობაც ძალიან იოლად ავიღე, პირველივე ჯერზე ჩავაბარე ორივე გამოცდა.
- რა მოთხოვნები, რა კრიტერიუმები გაქვს მანქანასთან დაკავშირებით?
- სასურველია, ცუდად არ გამოიყურებოდეს, კარგია, თუ იქნება''მერსედესის'' მარკის, რადგან მიადვილდება მისი მართვა, კომფორტულია, როგორც მძღოლისთვის, ასევე მგზა-ვრისთვის. გზებიდან გამომდინარე კი კარგია, თუ თბილისში გყავს ჯიპი და არა სედანი, თუმცა იმას ნამდვილად ვერ ვიტყვი, რომელიმე მანქანაზე ვერ დავჯდები-მეთქი.
- გარდა გადაადგილების საშუალებისა, რა დატვირთვა აქვს ავტომობილს შენთვის?
- მანქანას მხოლოდ იმ შემთხვევაში ვიყენებ, თუ მეჩქარება, ცუდი ამინდია ან შორ მანძილზე მივდივარ. თუ ამინდი ხელს მიწყობს, გავდივარ, რომ ვნახო მეგობარი, გავიარო მაღაზიებში, შევხვდე ჩემს დას, მაშინ სიამოვნებით გადავაადგილდები ფეხით.
- მანქანის ტექნიკურ დეტალებში ერკვევი?
- ვერა, ელემენტარულ რაღაცებს თვითონ მანქანა გატყობინებს და ვხვდები, მაგრამ თუ რაღაც დაუზიანდა და გაჩერდა, მაშინ უკვე დახმარება მჭირდება. სხვათა შორის, ერთხელ ჩემს მეგობარ გოგონას საბურავი გამოვუცვალე, თვითონ არ იცოდა, გამოუვალი მდგომარეობა იყო და დავეხმარე. საკუთარ მანქანაზე მსგავსი რამ არ დამჭირვებია, როცა პრობლემა მაქვს, მირჩევნია, პროფესიონალმა ნახოს, ჩემს მეუღლეს მიჰყავს ხოლმე ავტოტექმომსახურების ცენტრში და ყველანაირ საკითხს მიგვარებს, გარეცხვაც მისთვის მაქვს მინდობილი.
- პატრული ხშირად გაჩერებს?
- ხშირად ნამდვილად არ მაჩერებენ. იშვიათად, ისიც ვიდეოთვალის ჯარიმა თუ გადამიხდია. თუ ვაშავებ და მაჩერებს, არ ვთხოვ, ჯარიმა არ დამიწერონ, ეს სწორი არ მგონია, ცნობადობის გამო შეიძლება განსაკუთრებული სითბო გამოხატონ, მაგრამ შეღავათი გაეწიოთ, ასეთი ფაქტი არ მახსოვს. თუ დამიშავებია, ჯარიმა გამოუწერიათ და გადამიხდია.
- ანი, ოდესმე მცირე ავტოსაგზაო შემთხვევა გქონია?
- შეიძლება, დისკი გაჩხაპნო, ავტომობილს უმნიშვნელო ზიანი მიაყენო, მაგრამ ისეთი სერიოზული შემთხვევა არ მქონია, რომ პატრული მოსულიყო, სხვისი ან ჩემი მანქანა გა-საკეთებელი გამხდარიყო და ა.შ.
- შენც მიგაჩნია, რომ ქალები მანქანას ცუდად მართავენ?
- გავრცელებულ სტერეოტიპს ვეთანხმები. თუკი საჭესთან მჯდომს რომელიმე ავტომობილთან მიჩნდება პრეტენზია, ვხედავ, რომ მას მანდილოსანი მართავს. მიუხედავად ამისა, ბევრ ქალს ვიცნობ, რომელიც მამაკაცებზე კარგად ატარებს მანქანას.
- როგორია საჭესთან გაბრაზებული ანი?
- ზოგჯერ ვბრაზდები, მაგრამ დიდად არ გამოვხატავ. მაგალითად, ჩემი რამდენიმე მეგობარი ჩხუბობს ხოლმე, მე კი ვცდილობ, მშვიდად შევხვდე ასეთ რაღაცებს. აყოლა არ ღირს, თუ ასეთ დეტალებზე ნერვები მოიშალე, დანიშნულების ადგილას ცუდ ხასიათზე მიხვალ.
- მანქანის ნომრები რა დატვირთვას ატარებს შენთვის?
- სახელს ნამდვილად არ დავაწერდი ავტომობილს, თუმცა არჩევანში ყველა თავისუფალია და ვისაც რა უნდა, იმას დააწერს საკუთარ მანქანას. ჩემი სანომრე ნიშნის ციფრები ერთნაირია, ჩემი მეუღლე საფეხბურთო კლუბ''ბარსელონას'' ფანკლუბის პრეზიდენტია, მეც ძალიან მიყვარს ბარსელონა და ნომრის სერიაც შესაბამისი მაქვს FCB.
- მეუღლე როგორ აფასებს შენს მძღოლობას?
- ყოველთვის ნერვიულობს, როცა საჭესთან ვზივარ, დაძაბულია. თუკი ერთი ავტომობილით გვიწევს გადაადგილება, მაშინ საჭეს თვითონ მიუჯდება ხოლმე.
წყარო: .reitingi.ge
1 475 ნახვა
23-05-2015, 00:18
