ცეცხლში გადაგდებული ბავშვი ახლა 41 წლისაა და დედისგან პასუხს ითხოვს

ემი ვუდვარდს-დევისი, რომელიც ახლა 41 წლისაა, დაბადებისთანავე საშინელი ტრაგედიის მსხვერპლი გახდა. ის დედამ, გაზეთებში შეხვეული, ცეცხლმოკიდებული ნაგვის გროვაში ჩააგდო. გოგონამ სხეულის 70%-ის დამწვრობა მიიღო.

ემი 16 წლის გოგონამ გააჩინა, რომელმაც თავიდან არ იცოდა, რომ ფეხმძიმედ იყო.
ხოლო როცა იმშობიარა, ბავშვის თავიდან მოშორება გადაწყვიტა.

ცეცხლმოკიდებული გოგონა ბაბუამ აღმოაჩინა, რომელსაც ბავშვის ტირილის ხმა ჯერ კატის კნავილი ეგონა, მერე კი ხმას გაჰყვა და ახალშობილი იპოვა.

ემიმ მას შემდეგ 200 ოპერაცია გადაიტანა. ის დამწვრობების მკურნალმა ლენა ვუდვორდის ოჯახმა იშვილა და ოც წელზე მეტი საავადმყოფოებში ატარა.

5 წლის ემის დააინტერესა, რატომ ჰქონდა სხეული დამწვარი. პასუხი მიიღო: უთხრეს, რომ ცუდი დედა ჰყავდა, ახლა კი საშიშროება აღარ ემუქრება.
თუმცა როცა გაიზარდა, გოგონამ ნამდვილი დედის ძებნა დაიწყო და ახლახანს მიაგნო მამას, შემდეგ კი იმ სახლშიც მივიდა, სადაც გაჩნდა და რომლის სიახლოვესაც ნაგვის გროვაში ჩააგდეს.

აღმოჩნდა, რომ მისი ბიოლოგიური დედ-მამა დღემდე ერთად ცხოვრობენ და ორი შვილიც ჰყავთ. როცა სახლს ათვალიერებინებდნენ, ემი მხოლოდ ერთ ოთახში არ შეიყვანეს - იქ, სადაც გოგონა გაჩნდა.

ახლა ამ ისტორიის გმირი ყოველდღე ელოდება დედისგან პასუხს კითხვაზე - რა მოხდა იმ დღეს, როცა მან ახალშობილი ცეცხლში ჩასაგდებად გაიმეტა.