ოდრი ჰეპბერნის ვაჟი დედის კომპლექსებზე ალაპარაკდა

მილიონობით ადამიანი მიიჩნევს ოდრი ჰეპბერნს ქალურობისა და სილამაზის ეტალონად, თუმცა აღმოჩნდა, რომ თვითონ სულ სხვაგვარი აზრის იყო საკუთარ თავზე.

გარდაცვლილი ვარსკვლავის ვაჟმა ისაუბრა, რის გამო კომპლექსდებოდა დედამისი. როგორც გაირკვა, ''ოსკარის'', სამი ''ოქროს გლობუსის'', ''ემისა'' და ''გრემის'' მფლობელს არასოდეს ესმოდა, რატომ აღფრთოვანდებოდნენ მისით ადამიანები. ამის შესახებ მისმა ვაჟმა, 45 წლის ლუკა დოტიმ ისაუბრა. ''ის არ იყო მაღალი აზრის საკუთარ თავზე და ძალიან უკვირდა, როცა ეუბნებოდნენ, რომ ამდენი ადამიანი ეთაყვანებოდა. ძალიან მოკრძალებული იყო და ერიდებოდა თავისი წარმატების. დიახ, რასაკვირველია, მოსწონდა ეს აღიარება, მაგრამ პოპულარობა არასდროს იყო დედაჩემის მიზანი'',- აღნიშნა ლუკამ.

რატომ ჰქონდა კომპლექსები? თურმე, პრესაში გამოქვეყნებული სტატიების, ჟურნალისტების კრიტიკის გამო ითრგუნებოდა. ''მათ დაარწმუნეს, რომ ოდრი არ იყო ლამაზი – ფეხი ჰქონდა, დიდი ცხვირი, პატარა მკერდი. სულაც არ შეესაბამებოდა მამაკაცების წარმოდგენას ქალურ სილამაზეზე''.

მიუხედავად იმისა, რომ მიაჩნდა, არ იყო სრულყოფილი, სულაც არ ცდილობდა რაიმეს გამოსწორებას პლასტიკური ქირურგიის მეშვეობით. არც იმათ კიცხავდა, ვინც ასე იქცეოდა: ''დედას ყოველთვის მიაჩნდა, რომ ყველა ადამიანს აქვს უფლება, ჰქონდეს საკუთარი არჩევანი და თავი ლამაზად მიაჩნდეს. არ ვიცი, დათანხმდებოდა თუ არა ქირურგიულ ჩარევაზე, შეიძლება, მხოლოდ მინიმალურზე''.

როგორც მისი ვაჟი ამბობს, უკვე ასაკში შესული ოდრი ამაყობდა თავისი ასაკით და არც დაბერების ეშინოდა. ''დედას ყოველთვის მიაჩნდა, რომ არც კაცებმა და არც ქალებმა არ უნდა დამალონ ასაკობრივი ცვლილებები და არც გაახალგაზრდავდნენ შეუფერებელი სამოსითა თუ პლასტიკური ქირურგიით''.
შეგახსენებთ, ლუკა მსახიობის უმცროსი ვაჟია, რომელიც 41 წლისამ გააჩინა, იტალიელი ექიმ-ფსიქიატრ ანდრეა დოტისგან. ოდრის ასევე დარჩა უფროსი ვაჟი, 55 წლის შონი, მელ ფერერთან ქორწინებიდან.
წყარო: reitingi.ge