• სასურველი მამაკაცები, რომლებიც ტელეეკრანიდან ყოველდღიურად გვიმზერენ

    წინა კვირას პოპულარული ტელესერიალის მომხიბვლელი ქალბატონების ოთხეული შემოგთავაზეთ, ახლა კი მამაკაცებსაც შევავლოთ თვალი და ვნახოთ, ვინ გვიმზერს ყოველდღიურად ტელეეკრანებიდან.

    ენგინ აკიურეკი, ''მაესტრო'', ''შავი ფული და სიყვარული''

    ქართველი სუსტი სქესის წარმომადგენლები თურქი მსახიობებიდან ენგინს ერთ-ერთ გამორჩეულ სახედ მიიჩნევენ და მის მომხიბვლელობას დითირამბებსაც უმღერიან. ენგინი ამ სერიალში სამართლიანობისთვის მებრძოლ პოლიციელად წარმოგვიდგება, რითაც განსაკუთრებით ხიბლავს მაყურებელს. სხვათა შორის, თავიდან ენგინი მსახიობობაზე სულაც არ ფიქრობდა, ანკარაში დაიბადა და იქვე დაამთავრა უნივერსიტეტი, ისტორიის ფაკულტეტი.

    Rating

    მამა თანამდებობის პირია, დედა კი - დიასახლისი. 2004 წელს, უნივერსიტეტის დასრულების შემდეგ, მან კონკურს ''თურქეთის ვარსკვლავში'' მიიღო მონაწილეობა, პირველ ადგილზე გასვლამ კი პირველი როლიც მიაღებინა სერიალში, რისთვისაც კრიტიკოსთა დადებითი შეფასებები დაიმსახურა. სწორედ აქედან იწყება მისი სამსახიობო კარიერაც, რაშიც გარეგნობამაც საკმაოდ შეუწყო ხელი. საკუთარ ქვეყანაში უამრავი ჯილდო აქვს მიღებული.

    ეუხენიო სილერი, ''პალიტრა TV'', ''მაფიაზე გათხოვილი''

    ამერიკული კრიმინალური დრამა მთელ მსოფლიოში ძალიან პოპულარულია და საქართველოშიც ბევრი მაყურებელი შეიძინა. ეს კი, ერთი მხრივ, ეუხენიოს გარეგნულმა მხა-რემაც განაპირობა. ის არა მხოლოდ მსახიობი, არამედ მომღერალიც გახლავთ და ალბათ არ გაგიკვირდებათ, როცა გეტყვით, რომ მოდელიც.

    Rating

    თავისი კარიერა რეკლამებში მონაწილეობით დაიწყო, თეატრალურ დადგმებშიც ეპატიჟებოდნენ. 1998 წელს ის თავის ძმა მუნდოსთან ერთად მუსიკალურ ჯგუფში გაწევრიანდა, რომელსაც ''კლიშე'' ერქვა. მოგვიანე ბით დუეტიც ჩამოაყალიბა მუნდოსთან ერთად და იტალიაში სამოდელო საქმიანობა დაიწყო. 2005 წლიდან კი მსახიობობით დაინტერესდა. მექსიკის სამსახიობო სკოლა დაასრულა და 2006 წელს ერთ-ერთ ტელენოველაში მონაწილეობით გაითქვა სახელი, რომელშიც ბრმა პერსონაჟი განასახიერა. მას შემდეგ მისი კარიერა სულ უფრო მასშტაბურ სახეს იძენს.

    ქენან იმირზაოღლუ, ''რუსთავი 2'', ''ქარადაი''

    თურქმა მსახიობმა და მოდელმა ტექნიკური უნივერსიტეტი დაამთავრა და პროფესიით მათემატიკოსი გახლავთ, თუმცა, როგორც ჩანს, ამ პროფესიამ ნაკლებად გაიტაცა და ტელევიზიას მიაშურა სერიალებში გადასაღებად.

    Rating

    სხვათა შორის, ბევრმა არ იცის, რომ ის საოპერო ტენორია და 2015 წელს ბროდვეიზე ენდრიუ ლოიდ ვებერის ''ოპერის ფანტომის'' დადგმაში მონაწილეობს.

    ოზჟან დენიზი, ''იმედი'', ''შავი ვარდი''

    ოზჟანიც ანკარაშია დაბადებული. მან ნაადრევად მიატოვა სკოლა და მუსიკით დაკავდა. 13 წლისა ერთ-ერთ მუსიკალურ ჯგუფში გაერთიანდა და 16 წლის ასაკში ანტალიაში კონცერტებს მართავდა, შემდეგ საცხოვრებლად სტამბოლს მიაშურა.

    Rating

    სამი წელი გერმანიაში ცხოვრობდა და სამშობლოში დაბრუნებულმა მუსიკალურ კარიერას მიჰყო ხელი, 2002 წლიდან კი სერიალების გადაღებაში ჩაერთო. პოპულარულია არა მხოლოდ თურქეთში, არამედ მის ფარგლებს გარეთაც.


    წყარო: reitingi.ge
    1 809 ნახვა
    27-05-2015, 23:24
    GOGATV

    abezara