• რამდენ მილიონს ფლობს ია ფარულავა და რა ქონება დარჩა მსახიობს წარუმატებელი ქორწინებებიდან

    Ambebi.ge გთავაზობთ სტატიების სერიას, რომელშიც ყველაზე წარმატებულ და მდიდარ ქართველებზე გიამბობთ. ამჯერად ჩვენი რესპოდენტი ცნობილი მსახიობი და ტელეწამყვანი ია ფარულავაა. რა ქონებას ფლობს და აქვს თუ არა ბიზნესი, ამის შესახებ ინტერვიუდან შეიტყობთ.

    - რა არის თქვენი შემოსავლის წყარო?
    - არაერთხელ ითქვა, თითქოს რაღაც ბიზნესწილებს ვფლობ, რამდენიმე მაღაზიის მეპატრონე ვარ, მაგრამ ეს ყველაფერი ტყუილია. ერთმა ადამიანმა ისიც კი მკითხა, Ambebi.ge ხომ შენიაო, რაზეც გამეცინა. ახლა არ ვმუშაობ, ჩემი შემოსავლის წყარო სატელევიზიო კონტრაქტებია, რომელიც "რუსთავი 2"-თან მაქვს. თუ დაიწყო სექტემბრიდან, ისევ ვიქნები "ნიჭიერის" ჟიურის წევრი, წინასწარ დეტალებზე საუბარი არ მინდა.

    მქონდა შემოთავაზება "რუსთავი 2"-დან და "იმედიდანაც" კვირაში ერთხელ წამეყვანა გადაცემა, მაგრამ ამ ეტაპზე უარი ვთქვი. არ შემიძლია ასე მუშაობა. მირჩევნია პროექტები, ჩემს ქმარსაც აქვს შემოსავალი და რატომ უნდა ვიწვალო? რომ მიჭირდეს, დავთანხმდებოდი ამ შემოთავაზებას. რამდენიმე წლის წინ, როცა "დღის შოუს" წაყვანას დავთანხმდი, მჭირდებოდა სამსახური და ამიტომ მივიღე ის შემოთავაზება.

    - რამდენ ნულიანია თქვენი ხელფასი?
    - რა თქმა უნდა, სამ ნულიანი.

    - რა სახის უძრავ ქონებას ფლობთ?
    - 3 საკუთარი უძრავი ქონება მაქვს. ეს არის, ბანკის მიერ მილიონ დოლარად შეფასებული სახლი აბანოთუბანში. რამდენჯერმე შემომთავაზეს მილიონი ამ სახლში, მაგრამ ამ ფასად იმ სახლის გაყიდვა დამენანა. ასევე მაქვს პატარა ბინა ყაზბეგის ქუჩაზე, რომელიც 85 ათას დოლარად არის შეფასებული და ორსართულიანი სახლი ნუცუბიძეზე, რომლის ღირებულებაც 250 000 დოლარს შეადგენს. რას ვაქირავებ და რა შემოსავალი მაქვს, არ დავკონკრეტდები. ტარიელსაც აქვს სამი ბინა და საკუთარი შემოსავალი. არ მიჭირს, მაგრამ იმდენიც არ მაქვს, პარიზში და მილანში ვიშოპინგო და თავზე დავიმხო ყველაფერი.

    - თქვენი ქმრის ჰონორარი რამდენია?
    - რამდენიმე ათასზეა საუბარი. ტარიელი ახლაც გერმანიაშია მიწვეული, კონცერტები აქვს. სამ თვეში ერთხელ აუცილებლად ეპატიჟებიან კონცერტების ჩასატარებლად. ბოლო დროს დიდი პაუზა გამოუვიდა, რადგან გია ყანჩელის პროექტზე მუშაობდა. თამამად შეგიძლიათ თქვათ, რომ მილიონერი ვარ.

    - რა მანქანა გყავთ?
    - არ მკითხოთ, აზრზე არ ვარ რა მანქანა მყავს. "მერსედესის" მარკის რაღაც კარგი მოდელია. 2007 წლის მოდელია და ახლანდელი მდგომარეობით 22 000 დოლარად გავყიდი.

    - ბანკის ვალი თუ გაქვთ?
    - არ მაქვს. 4 წლის წინ მქონდა მანქანის გამო კრედიტი აღებული. წესით საკუთარი ბიზნესი კი უნდა მქონდეს. ჩემი მეგობარი ბიზნესმენი ქალბატონები მეუბნებიან, გარისკე, რისკის გარეშე არაფერი გამოვაო, მაგრამ ვერ ვრისკავ. შემიძლია თუნდაც სასტუმროს გაკეთება აბანოთუბანში მდებარე სახლში, მაგრამ ვერ გავრისკე. კი ვტოვებ გაბედული და უშიშარი ქალის შთაბეჭდილებას, მაგრამ ბიზნესი არ მესმის. ვცადე კრემების ბიზნესი, რომელიც საზღვარგარეთიდან შემომქონდა, მაგრამ ისიც არ გამომივიდა. აღმოჩნდა, რომ ნახევარზე მეტი სხვას ვაჩუქე. ავიღოთ თუნდაც ჩემი წიგნი, რომელიც ახლა ძალიან გაპიარებულია, ყველა იყიდის, მხოლოდ ფეისბუქზე 47 ათასი ფანი მყავს და ნახევარმა მაინც რომ შეიძინოს, დიდი თანხა იქნება, მაგრამ ვერ ვყიდი, რადგან ყველა საჩუქრად დავარიგე. მოკლედ დებილი ვარ რა.

    - წარბების ფორმების ბიზნესიც
    ამის გამო არ გამოგივიდათ?
    - ის ბიზნესი არ იყო მოგებაზე გათვლილი. უფრო გართობა იყო. როცა ბიზნესლედი ხარ, უმოწყალო უნდა იყო, მე კი უარის თქმა არაფერზე შემიძლია, კეთილი ვარ და ასე ბიზნესის აწყობა არ გამოვა.

    - ყოფილი ქმრებისგან რა ქონება დაგრჩათ?
    - ყოფილმა ქმრებმა ნერვების დაგლეჯვის მეტი არაფერი დამიტოვეს, იქეთ გამწეწეს.

    - ქველმოქმედი ხართ?
    - არ მიყვარს, როცა ქველმოქმედების აფიშირებას ახდენენ ადამიანები. რაც შემიძლია მაქსიმალურად ვაკეთებ. თუ საქველმოქმედო კონცერტი ტარდება, მასშიც აქტიურად ვერთვები, სხვის გამო ყველგან შემიძლია დავრეკო, რასაც საკუთარი თავის გამო არ გავაკეთებ. მგონი ამით გამორჩეული არ ვარ, უმეტესობა ასეთია.
    წყარო: ambebi.ge
    1 577 ნახვა
    12-06-2015, 23:20
    GOGATV

    abezara