• ივლისის სექსჰოროსკოპი- ვისთან შეხვედრას გიმზადებენ ვარსკვლავები?

    ვერძი (21 მარტი - 20 აპრილი) ვერძებს ივლისში რთული ურთიერთობა შეექმნებათ პარტნიორთან. გამორიცხული არ არის ცხარე გარჩევა ურთიერთწყენისა და ვალდებულების უგულებელყოფის გამო. 

    შესაძლოა, ვერ შეთანხმდეთ ერთობლივად დროის გატარებაზეც. თუ თქვენ ჯერ კიდევ თავისუფალი ხართ, მაშინ გელით ახალი ნაცნობობა, რომელიც ბევრ რამეს შეცვლის თქვენს ცხოვრებაში.

    ივლისის დასაწყისში შეეცადეთ იყოთ ყურადღებიანი. გაითვალისწინეთ არა მხოლოდ საკუთარი ინტერესები და სურვილები, არამედ პარტნიორის პრიორიტეტებიც. თვის შუა რიცხვებში მთელი სერიოზულობით მიუდგებით ადამიანს, რომელიც ახლახან გამოჩნდა თქვენს ცხოვრებაში. 

    ივლისის დასასრულს აქტიური სასიყვარულო ემოციები გელით, რომელიც დიდ სიამოვნებას მოგანიჭებთ.

    კურო (21 აპრილი - 20 მაისი)

    კუროებისთვის ივლისი ნათესაური ურთიერთობის ნიშნით წარიმართება. ყველაფერი ისე არ იქნება, როგორც თქვენ გსურთ, მაგრამ ეს წაგადგებათ თქვენც და თქვენს ახლობლებსაც. შეეცადეთ არ გაღიზიანდეთ, თუ ოჯახური საქმეები პირად ცხოვრებას მოგწყვიტავთ. დროულად აღებული პაუზა საშუალებას მოგცემთ გაარკვიოთ ურთიერთობა საყვარელ ადამიანთან. 

    ივლისის დასაწყისში შესაძლოა, შეგნებულად შეცვალოთ ურთიერთობა პირად ცხოვრებაში, რადგან ჩათვლით, რომ თქვენ სხვა ადამიანს უფრო სჭირდებით, ვიდრე თქვენს ჩვეულ პარტნიორს. შეეცადეთ, შეინარჩუნოთ სიმშვიდე და ნუ ჩავარდებით ღრმა დეპრესიაში - ძალიან მალე ბოდიშს მოგიხდიან.

    ივლისის ბოლოს თქვენში პრიორიტეტების გადაფასება მოხდება. გამორიცხული არ არის, რომ თქვენზე უდიდეს გავლენას მოახდენს მოგზაურობა. 

    ტყუპი (21 მაისი - 21 ივნისი)

    ტყუპისთვის ივლისი გარდამტეხი აღმოჩნდება. შესაძლოა, შეგნებულად დაანგრიოთ არსებული ურთიერთობა, რადგან სხვა ადამიანთან მოგინდებათ ცხოვრების დაწყება. მაგრამ ნუ დაკარგავთ "თქვენს სახეს". თუ თქვენ მყარად გაქვთ გადაწყვეტილი ეს ყველაფერი, მაშინ ნუ გაწელავთ დროს ზედმეტი განმარტებებით და ნუ მისცემთ ტყუილ იმედს იმ ადამიანს, რომლის მიტოვებაც გაქვთ გადაწყვეტილი.

    თვის დასაწყისში მოგიწევთ იყოთ ზედმიწევნით დიპლომატიური, იმისათვის, რომ დაიცვათ თქვენი სიყვარული და ცუდ მდგომარეობაში არ ჩააყენოთ თქვენთვის საყვარელი ადამიანი. ივლისის შუა რიცხვებში სარგებლობას მხოლოდ აწონილ-დაწონილი გადაწყვეტილებები მოგიტანთ, მაგრამ თუ ემოციებს აჰყვებით, საკუთარ თავსაც ავნებთ და სხვებსაც.

    თვის ბოლოს ყურადღებით იყავით - ყველას ნუ ენდობით, განსაკუთრებით კი, ახალ ნაცნობებს.

    კირჩხიბი (22 ივნისი - 22 ივლისი)

    კირჩხიბებს ივლისში გაუჭირდებათ გამონახონ დრო პირადი ცხოვრებისთვის. პირველ ადგილზე სახლის საქმეები და ცვლილებები გადაინაცვლებს.

    სხვათა შორის, ზოგიერთი კირჩხიბისთვის ამ ცვლილებებს სწორედაც რომ სასიყვარულო დატვირთვა ექნება. გამორიცხული არ არის, რომ თქვენ "სიყვარულის ბუდის" მოწყობით იქნებით დაკავებული, ან ახალ ურთიერთობებს ჩაეყრება საფუძველი, რომელიც ძალიან სწრაფად განვითარდება.

    ივლისის დასაწყისში არსებულ ან ახლად გაჩენილ ურთიერთობებში მხოლოდ საკუთარი განწყობით იქნებით ორიენტირებული. ბევრი რამ იქნება დამოკიდებული თქვენს ოპტიმიზმზე. თვის შუა რიცხვებში მნიშვნელოვანი ნაცნობობა გელით, რომელიც ან ძალიან შორს მოხდება თქვენი სახლიდან, ან ზუსტად თქვენს საცხოვრებელში.

    ივლისის ბოლოს ფრთხილად იყავით - ნუ გადააჭარბებთ და ნუ შეეცდებით მოაწონოთ თავი იმ ადამიანს, რომელიც საერთოდ არ შეგეფერებათ.

    ლომი (23 ივლისი - 22 აგვისტო)

    ლომებს ივლისში შინაგანი კონფლიქტი ელით. მათში სურვილი, იზრუნონ პირად ცხოვრებაზე და სამუშაოსა და ოჯახის საქმეების შესრულების აუცილებლობა ერთმანეთს შეეჯახება. 

    შეეცადეთ ორგანიზება გაუკეთოთ თქვენს ცხოვრებას ისე, რომ დააკმაყოფილოთ ყველა თქვენი სურვილი და ამასთან, ვალდებულებებიც არ დაივიწყოთ. ამ შემთხვევაში დაჯილდოვდებით პირად ცხოვრებაში პოზიტიური ცვლილებებით. 

    ივლისის დასაწყისში პარტნიორთან ცხარე გარჩევ-გამორჩევა მთელ ძალებსა და ენერგიას წაგართმევთ. შეეცადეთ გაარკვიოთ, რის საფუძველზე გაჩნდა კონფლიქტი და მოძებნეთ ოპტიმალური გამოსავალი ამ უსიამოვნების აღმოსაფხვრელად. თვის შუა რიცხვებში თავისუფალ ლომებს ნიშანდობლივი ნაცნობობა ელით, რომელიც შესაძლოა, გრძელვადიან რომანში გადაიზარდოს და ქორწინებითაც დაგვირგვინდეს.

    ივლისის ბოლოს შესაძლოა, გაგირიგონ ისეთი ადამიანი, რომელიც ბევრ უსიამოვნებას მოგიტანთ. ნურავის მისცემთ უფლებას, ჩაერიოს თქვენს ცხოვრებაში.

    ქალწული (23 აგვისტო - 22 სექტემბერი)

    ქალწულებს ივლისში აქტიური ცხოვრება ელით. თუ ჯერ კიდევ თავისუფალი ხართ, მაშინ გაძლიერებული ენერგიითა და მეთოდებით დაიწყებთ ძებნას ადამიანის, რომელთანაც შესაძლებელი იქნება, შექმნათ ოჯახი. მაგრამ თუ დაქორწინებული ხართ, მაშინ მოგინდებათ სულ გვერდით გყავდეთ თქვენი მეორე ნახევარი და ამისათვის ახალ მეთოდებს შეიმუშავებთ.

    ივლისის დასაწყისში შესაძლოა, სასიყვარულო ურთიერთობის "დეტექტორი" გახდეთ. გამორიცხული არ არის, დაგჭირდეთ პარტნიორის გვერდში დგომა და მიიღებთ თუ არა მხარდაჭერას, ამაზე იქნება დამოკიდებული თქვენი ურთიერთდამოკიდებულების განვითარება.

    თვის შუა რიცხვებში მოერიდეთ კატეგორიულ განცხადებებს. თქვენი მაქსიმალიზმი გაართულებს როგორც თქვენს ცხოვრებას, ასევე თქვენი პარტნიორისასაც - რეალურის თუ ჰიპოტეთიურის. ივლისის ბოლოს შესაძლოა, სერიოზული ცვლილებების გადაწყვეტილება მიიღოთ პირად ცხოვრებაში, მაგრამ იყავით წინდახედული.

    სასწორი (23 სექტემბერი - 22 ოქტომბერი)

    სასწორებს ივლისში პირად ცხოვრებაში აქტიური ცვლილებები ელით. შესაძლებელია ახალი ნიშანდობლივი ნაცნობობა, თუმცა გამორიცხული არ არის, რომ თქვენ ურთიერთობას დაიწყებთ ადამიანთან, რომელსაც დიდი ხანია იცნობთ, ან რომლის მიმართაც ოდესღაც არ იყავით გულგრილი. 

    ნუ მოთოკავთ მოზღვავებულ გრძნობებს - ის შესაძლოა, ძალიან პერსპექტიული იყოს.
    ივლისის დასაწყისში ბევრ რამეს მიხვდებით სხვების ურთიერთობის მაგალითზე. გამორიცხული არ არის, რომ რაიმე მოვლენამ გაჩვენოთ, რა გინდათ იმ ურთიერთობისგან, რომელიც ამჟამად გაქვთ.

    თვის შუა რიცხვებში თქვენს პირად ცხოვრებაში ცვლილებები მოხდება, რომელსაც საკუთარ ბინაში გადაადგილებებით დაიწყებთ. თვის ბოლოს გელით საინტერესო დროსტარება, რომელიც საინტერესო ნაცნობობასაც გპირდებათ. 

    მორიელი (23 ოქტომბერი - 21 ნოემბერი)

    მორიელებისთვის ივლისი პირად ცხოვრებაში ფასეულობების გადაფასებით დაიწყება. ვინმეს ან რაიმეს უფრო მეტად დააფასებთ, ვიდრე აქამდე.

    თუმცა პრიორიტეტების ცვლას მინუსიც ექნება, ანუ თქვენ იმაშიც დარწმუნდებით, რომ ვიღაცის გარეშე უკეთ იცხოვრებთ. დაიწყებთ მოძველებული ურთიერთობის ნგრევას და ახლის შენებას. 

    ივლისის დასაწყისში ორაზროვანი სიტუაცია შეგექმნებათ. შესაძლოა, მოგინდეთ თქვენს გვერდში მყოფი ადამიანის გამოცდა, რათა დარწმუნდეთ მის თქვენდამი გრძნობების რეალურობაში, მაგრამ ამ საქციელმა შესაძლოა, კონფლიქტამდე მიგიყვანოთ. ამიტომაც დაფიქრდით, სანამ რაიმეს დაგეგმავდეთ. 

    თვის შუა რიცხვებში გირჩევთ, მოერიდოთ უცხო ადამიანებთან კონტაქტს - გამორიცხული არ არის, ამის გამო საფრთხეში აღმოჩნდეთ. ივლისის ბოლოს შესაძლოა, ახლობელს ხელი ვერ გაუმართოთ. გააკეთეთ ეს კორექტულად.

    მშვილდოსანი (22 ნოემბერი - 21 დეკემბერი)

    მშვილდოსნებს ივლისში საყვარელი ადამიანისთვის ბრძოლა მოუწევთ. შესაძლებელია, თქვენ მოგინდეთ, ურთიერთობა უფრო გააღრმავოთ და უფრო სტაბილურ და სერიოზულ ეტაპზე გადაიყვანოთ, თუმცა თქვენი პარტნიორი რაღაც მიზეზების გამო წინააღმდეგობას გაგიწევთ. ნუ დააჩქარებთ მოვლენებს და ნუ მოახდენთ პარტნიორზე ზეწოლას. შესაძლოა, კიდეც გამოგივიდეთ ჩანაფიქრი, მაგრამ ბედნიერებას ეს ურთიერთობა არ მოგიტანთ. 

    თუ დაქორწინებული ხართ, მაშინ ივლისის დასაწყისში მოგიწევთ, თქვენი მეორე ნახევრის გამო პასუხი აგოთ. თუ თავისუფალი ბრძანდებით, მაშინ გელით ნაცნობობა, რომელიც მთელ თქვენს ცხოვრებას შეცვლის. სავარაუდოდ, თქვენს მომავალ ბედს შეხვდებით. 

    თვის შუა რიცხვებში ფრთხილად იყავით უცნობ ადამიანებთან ურთიერთობისას. ნუ დაპატიჟებთ მათ სახლში და მით უმეტეს, ნუ იქონიებთ მათთან სქესობრივ კონტაქტს. ივლისის ბოლოს შეეცადეთ, არ ჩაერიოთ მეგობრების პირადი ცხოვრების მოწყობაში, თორემ შესაძლოა, რაიმეში დაგადანაშაულონ.

    თხის რქა (22 დეკემბერი - 19 იანვარი)

    თხის რქებს ივლისში კომპრომისის ძებნა და პარტნიორის ინტერესების გათვალისწინება მოუხდებათ. გამორიცხული არ არის, რომ ურთიერთობას გააფუჭებს კამათი ყოფით პრობლემებზე.

    ნუ შეეცდებით სხვის მაგივრად პრობლემის გადაწყვეტას. თუ ჯერ კიდევ თავისუფალი ხართ, მაშინ ივლისში ერთდროულად რამდენიმე საინტერესო ნაცნობობა გელით. ამიტომაც არჩევანის წინაშე დადგებით.

    თვის დასაწყისი წარმატებული იქნება პირადი საქმეების მოსაგვარებლად. საყვარელ ადამიანთან ერთად მოგზაურობა დადებითი ენერგიით დაგმუხტავთ. თვის შუა რიცხვებში თავისუფალ თხის რქებს პირად ცხოვრებაში მნიშვნელოვანი ცვლილებები ელით. 

    თვის ბოლოს ერთდროულად რამდენიმე საწინააღმდეგო სქესის ადამიანი მიიპყრობს თქვენს ყურადღებას. ამასთან, ეს აქტუალური იქნება იმ შემთხვევაში, თუ უკვე გყავთ პარტნიორი.

    მერწყული (20 იანვარი - 19 თებერვალი)

    მერწყულებს ივლისში ბევრი სიახლე ელით. საბოლოოდ გაიგებთ იმ ადამიანის ზრახვებს, რომელთან ერთადაც ერთ ჭერქვეშ ცხოვრობთ ან რომელიც დიდი ხანია თქვენს მოხიბვლას ცდილობს. თუ მეორე შემთხვევაში სიტუაცია სიამოვნებას მოგიტანთ, პირველ შემთხვევაში გამორიცხული არ არის, იმედი გაგიცრუვდეთ. 

    ნებისმიერ შემთხვევაში, ივლისში არ ღირს დაიჯეროთ მარადიულ სიყვარულზე ფიცი-მტკიცი. უფრო სარწმუნოა, ყალბი იყოს ყოველივე ეს.

    ივლისის დასაწყისში მეოჯახე მერწყულებს მოუწევთ, მეორე ნახევრის მდგომარეობაში შევიდნენ და ზოგიერთი ვალდებულება საკუთარ თავზე აიღონ. თვის შუა რიცხვებში ხასიათის მკვეთრი გაუარესება გელით, რაც ცუდად აისახებ პირად ცხოვრებაზე. ივლისის ბოლოს საკურორტო ან სამსახურებრივი რომანი გელით. ისე მოიქეცით, როგორც გული გიკარნახებთ და არ შეცდებით.

    თევზები (19 თებერვალი - 20 მარტი)

    თევზები ივლისში საყვარელ ადამიანთან ურთიერთობაში მეტი ჰარმონიისთვის იბრძოლებენ. შესაძლებელია, პარტნიორს ერთად ცხოვრება ან ბავშვის გაჩენა შესთავაზოთ. და თუ 100 %-ით იქნებით დარწმუნებული საკუთარ სურვილებში, საყვარელი ადამიანიც თანახმა იქნება ამ ნაბიჯის გადადგმაზე.

    ივლისის დასაწყისში ახლობელი ადამიანის თანადგომა დაგჭირდებათ. 
    თვის შუა რიცხვებში მოწყენილობა დაგეუფლებათ. ივლისის ბოლოს გადაწყვეტილების მიღება მოგიწევთ, რომელიც საკმაოდ დიდი ხნით განსაზღვრავს თქვენს პირად ცხოვრებას.

    3 041 ნახვა
    23-06-2016, 22:18
    GOGATV

    abezara