ქალი, რომელმაც სიკვდილი ვერ დაამარცხა - 10 ფაქტი მომღერალ ჟანა ფრისკეს ცხოვრებიდან

ცნობილი მომღერალი ჟანა ფრისკე 41 წლის ასაკში გარდაიცვალა. "დიახ, სიმართლეა, ჟანა 15 ივნისს, საღამოს 10 საათზე გარდაიცვალა" - განაცხადა მომღერლის მამამ, ვლადიმირ ფრისკემ.

ჟანა ფრისკეს და ყვება, რომ მომღერალი მოსკოვში დაიღუპა. "ჟანა სახლში გარდაიცვალა. უბრალოდ ასე მოხდა..." ამბობს ნატალი ფრისკე.

2013 წლიდან მომღერალი თავის ტვინის სიმსივნეს ებრძოდა. ჟანას დასახმარებლად საზოგადოებამ 68 მილიონი რუბლი გაიღო, რის ნახევარიც მან სიმსივნით დაავადებული ბავშვების დასახმარებლად გადარიცხა.

ნიუ-იორკის ჰოსპიტალში ხანგრძლივი მკურნალობის კურსის შემდეგ, ჟანა რუსეთში დაბრუნდა, სადაც მოსკოვთან ახლოს, აგარაკში, კანონიერ ქმართან, დიმიტრი შეპელევიმთან და ორი წლის შვილთან, პლატონთან ერთად ცხოვრობდა.

ფრისკე ფართო საზოგადოებისთვის ცნობილი 1996 წელს გახდა, როცა ჯგუფ "ბლესტიაშიეში" გაწევრიანდა. 2003 წელს სოლო კარიერა დაიწყო. შემდეგ კი რამდენიმე ფილმშიც მიიღო მონაწილეობა.

10 ფაქტი ჟანა ფრისკეს ცხოვრებიდან:

1. თავდაპირველად 22 წლამდე ჟანა მშობლის გვარს - კაპილოვას ატარებდა. გვარი ფრისკე მან ჯგუფ "ბლესტიაშიეში" გაწევრიანების შემდეგ შეარჩია. ფრისკე - მამის მხრიდან, მომღერლის ბებიის გვარი გახლავთ. ფრისკეს გვარზე გადავიდნენ ჟანას ნათესავებიც.

2. კარიერის დაწყებამდე ჟანა სწავლობდა ქორეოგრაფიის დეპარტამენტში მოსკოვის კულტურის უნივერსიტეტში, მოსკოვის
სახელმწიფო უნივერსიტეტში იურიდიულ ფაკულტეტზე. ასევე მუშაობდა ქორეოგრაფად და საოფისე ავეჯის გაყიდვების მენეჯერად.

3. პირველად ჯგუფ "ბლესტიაშიეს" პროდიუსერმა ანდეი გროზნიმ, ჟანას ქორეოგრაფიული პროექტის კონსულტანტობა შესთავაზა, შემდეგ კი ჯგუფის წევრობაზე დაითანხმა.

4. 2003 წელს ფრისკემ მონაწილეობა მიიღო პროექტ "უკანაკნელი გმირი-4"- ში, სადაც ფინალამდე მივიდა. პროექტიდან დაბრუნების შემდეგ მომღერალმა ჯგუფი დატოვა და სოლო კარიერა დაიწყო.

5. ჟანა ფრისკეს სადებიუტო ალბომი, რომელიც 2005 წელს გამოვიდა, ლაკონური დასახელებით "ჟანა" შემოიფარგლებოდა.

6. 2004-2005 წლებში მომღერალმა რამდენიმე ფილმში მიიღო მონაწილეობა. დაჯილდოვდა როლისთვის "დღის გუშაგში" , ნომინაცია - "ქალის როლის საუკეთესო შემსრულებელი".

8. 2007 წელს მუზ-ტვ-ს პრემიაზე 3 გზის გამარჯვებული გახდა. ჯილდო მიიღო სამ ნომინაციაში: "საუკეთესო შემსრულებელი"; "საუკეთესო ვიდეო"; "საუკეთესო დუეტი".

9. ჟანა ფრისკეს უმცროსი და, ნატალია ფრისკე, 2007-2008 წლებში ასევე იყო ჯგუფ "ბლესტიაშიეს" წევრი.
9. 2013 წლის აპრილში ჟანას ბიჭი შეეძინა, რომელსაც პლატონი დაარქვა. ბავშვის მამა, მისი კანონიერი ქმარი, ტელეწამყვანი და შოუმენი - დიმიტრი შეპელევია.

10. მას შემდეგ ,რაც ცნობილი გახდა მომღერლის ავადმყოფობის შესახებ, მის სამკურნალოდ ორგანიზემული იყო თანხის შეგროვება. შეგროვებული თანხის ნახევარი ჟანა ფრისკემ ავადმყოფ ბავშვებს გადაურიცხა, რომლებიც სიმსივნური დაავადებებით ინტანჯებოდნენ.
წყარო: reitingi.ge