როდის მუშაობდა რეზო ხოფერია მზიდავად და როგორ შეხვდა ძმის მეორედ დაქორწინებას

ხათუნა ხოფერიას ვაჟი, რეზო ხოფერია, ერთ-ერთი პირველი იყო, ვინც სტიქიის შემდგომ მოხალისეებს შეუერთდა. მუშაობის დროს ხელი და ფეხიც დაიშავა, თუმცა ამ ამბავს არაფრად მიიჩნევს და ფიქრობს, რომ ქართველებმა ასეთი ერთსულოვნება და გვერდში დგომა ლხინშიც უნდა შევინარჩუნოთ.

- ვინც ფიზიკურ შრომას მიჩვეულია, კარგად იცის, რომ მუშაობაში ტკივილს ვერ გრძნობ. რაღაც მომენტში შევამჩნიე, ხელიდან სისხლი მდიოდა. გრძელმკლავებიანი მეცვა. არ მივაქციე ყურადღება. მოხალისეებად ბევრი სამედიცინო უნივერსიტეტის სტუდენტი იყო. ერთ-ერთმა მათგანმა რომ შენიშნა, სისხლი მდიოდა, ჩემი პროტესტის მიუხედავად, ჯერ ''პერეკისით'' დამიმუშავა და მერე შემიხვია. პატარპატარა ტრავმა ყველამ მივიღეთ. არაფერი განსაკუთრებული არ შემმთხვევია.

- ფიზიკური შრომა ალბათ გაგიჭირდა...
- მიმუშავია მძიმე სამუშაოზე, რაღაცები გადმომიტვირთია. ერთი პერიოდი ასეთი სამუშაოს შესრულებაც მომიხდა, თან, მაშინაც ზაფხული იყო და ძალიან ცხელოდა. 150 ლარს მიხდიდნენ, ერთი თვე ვიმუშავე და მერე თავი დავანებე. ვიღლებოდი, რადგან არ მომწონდა სამუშაო. მოხალისედ ყოფნისას კი რაც უფრო ვიღლებოდით, უფრო მეტად გვქონდა მუშაობის სურვილი.

- ამჟამად რას საქმიანობ?
- ვეძებ სამსახურს. სამი შვილი მყავს. მათ ბევრი რამ სჭირდებათ. სამწუხაროდ, სამსახურის ძებნამ დიდხანს მომიწია, შრომას არ ვთაკილობ და იმედია, ღმერთის წყალობით, სამსახური გამოჩნდება.

- ერთი პერიოდი პოლიტიკაში აქტიურად იყავი ჩართული.
- ჩემს ცხოვრებაში არასდროს დამიგეგმავს პოლიტიკაში მოსვლა. მიმაჩნია, რომ მთელი ჩემი ოჯახი ზედმეტად პოლიტიზებულია. საკუთარ ცხოვრებას პოლიტიკური მოვლენების გარეშე ვერ აღვიქვამ. ასე უნდა იყოს საქართველოს ყველა მოქალაქე. წარმოუდგენელია, ამ ქვეყანაში ისე ცხოვრობდე, რომ პოლიტიკა არ გაინტერესებდეს. საქართველოში რაც მომხდარა, არც ერთ მოვლენას არ გამოვკლებივარ. ყველგან ჩემი პოზიცია დამიფიქსირებია.

- როგორც ვიცი, მეუღლეს დაშორდი...
- ორი ცოლი მყავდა. პირველ მეუღლესთან ძალიან დიდხანს ვიყავი. მანჩო გამყრელიძესთან ორი შვილი მყავს. ის არაჩვეულებრივი დედაა. იშვიათად მინახავს ისეთი ქალები, რომლებიც ყველაფრის ერთად შეთავსებას ახერხებენ. ვფიქრობ, ღვთის საჩუქარია, რომ ასეთ ადამიანთან ორი უსაყვარლესი ბიჭი -ლუკა და ნიკოლოზი მყავს.
ლუკა ჩემი პირველი შვილი - პირვე ლი სიყვარულია. ძალიან მაგარი ბიჭია. დარწმუნებული ვარ, რომ კარგი ქართველი გაიზრდება, იმიტომ რომ კარგი დედის შვილია. ნიკოლოზი კი ცარიელი ხალისია, უდიდესი ბედნიერებაა, როდესაც დაიბადა, ბევრი პრობლემა ჰქონდა. მე და მანჩოს ბევრი სანერვიულო შეგვხვდა და მთელმა ოჯახმა ვიბრძოლეთ, რომ ნიკოლოზი გადაგვერჩინა.

ჩემი მეორე მეუღლე იყო რუსკა მანჯგალაძე, რომელთანაც ძალიან ცოტა ხანი მომიწია ცხოვრებამ. არის ცხოვრებაში მომენტები, როდესაც ხვდები, რომ განსაკუთრებულს შეხვდი და გრძნობ, ის ისაა, ვისი გულისთვისაც ყველაფერზე უნდა წახვიდე. მე და რუსკას გვყავს აჩი. აჩი არის ადამიანი, რომელიც როცა გიღიმის, დედამიწის ზურგზე ყველაფერი გავიწყდება.

- ორივე მეუღლესთან მეგობრობ?
- მე და მანჩო რომ შევუღლდით, პატ

არები ვიყავით და ერთად დიდხანს ვიყავით. დღემდე ჩემი ოჯახის წევრია. ჩვენ შორის არაჩვეულებრივი ურთიერთობაა. ჩემსა და რუსკას შორის კი ალბათ წყენა ბევრი იყო, ამიტომაც მასთან ისეთი ღია და გახსნილი ურთიერთობა არ მაქვს, როგორც მანჩოსთან. მაგრამ აქ შესადარებელიც არაფერია, რადგან ჩემსა და რუსკას ურთიერთობაში ალბათ გრძნობაც მეტი იყო და ამას მოსდევს ხოლმე უფრო მეტი კონფლიქტი და ნეგატივი.

- ახლა რა ხდება შენს პირად ცხოვრებაში?
- რემარკს გენიალური რამ აქვს ნათქვამი, ცხოვრება ძალიან დიდია იმისთვის, რომ მხოლოდ ერთხელ გიყვარდესო. ახლა მარტო არ ვარ, თავს ძალიან კარგად ვგრძნობ და ვცდილობ, ცხოვრებაში ჩემი ადგილი დავიმკვიდრო.

- ალბათ, სწორედ ამიტომ ამბობენ შენსა და ბექაზე, რომ მექალთანეები ხართ.
- ბექა, ფაქტობრივად, ჩემი გაზრდილია, ამიტომ, თუ რამეს აშავებს, ჩემი ბრალია, შეგიძლიათ, ჯოხი ჩემზე გადატეხოთ (იცინის). მაგრამ მისი, როგორც მექალთანედ შეფასება, ძალიან გამიჭირდება. უხეშად რომ ვთქვა, ბექა ქალების ყურადღებას იქცევს. რაღაც ასაკში რთულია, რომ სიტუაციებს არ აჰყვე, მაგრამ ის მაინც ახერხებს ამას. რა თქმა უნდა, ყველა ქალი არ გვყვარებია, ვისთანაც მე და ბექას ურთიერთობა გვქონია, მაგრამ ეს არ ნიშნავს, რომ მექალთანეები ვართ.

- ბექას მეორე მეუღლეზე, ინა ოსიპოვაზე რას იტყვი? თიკა ჯამბურიას პროგნოზით, მას კიდევ ბევრი ცოლი ეყოლება...
- ამ შემთხვევაში მე მხოლოდ ერთ რამეს ვიტყვი. ბექასა და ინას უდიდეს ბედნიერებას და ცხოვრების ბოლომდე ერთად ყოფნას ვუსურვებ. დარწმუნებული ვარ, თიკაც იპოვის ნამდვილ სიყვარულს. მე ის ძალიან მიყვარს. ის ჩემი ნინას დედაა, რომელსაც ჩემი შვილებისგან არ განვასხვავებ. სამწუხაროდ, ცხოვრებაში ყველაფერი ხდება და დაზღვეულები არაფრისგან არ ვართ, მაგრამ ეს იმას არ ნიშნავს, რომ პირად დამოკიდებულებებში რაღაც იცვლება. ჩვენ ისევ ვაგრძელებთ მეგობრობას.



- ბექასა და ინას გადაწყვეტილება, რომ დაქორწინებულიყვნენ, მოულოდნელი იყო?
- არ იყო მოულოდნელი, რადგან ბექას გეგმების შესახებ ერთ-ერთმა პირველმა მე ვიცოდი. გადაწყვეტილებებს ნაჩქარევად არ იღებს. ზრდასრული კაცია და ძალიან სერიოზულად ფიქრობს მომავალსა და ცხოვრებაზე. ეს ნაბიჯი, დარწმუნებული ვარ, არ იყო ნაჩქარევი და რაც მთავარია, სიყვარულზე იყო დაფუძნებული. მინდა გითხრათ, რომ ბექა ძალიან ბედნიერია. ინა, როგორც ჩანს, მისთვის დიდი სტიმულია, რომ განვითარდეს და წინ წავიდეს.

წყარო: reitingi.ge