უნიკალური სტილის მქონე ქართველი დიზაინერი მოსკოვში - "ჩემთვის მოდაში ტაბუ არ არსებობს..."

ელენე მეტრეველი - მხატვარი, ბრენდ Fetiche - ს კრეატიული დირექტორი, მაღაზია "Безцензуры"-ს სამხატვრო ხელმძღვანელი.

მხატვარი ვარ და ამის გარეშე ცხოვრება არ შემიძლია. თუ ოდესმე არჩევანის წინაშე დავდგები, აუცილებლად მხატვრობას ავირჩევ და მხოლოდ სურათების ხატვით დავკავდები, მაგრამ ძალიან მიყვარს მოდა. ვიზუალს ყოველდღიურად ვუხამებ განწყობას - რაც ჩემთვის ძალიან მნიშნელოვანია. ახლა მაღაზიებით ვარ დაკავებული და ჩემი მხარდამჭერები ანდრეი და ოლია იამშიკები არიან - ისინი აბსოლუტურად ენდობიან ჩემს გემოვნებას. ქსოვილების უზარმაზარი მაღაზია აქვთ, მე კი ვეხმარები კარგი დიზაინერების პოვნაში და მათთან თანამშრომლობას ვთავაზობ.

ძალიან მიყვარს მოდა

როგორ იქმნება პროდუქტი

ჩანთების შექმნა ასე იწყება - ჯერ ვფიქრობ, ჩანთის მოდელი პირველად ჩემს გონებაში იხატება, შემდეგ კი ქაღალდზე გადმომაქვს. შემდეგ საუკეთესო ვარიანტს ვარჩევთ. რომელიც ტექნოლოგების ხელში ყველაზე წარმატებული გამოდგება და საბოლოოდ ხდება Fetiche - ს ჩანთა.

არქიტექტურული განათლება მაქვს, ეს კი ტექნიკური ესკიზის შექმნისას შრომას მიმსუბუქებს.

ჩვენ მიზნად დავისახეთ - შეგვექმნა ექსკლუზივი, განსხვავებული, ის რაც არ ჰგავს სხვებს. ვიმედოვნებთ, რომ დავალებას თავი წარმატებით გავართვით.

ბრენდი დღესდღეობით წარმოდგენილია: რუსეთში, ყაზახისტანსა და საქართველოში. მონაწილეობას ვიღებთ პარიზის გამოსვლებში, 2015 წლის სექტემბერში კი გაყიდვები ჰონკონგში გადაინაცვლებს. მალე ერთ-ერთი უმსხვილესი საწარმოს Harvey Nichols-ის ვიტრინებში გვიხილავთ.

შეიძინეთ სამოსი, რომელიც თავად წარმოადგენს ხელოვნებას

მინდა, რომ სამოსის წარმოდგენამ მოდა და ხელოვნება გააერთიანოს. მინდა ხალხს დავუმტკიცო, რომ არ არის აუცილებელი მხოლოდ უბრალო და ჩვეულებრივი სამოსის შეძენა. შეიძინეთ სამოსი,
რომელიც თავად წარმოადგენს ხელოვნებას.

როგორ არჩევს სამოსს უნიკალური სტილის მქონე დიზაინერი

უბრალოდ გარდერობს ვაღებ და 10 წუთში მზად ვარ. როცა საყიდლად მივდივარ, არასდროს ვეძებ რაიმე კონკრეტულს, მაშინვე ვამჩნევ რაც მომწონს. არ მაქვს გამოკვეთილი მიმართულება. მომწონს ძველიც და ახალიც, არასდროს ვამბობ უარს ძველ კოლექციაზე.

გარდერობს ვაღებ და 10 წუთში მზად ვარ

ng>არსებობს.

ელენე მეტრეველის დამოკიდებულება ქართველ დიზაინერებსა და მათ შემოქმედებაზე ქართულ სამოდელო ინდუსტრიაში

დღეს ქართველ დიზაინერებს დიდ ყურადღებას უთმობენ, რაც ძალიან მახარებს. მაგრამ მეშინია მალე არ დამთავრდეს - სწრაფად დანთებული ცეცხლი ხომ მალე ქრება. მინდა პროცესი ნელა განვითარდეს, რათა ნამდვილ და პროფესიონალურ პროდუქტად იქცეს. მინდა საქართველომაც მიიღოს ფართო აღიარება. ეს მართლაც ნიჭიერი და შემოქმედებითი ერია.

მეგობარი დიზაინერებიდან ელენე რია ქებურიას გამოარჩევს

რია ჩემი მეგობარი რომ არ იყოს, მაინც გავაღმერთებდი მის შემოქმედებას. მყავს მეგობარი ალექსანდრე არუთუნოვი, ვისი კოლექციაც ყოველგვარი გამონაკლისის გარეშე მომწონს და ვაფასებ მის პროფესიონალურ მიდგომას - ხელოვნება მისი შთაგონების წყაროა და ამით ცოცხლობს.





ასევე ძალიან მომწონს Nina Donis. ფუტურისტული მიმართულებებიდან, ეს ბრენდი რუსეთში ერი-ერთი საუკეთესოა. მომწონს ბრენდი Bohemique-ც.