„ჩემი ცოლის დაქალებში“ ნამდვილი კატო კირვალიძე ბრუნდება

"ჩემი ცოლის დაქალების" ახალი სეზონის დაწყება 2 ოქტომბერს იგეგმებოდა. თუმცა ბოლო დროს "რუსთავი 2"-ში განვითარებულმა მოვლენებმა სერიალის გეგმები შეცვალა. რამდენიმე მსახიობმა სერიალი დატოვა. ლელა მებურიშვილი და ეკა ამირეჯიბი "იმედზე" გადავიდნენ სამუშაოდ.

მას შემდეგ რაც ეს ფაქტი ცნობილი გახდა, მაყრებლის დიდი ნაწილი

ითხოვდა, ძველი კატო კირვალიძის, ნინო გაჩეჩილაძის ეთერში დაბრუნებას. ისინი ვერაფრით ეგუებოდნენ ნინო გაჩეჩილაძის ლელა მებურიშვილით ჩანაცვლებას.

როგორც ჩანს "ფორმულა კრეატივმა" უამრავ ადამიანის სურვილი გაითვალისწინა და ნინო გაჩეჩილაძე კვლავ სერიალში მოიწვია. ისიც თავის ადგილს დაუბრუნდა.

დაახლოებით წელიწადნახევრის წინ ნინო სერიალიდან სკანდალით წავიდა. თუმცა მოგვიანებით "ფორმულა კრეატივსა" და მსახიობს შორის ყველაფერი მოგვარდა. ნინომ მათ გადაღებულ რეკლამაში და ფილმ "ტაქსიში" მიიღო მონაწილეობა.

ახლაც კი როცა სერიალში დაბრუნება სთხოვეს, ბევრი არ უფიქრია. რამდენიმე წუთის წინ "ჩემი ცლის დაქალების" ოფიციალურ გვერდზე ნინო გაჩეჩილაძის ფოტო ატვირთეს წარწერით:
"ორ კვირაში ჩემი ცოლის დაქალების მერვე სეზონი იწყება!

16 ოქტომბერს, პარასკევს, 23:00 საათზე, რა თქმა უნდა - რუსთავი2-ზე". ფოტოს უკვე ძალიან ბევრი მოწონება აქვს. მაყურებელი კმაყოფილია. გაამართლებს თუ არა წასული მსახიობის დაბრუნება, ამას სულ მალე ვნახავთ. აქამდე მსგავსი შემთხვევა ქართული სერიალების ისტორიაში არ ყოფილა.

წყარო: reitingi.ge